ಅಪೊಸ್ತಲ 10:15 - ಕೊಡವ ಬೈಬಲ್

¹⁵ ಅದ್ಂಗ್: ದೇವ ಶುದ್ದಮಾಡ್‍ನಾನ ನೀನ್ ಅಸಹ್ಯಾಂದ್ ಗೇನ ಮಾಡ್‌ವಕ್ಕಾಗಾಂದ್ ದಂಡನೆ ಕುರಿ ಅಂವೊಂಗ್ ಆ ವಾಣಿ ಕ್‍ೕಟತ್.

ಅಪೊಸ್ತಲ 10:15 ပူးပေါင်းရင်းမြစ်များ

ಮತ್ತಾಯ 15:11

ಒಬ್ಬಂಡ ಬಾಯಿರ ಒಳ್‍ಕ್ ಪೋಪದ್ ಅಂವೊನ ಅಶುದ್ದ ಮಾಡುಲೆ, ಬಾಯಿಂಜ ಪೊರಮೆ ಬಪ್ಪದೇ ಅಂವೊನ ಅಶುದ್ದ ಮಾಡ್‌ವಾಂದ್ ಎಣ್ಣ್‌ಚಿ.

ಮಾರ್ಕ 7:19

ಎನ್ನಂಗೆಣ್ಣ್‌ಚೇಂಗಿ ನಂಗ ಪೊರಮೆಯಿಂಜ ಏದ್ ತಿಂಬ ಅದ್ ಕೆಲತ್‍ರ ಒಳ್‍ಕ್ ಪೋಪದಲ್ಲತೆ ಹೃದಯಕ್ ಪೋಪುಲೆ. ಕೆಲತ್‍ರ ಒಳ್‍ಕ್ ಪೋಯಿತ್ ಅರ್‌ಗಣೆ ಆಯಿತ್ ಅದ್ ಪೊರಮೆ ಬಪ್ಪ. ಆನಗುಂಡ್ ಎಲ್ಲಾನ ತಿಂಗಲೂಂದ್ ಯೇಸು ಎಣ್ಣ್‌ಚಿ.

ಅಪೊಸ್ತಲ 10:16

ಇನ್ನನೆ ಮೂಂದ್ ಕುರಿ ಆಚಿ. ಒಮ್ಮಕೆ ಆ ಕಂಬಳಿ ಬಾನತ್‍ರ ಒಳ್‍ಕ್ ಕೂಡಿಯಂಡತ್.

ಅಪೊಸ್ತಲ 10:28

ಪೇತ್ರ ಅಯಿಂಗಕ್: ಯೆಹೂದ್ಯರಲ್ಲತ ಬೋರೆ ಜನಡ ಕೂಡೆ ಐಕ್ಯತ್‍ಲ್ ಇಪ್ಪದ್‍ನ, ಯೆಹೂದ್ಯಂಗಡ ನ್ಯಾಯಪ್ರಮಾಣ ಅನುಮತಿ ಕೊಡ್‍ಪ್‍ಲೇಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿ, ಏದ್ ಒರ್ ಮನುಷ್ಯನು, ಅಂವೊ ಅಶುದ್ದವಾನಂವೋಂದು, ಅಸಹ್ಯವಾನಂವೋಂದು ಎಣ್ಣ್‌ವಕ್ಕಾಗಾಂದ್ ದೇವ ನಾಕ್ ಕಾಟಿಕೊಡ್‍ತಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 11:9

ಅದ್ಂಗ್ ದಂಡೆನೆ ಕುರಿ ಬಾನತ್ಂಜ ಆ ವಾಣಿ: ದೇವ ಶುದ್ದಮಾಡ್‍ನಾನ ನೀನ್ ಅಶುದ್ದಾಂದ್ ಎಣ್ಣತೇಂದ್ ನಾಕ್ ಜವಾಬ್ ಕೊಡ್‍ತತ್.

ಅಪೊಸ್ತಲ 15:20

ಅದ್ಂಡ ಬದ್‍ಲ್ ಅಯಿಂಗ ವಿಗ್ರಹಕ್ ಅರ್ಪಿಚಿಟ್ಟ ಅಶುದ್ದ ಆನ ಕೂಳ್‍ಕ್, ಚೋರೆ ತಿಂಬಕ್, ನೆರ್‌ಕಿತ್ ಚತ್ತ್‌ಪೋನ ಪ್ರಾಣಿಯಡ ಯರ್ಚಿಕ್ ಪಿಂಞ ಲೈಂಗಿಕ ಪಾಪಕ್ ದೂರವಾಯಿತ್ ಇರಂಡೂಂದ್ ಅಯಿಂಗಕ್ ಕಾಗದತ್‍ನ ಒಳ್‍ದಿತ್ ಅಪ್ಪಣೆ ಕೊಡಕನ.

ಅಪೊಸ್ತಲ 15:9

ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್‍ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.

ರೋಮ್ 14:14

ಏದ್ ಆಹಾರವು ಅದಾಯಿತೇ ಅಶುದ್ದ ಆಯಿತಿಪ್ಪುಲೇಂದ್ ಒಡೆಯನಾನ ಯೇಸುರಲ್ಲಿ ಗೊತ್ತಾಯಿತ್ ದೃಡವಾಯಿತ್ ನಂಬುವಿ; ಏದಾಚು ಒರ್ ಆಹಾರ ವಸ್ತುನ ಅಶುದ್ದಾಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಅಂವೊಂಗ್ ಅದ್ ಅಶುದ್ದವಾಯಿತ್‌ಪ್ಪ.

ರೋಮ್ 14:20

ಆಹಾರ ವಿಷಯಕಾಯಿತ್ ದೇವಡ ಕ್ರಿಯೇನ ಪಾಳ್ ಮಾಡತಿ. ಎಲ್ಲಾ ಆಹಾರವು ಶುದ್ದವಾನದ್; ಆಚೇಂಗಿಯು, ಬೋರೆ ಒಬ್ಬ ಬುದ್ದ್‌ಪೋಪಕ್ ಕಾರಣವಾಯಿತ್ ಅಂವೊ ತಿಂದತೇಂಗಿ, ಅದ್ ಅಂವೊಂಗ್ ಕುತ್ತವಾಯಿತ್‌ಪ್ಪ.

1 ಕೊರಿಂಥ 10:25

ಯರ್ಚಿ ಅಂಗಡಿಲ್ ಮಾರ್‌ವ ಎಂತ ಬೋಂಡ್‍ಚೇಂಗಿಯು ನಿಂಗ ತಿಂಬಕಾಯಿತ್ ಎಡ್‍ಪಕ್ ಕಯ್ಯು; ಅದ್ಂಡ ವಿಷಯತ್ ನಿಂಗಡ ಮನಸಾಕ್ಷಿರಗುಂಡ್ ಒಂದು ಕ್‍ೕಪಕ್ ಪೋಕತಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:15

ದೇವಡ ಮಕ್ಕಳಾಯಿತ್ ಹೃದಯತ್‍ಲ್ ಶುದ್ದವಾಯಿತುಳ್ಳಯಿಂಗಕ್ ಎಲ್ಲಾ ಶುದ್ದವಾಯಿತ್‌ಪ್ಪ. ಆಚೇಂಗಿ, ಹೃದಯತ್‍ಲ್ ಅಶುದ್ದವಾಯಿತ್ ದೇವಡ ಮೇಲೆ ನಂಬಿಕೆ ಬೆಕ್ಕತಯಂಗಕ್ ಏದು ಶುದ್ದವಾಯಿತ್ ಇಪ್ಪುಲೆ. ಅಯಿಂಗಡ ಬುದ್ದಿ ಪಿಂಞ ಮನಸಾಕ್ಷಿ ಅಶುದ್ದವಾಯಿತೇ ಇಪ್ಪ.

ಪ್ರಕಟನೆ 14:20

ಪಟ್ಟಣತ್‍ರ ಪೊರಮೆ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಅದ್‍ನ ಚೌಟ್‌ವಕಿಂಜತ್. ಆ ಕುಂಡಿಂಜ, ಚೋರೆ ಪೊರಟಿತ್, ಕುದ್‍ರೆರ ಕಡಿವಾಣತ್‍ನ ಮುಟ್ಟ್‌ವಚ್ಚಕ್ ಎತ್ತರಕ್ ಪಿಂಞ ಇರ್ ನೂಯಿಟ ಒಯಿಂಬತ್ ಆರ್ ಕಿಲೊ ಮೀಟರ್ ದೂರಕ್ ಉಕ್ಕಿ ಪೋಚಿ.