ಅಪೊಸ್ತಲ 10:1 - ಕೊಡವ ಬೈಬಲ್

¹ ಇತಾಲ್ಯ ಪಟಾಲ ಎಣ್ಣುವ ಪಟಾಲತ್‌ಲ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾಯಿತ್ಂಜ ಕೊರ್ನೇಲ್ಯ ಎಣ್ಣುವ ಪೆದ ಉಳ್ಳ ಒರ್ ಮನುಷ್ಯ ಕೈಸರೈ ಪಟ್ಟಣತ್‍ಲ್ ಇಂಜತ್.

ಅಪೊಸ್ತಲ 10:1 ပူးပေါင်းရင်းမြစ်များ

ಮತ್ತಾಯ 27:27

ಅಕ್ಕ ಅದಿಪತಿರ ಸಿಪಾಯಿಯಂಗ ಯೇಸುನ ಅಂವೊಂಡ ಅರಮನೆಕ್ ಕಾಕಿಯಂಡ್ ಪೋಯಿತ್, ಬೋರೆ ಎಲ್ಲಾ ಸಿಪಾಯಿಯಳ ಅಂವೊಂಡ ಪಕ್ಕ ಕೂಟ್‌ಚಿ.

ಮತ್ತಾಯ 27:54

ನೂರ್ ಸಿಪಾಯಿಯಂಗಡ ಅದಿಕಾರಿ ಪಿಂಞ ಅಂವೊಂಡ ಕೂಡೆ ನಿಂದಂಡ್ ಯೇಸುನ ನೋಟಿಯಂಡಿಂಜ ಜನ ಬೂಕಂಪ ಪಿಂಞ ಅಲ್ಲಿ ಆಪಾನೆಲ್ಲಾ ಕಂಡಿತ್, ಬೊತ್ತಿತ್: ಈ ಮನುಷ್ಯ ನೇರಾಯಿತ್ ದೇವಡ ಮೋಂವೊನಾಯಿತ್ಂಜತ್ ಎಣ್ಣಿಯಂಡ್ ಎಣ್ಣ್‌ಚಿ.

ಮಾರ್ಕ 15:16

ಚೆನ್ನ ಪಡೆಯಾಳಿಯಂಗ ದೇಶಾದಿಪತಿ ಅರಮನೆರ ಒಳ್‍ಕ್ ಯೇಸುನ ಕಾಕಿಯಂಡ್ ಪೋಯಿತ್, ಇಂಞು ಉಳ್ಳ ಪಡೆಯಾಳಿಯಂಗ ಕೂಟತ್‌ನ ಕಾಕ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:2

ಅಲ್ಲಿ ನೂರ್ ಸಿಪಾಯಿಯಂಗಕ್ ಅದಿಕಾರಿಯಾಯಿತ್ಂಜ ರೋಮ್ ರಾಜ್ಯತ್‍ರ ಒರ್ ಅದಿಕಾರಿಕ್ ಕುಶಿಯುಳ್ಳ ಒರ್ ಆಳ್‍ಕ್ ದುಂಬ ಕಾಯಿಲೆ ಬಂದಿತ್ ಚಾವನೆಕೆ ಇಂಜತ್.

ಯೋಹಾನ 18:12

ಅಕ್ಕ, ಪಟಾಲಕಾರಳೂ, ಆಯಿರ ಸಿಪಾಯಿಯಂಗಡ ಅದಿಕಾರಿಯು, ಯೆಹೂದ್ಯ ಸಿಪಾಯಿಯಳು ಯೇಸುನ ಪುಡ್‌ಚಿತ್, ಕೇರ್‌ಲ್ ಅಂವೊಂಡ ಕೈಯಿನ ಕೆಟ್ಟ್‌ಚಿ.

ಯೋಹಾನ 18:3

ಆ ಸಮಯತ್‍ಲ್, ಯೂದ ರೋಮ್ ರಾಜ್ಯತ್‍ರ ಸಿಪಾಯಿಯಂಗಳ, ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಅಯಿಚಿತ್ಂಜ ದೇವಾಲಯತ್‍ರ ಸಿಪಾಯಿಯಂಗಳ ಕಾಕಿಯಂಡ್ ಅಲ್ಲಿಕ್ ಬಾತ್. ಅಯಿಂಗಡ ಕೈಯಿಲ್ ಬೊಳ್‍ಚ, ತೂಡ್ ಪಿಂಞ ಆಯುದತ್‍ನ ಎಡ್‍ತಂಡ್ ಬಾತ್.

ಅಪೊಸ್ತಲ 10:24

ಪಿತ್ಯಾಂದ್ ಅಂವೊ ಕೈಸರೈ ಪಟ್ಟಣಕ್ ಎತ್ತ್‌ಚಿ. ಕೊರ್ನೇಲ್ಯ ತಾಂಡ ಬೆಂದ್‍ವಳ ಪಿಂಞ ತಾಂಡ ಪ್ರಾಣ ಸ್ನೇಹಿತಂಗಳ ಕಾಕಿತ್ ಅಯಿಂಗಕಾಯಿತ್ ಪಾರಕಾಂತಂಡಿಂಜತ್.

ಅಪೊಸ್ತಲ 21:31

ಅಯಿಂಗ ಅಂವೊನ ಕೊಲ್ಲ್‌ವಕ್ ಪ್ರಯತ್ನಪಡ್‍ವಕ, ಯೆರೂಸಲೇಮ್‍ಲ್ ಬಲ್ಯ ಗಲಿಬಿಲಿ ಆಯಂಡುಂಡ್‍ೕಂದ್ ರೋಮ್ ರಾಜ್ಯತ್‍ರ ಸೇನೆರ ಅದಿಪತಿಕ್ ಸುದ್ದಿ ಬಾತ್.

ಅಪೊಸ್ತಲ 21:8

ಪಿತ್ಯಾಂದ್ ಅಲ್ಲಿಂಜ ಪೊರಟಿತ್, ಕೈಸರೈಯಕ್ ಬಂದಿತ್ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವ ಫಿಲಿಪ್ಪಂಡ ಮನೆಕ್ ಪೋಯಿತ್ ಅಂವೊಂಡ ಮನೆಲ್ ಇಂಜತ್. ಈ ಫಿಲಿಪ್ಪ, ಯೆರೂಸಲೇಮ್‍ಲ್ ಉಳ್ಳ ಸಬೇಲ್ ಕೂಳ್ ಪಾಲ್‌ಮಾಡ್‌ವಕಾಯಿತ್ ಅಪೊಸ್ತಲಂಗ ಗೊತ್ತ್ ಮಾಡ್‍ನ ಏಳ್ ಸೇವಕಂಗಡಲ್ಲಿ ಒಬ್ಬನಾಯಿತ್ಂಜತ್.

ಅಪೊಸ್ತಲ 22:25

ಅಯಿಂಗ ಪೌಲನ ನೇರಾಯಿತ್ ನಿಪ್ಪ್‌ಚಿಟ್ಟಿತ್ ಕೆಟ್ಟ್‌ವಕ, ಪೌಲ ಅಂವೊಂಡ ಪಕ್ಕತ್‍ಲ್ ನಿಂದಂಡಿಂಜ ನೂರ್ ಸಿಪಾಯಿಯಂಗಡ ಅದಿಕಾರಿನ ನೋಟಿತ್: ರೋಮ್‌ ರಾಜ್ಯತ್‍ರ ಪ್ರಜೆಯಾನ ನನ್ನ ನ್ಯಾಯ ವಿಚಾರಣೆ ಮಾಡತೆ ಕೊರಡಿಂಜ ಪೊಯ್ಯುವದ್ ನ್ಯಾಯವಾಂದ್ ಕ್‍ೕಟತ್.

ಅಪೊಸ್ತಲ 23:23

ಅಲ್ಲಿಂಜ ಅಂವೊ ನೂರ್ ಸಿಪಾಯಿಯಡ ಅದಿಕಾರಿಯಂಗಯಿಂಜ ದಂಡ್ ಅದಿಕಾರಿಯಂಗಳ ಕಾಕುವಂಜಿ, ಬಯಿಟ್ ಒಯಿಂಬದ್ ಗಂಟೆಕ್, ಕೈಸರೈಯ ಪಟ್ಟಣಕತ್ತನೆ ಪೋಪಕಾಯಿತ್ ಇರ್‌ನೂರ್ ಸಿಪಾಯಿಯಂಗಳ, ಎಳ್‌ವದ್ ಕುದ್‌ರೆ ಸಿಪಾಯಿಯಂಗಳ ಪಿಂಞ ಇರ್‌ನೂರ್ ಈಟಿ ಸಿಪಾಯಿಯಂಗಳ ತಯಾರ್ ಮಾಡೀಂದ್ ಎಣ್ಣಿತ್,

ಅಪೊಸ್ತಲ 23:33

ಪೌಲನ ಕಾಕಿಯಂಡ್ ಪೋನಯಿಂಗ ಕೈಸರೈಯ ಪಟ್ಟಣಕ್ ಎತ್ತಿತ್, ದೇಶಾದಿಪತಿಕ್ ಕಾಗದತ್‍ನ ಕೊಡ್‌ತಿತ್, ಪೌಲನ ಸಹ ಅಂವೊಂಡ ಮಿಂಞತ್‍ಲ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 25:1

ಫೆಸ್ತ, ಯೆಹೂದ್ಯ ಪ್ರಾಂತ್ಯತ್‍ರ ಅದಿಪತಿಯಾಯಿತ್ ಕೈಸರೈಯ ಪಟ್ಟಣಕ್ ಬಂದಿತ್ ಮೂಂದ್ ದಿನ ಆನ ಪಿಂಞ ಯೆರೂಸಲೇಮ್‌ಕ್ ಪೋಚಿ.

ಅಪೊಸ್ತಲ 25:13

ಚೆನ್ನ ದಿವಸ ಆನ ಪಿಂಞ, ಅಗ್ರಿಪ್ಪ ರಾಜನು, ಅಂವೊಂಡ ಪೊಣ್ಣ್ ಬೆರ್ನಿಕೆ ರಾಣಿಯು ಫೆಸ್ತನ ಗನ ಪಡ್‍ತ್‍ವಕಾಯಿತ್ ಅಂವೊನ ಕಾಂಬಕ್ ಕೈಸರೈಯಕ್ ಬಾತ್.

ಅಪೊಸ್ತಲ 27:1

ನಂಗ ಸಮುದ್ರ ಮಾರ್ಗವಾಯಿತ್ ಇತಾಲ್ಯ ದೇಶಕ್ ಪೋಕಂಡೂಂದ್ ತೀರ್ಮಾನ ಮಾಡ್‍ನ ಪಿಂಞ ಔಗುಸ್ತ ಎಣ್ಣುವ ಚಕ್ರವರ್ತಿರ ಪೆದ ಉಳ್ಳ ಪಟಾಲತ್‍ರ ನೂರ್ ಸಿಪಾಯಿಯಂಗಡ ಅದಿಕಾರಿಯಾನ ಯೂಲ್ಯ ಎಣ್ಣ್‌ವಂವೊಂಡ ಪಕ್ಕ ಪೌಲ ಪಿಂಞ ಅಂವೊಂಡ ಕೂಡೆ ಇಂಜ ಚೆನ್ನ ಕೈದಿಯಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 27:31

ಅಕ್ಕ, ಪೌಲ, ನೂರ್ ಸಿಪಾಯಿಯಂಗಡ ಅದಿಕಾರಿನ ಪಿಂಞ ಸಿಪಾಯಿಯಂಗಳ ನೋಟಿತ್, ಈಂಗ ಹಡಗ್‍ಲ್ ನಿಕ್ಕತೆ ಪೋಚೇಂಗಿ, ನಿಂಗ ಬಚಾವ್ ಆಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 27:43

ಆಚೇಂಗಿ ನೂರ್ ಸಿಪಾಯಿಯಂಗಡ ಅದಿಕಾರಿ, ಪೌಲನ ಕಾಪಾಡ್‌ವಕ್ ಮನಸ್ಸ್ ಬೆಚ್ಚಿತ್, ಅಯಿಂಗಡ ಆಲೋಚನೆನ ತಡ್‍ತತ್. ಅಂವೊ ಅಯಿಂಗಕ್: ಮೀಂದಿತ್ ಪೋಪಯಿಂಗ ನೀರ್‌ಕ್ ಪಾರಿತ್, ಮಿಂಞ ಕರೆಕ್ ಪೋಕಡೂಂದ್ ಎಣ್ಣ್‌ಚಿ.

ಅಪೊಸ್ತಲ 8:40

ಪಿಂಞ ಫಿಲಿಪ್ಪಂಗ್ ತಾನ್ ಅಜೋತ ಎಣ್ಣುವ ಜಾಗತ್‍ಲ್ ಉಂಡ್‍ೕಂದ್ ಗೊತ್ತಾಚಿ. ಅಲ್ಲಿಂಜ ಕೈಸರೈ ಪಟ್ಟಣಕ್ ಬಪ್ಪಕತ್ತನೆ, ಬಟ್ಟೇಲ್ ಇಂಜ ಎಲ್ಲಾ ಪಟ್ಟಣತ್‍ಲ್ ಯೇಸುರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್ ಪೋಚಿ.