ಅಪೊಸ್ತಲ 1:8 - ಕೊಡವ ಬೈಬಲ್

⁸ ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 1:8 ပူးပေါင်းရင်းမြစ်များ

ಮತ್ತಾಯ 24:14

ದೇವಡ ರಾಜ್ಯತ್‍ರ ಈ ನಲ್ಲ ಸುದ್ದಿ ಎಲ್ಲಾ ಜನಕು ಸಾಕ್ಷಿಯಾಯಿತ್ ಪ್ರಚಾರ ಆಯಿತ್‌ಪ್ಪ. ಅಕ್ಕ ಅಂತ್ಯ ಬಪ್ಪ.

ಮತ್ತಾಯ 28:19

ಆನಗುಂಡ್ ನಿಂಗ ಪೋಯಿತ್, ಎಲ್ಲಾ ದೇಶತ್‍ರ ಜನತ್‍ನ ನಾಡ ಶಿಷ್ಯಂಗಳಾಯಿತ್ ಮಾಡಿ. ಅಯಿಂಗಕ್ ಅಪ್ಪ, ಮೋಂವೊ ಪಿಂಞ ಪವಿತ್ರಾತ್ಮಂಡ ಪೆದತ್‍ಲ್ ದೀಕ್ಷಾಸ್ನಾನ ಕೊಡಿ.

ಮಾರ್ಕ 16:15

ಪಿಂಞ, ಅಂವೊ ಅಯಿಂಗಳ ನೋಟಿತ್: ನಿಂಗ ಬೂಲೋಕವೆಲ್ಲಾ ಪೋಯಿತ್ ದೇವಡ ನಲ್ಲ ಸುದ್ದಿನ ಎಲ್ಲಾ ಜನಕು ಪ್ರಚಾರ ಮಾಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:35

ಅದ್ಂಗ್ ದೇವದೂತ: ಪವಿತ್ರಾತ್ಮ ನೀಡ ಮೇಲೆ ಬಪ್ಪ, ದೇವಾದಿ ದೇವಡ ಶಕ್ತಿ ನೀಡ ಮೇಲೆ ನೆಳಳಿಡ್‌ವ; ಈ ಕಾರಣಕಾಯಿತ್ ಆ ಪವಿತ್ರ ಕುಂಞಿನ ದೇವಡ ಮೋಂವೋಂದ್ ಕಾಕುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:19

ಇದಾ, ನಿಂಗ ಪಾಂಬ್ ಪಿಂಞ ಚೇಳ್‌ರ ಮೇಲೆ ಚೌಟ್‍ವಕು, ವಿರೋದಿಯಾನ ಸೈತಾನಂಡ ಎಲ್ಲಾ ಶಕ್ತಿನ ಚೋಪ್‌ಚಿಡ್‌ವಕು ನಾನ್ ನಿಂಗಕ್ ಅದಿಕಾರ ತಪ್ಪಿ; ಏದು ನಿಂಗಳ ಒಂದು ಮಾಡುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:29

ಅಯಿಂಗ ಯೇಸುಕ್, ಬಯಿಟ್ ಆಯಂಡ್ ಬಂದ್‌ರ್‌ತ್, ಸೂರ್ಯ ಮುಳಿವ ನೇರ ಆಚಿ, ನೀನ್ ನಂಗಡ ಕೂಡೆ ಒಳಿಂಜಿತ್ ಪೋಂದ್ ಬೋಡ್‍ಚಿ. ಯೇಸು ಅಯಿಂಗಡ ಕೂಡೆ ಇಪ್ಪಕ್ ಒಳ್‍ಕ್ ಪೋಚಿ.

ಯೋಹಾನ 15:27

ನಿಂಗಳು ಸಹ ನಾಡ ಕೂಡೆ ಸುರುಯಿಂಜಲೇ ಇಂಜಯಿಂಗ. ಆನಗುಂಡ್ ನಿಂಗಳು ನಾಕ್ ಸಾಕ್ಷಿ ಆಯಿತಿಪ್ಪಿರ.

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 1:5

ಯೋಹಾನ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತತ್, ಆಚೇಂಗಿ ಇಂಞು ಚೆನ್ನ ದಿವಸತ್‍ಲ್ ನಿಂಗಳ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಮಾಡ್‌ವ. ಆನಗುಂಡ್ ನಿಂಗ ಯೆರೂಸಲೇಮ್‍ನ ಬುಟ್ಟಿತ್ ಪೋಕತೆ, ನಾನ್ ನಿಂಗಕ್ ಎಣ್ಣ್‌ನ ನಾಡ ಅಪ್ಪಂಡ ವಾಗ್ದಾನತ್‍ರ ವರ ನಿಂಗಡಲ್ಲಿ ನೆರವೇರ್‍ವಕತ್ತನೆ ಪಾರಕಾತಂಡಿರೀಂದ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 13:31

ಪಿಂಞ ಅಂವೊ, ಗಲಿಲಾಯಿತ್‌ಂಜ ಯೆರೂಸಲೇಮ್‌ಕ್ ಅಂವೊಂಡ ಕೂಡೆ ಬಂದಯಿಂಗಕ್ ದುಂಬ ದಿವಸ ಅಂವೊ ಜೀವವಾಯಿತ್ ಉಳ್ಳದ್‍ನ ಕಾಂಬ್‌ಚಿಟ್ಟಂಡತ್; ಇಕ್ಕ ಅಯಿಂಗ, ನಂಗಡ ಜನಾಂಗಕ್ ಅಂವೊಂಡ ಸಾಕ್ಷಿಯಳಾಯಿತ್ ಉಂಡ್.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 22:15

ನೀನ್ ಕಂಡ, ಕ್‍ೕಟ ವಿಷಯನೆಲ್ಲ ಮನುಷ್ಯಂಗಡ ಮಿಂಞ ಎಣ್ಣುವಕ್ ಅಂವೊಂಗ್ ಸಾಕ್ಷಿಯಾಯಿತ್ ಇಪ್ಪಿಯ.

ಅಪೊಸ್ತಲ 3:15

ಮನುಷ್ಯಂಗಕ್ ನಿತ್ಯ ಜೀವತ್‍ನ ತಪ್ಪಕ್ ಅದಿಕಾರ ಉಳ್ಳಂವೊನ ನಿಂಗ ಕೊಂದಿರ; ಆಚೇಂಗಿ, ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಈ ವಿಷಯಕ್ ನಂಗ ಸಾಕ್ಷಿಯಳಾಯಿತುಂಡ್.

ಅಪೊಸ್ತಲ 4:33

ಅಪೊಸ್ತಲಂಗ ಒಡೆಯನಾನ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವವಾಯಿತ್ ಬಂದ ವಿಷಯತ್‍ನ ಬಲ್ಯ ಶಕ್ತಿಲ್ ಸಾಕ್ಷಿ ಕೊಡ್‍ತಂಡಿಂಜತ್. ಅಯಿಂಗ ಎಲ್ಲಾಡ ಮೇಲೆ ದೇವಡ ಕೃಪೆ ಪೂರ್ತಿಯಾಯಿತ್ಂಜತ್.

ಅಪೊಸ್ತಲ 5:32

ಈ ಸತ್ಯಕ್ ನಂಗ ಸಾಕ್ಷಿಯಾಯಿತುಂಡ್; ಅದಲ್ಲತೆ, ದೇವ, ಅಂವೊಂಗ್ ಬಗ್ಗಿತ್ ನಡ್‍ಪಯಿಂಗಕ್ ತಪ್ಪ ಪವಿತ್ರಾತ್ಮ ಸಹ ಸಾಕ್ಷಿಯಾಯಿತುಂಡ್‍ೕಂದ್ ಅಯಿಂಗಕ್ ಜವಾಬ್ ಕೊಡ್‍ತತ್.

ಅಪೊಸ್ತಲ 6:8

ಇಕ್ಕ, ಸ್ತೆಫನ ದೇವಡ ಕೃಪೆಯು ಶಕ್ತಿಯು ದುಂಬ್‍ನಂವೊನಾಯಿತ್, ಜನಡ ಮದ್ಯತ್‍ಲ್ ಬಲ್ಯ ಬಲ್ಯ ಗುರ್‍ತ್‍ನ ಪಿಂಞ ಆಶ್ಚರ್ಯ ಕಾರ್ಯತ್‍ನ ಮಾಡಿಯಂಡಿಂಜತ್.

ಅಪೊಸ್ತಲ 8:1

ಸೌಲ ಸಹ ಸ್ತೆಫನನ ಕೊಲ್ಲ್‌ವಕ್ ಒತ್ತಂಡಿಂಜತ್. ಅದೇ ದಿವಸತ್ ಯೆರೂಸಲೇಮ್‍ಲ್ ಇಂಜ ಸಬೇಕ್ ಬಲ್ಯ ಹಿಂಸೆ ಸುರ್ ಆಚಿ. ಅಪೊಸ್ತಲಂಗ ಅಲ್ಲತೆ, ಬೋರೆ ಎಲ್ಲಾ ಶಿಷ್ಯಂಗಳು ಯೂದಾಯ ಪಿಂಞ ಸಮಾರ್ಯ ಪ್ರಾಂತ್ಯತ್‍ಲ್ ಚದ್‌ರಿ ಪೋಚಿ.

ರೋಮ್ 10:18

ಆಚೇಂಗಿ, ಇಸ್ರಾಯೇಲ್ ಜನ ಇದ್‍ನ ಕ್‍ೕಟಿತ್‌ಲ್ಲೆಯಾಂದ್ ನಾನ್ ಕ್‍ೕಪಿ; ಅಯಿಂಗ ಕ್‍ೕಟತ್; ಅಯಿಂಗ ಎಣ್ಣ್‌ನ ವಾಕ್ಯತ್‍ರ ವಾಣಿ ಲೋಕತ್‍ಲ್ ಎಲ್ಲೆಲ್ಲಿಕು ಪೋಚಿ, ಪಿಂಞ ಲೋಕತ್‍ರ ಆಕೀರ್‍ಕತ್ತನೆ ಪೋಚೀಂದ್ ಉಂಡ್.

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

ಕೊಲೊಸ್ಸೆ 1:23

ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.