ಅಪೊಸ್ತಲ 1:7 - ಕೊಡವ ಬೈಬಲ್

⁷ ಅಕ್ಕ ಯೇಸು: ನಾಡ ಅಪ್ಪ, ಅಂವೊಂಡ ಅದಿಕಾರತ್‍ಲ್ ಗೊತ್ತ್ ಮಾಡಿತುಳ್ಳ ಸಮಯವು ದಿನವು ಗೊತ್ತಾಪಕ್ ನಿಂಗಕ್ ಅನುಮತಿ ಇಲ್ಲೆ.

ಅಪೊಸ್ತಲ 1:7 ပူးပေါင်းရင်းမြစ်များ

ಮತ್ತಾಯ 20:23

ಅಯಿಂಗಕ್ ಯೇಸು: ನಿಂಗ ನೇರಾಯಿತು ನಾನ್ ಕುಡಿಪ ಕಷ್ಟತ್‍ರ ಪಾತ್ರತ್‍ನ ಕುಡಿಪಿರ. ಆಚೇಂಗಿ ನಾಡ ಬಲ್‌ತೆ ಬರಿಲ್ ಪಿಂಞ ಎಡ್‍ತೆ ಬರಿಲ್ ದಾರ್ ಅಳ್‍ಕಂಡೂಂದ್ ಎಣ್ಣ್‌ವಕ್ ನಾಕ್ ಅದಿಕಾರ ಇಲ್ಲೆ. ಆ ಜಾಗತ್‍ನ ದಾರ್‌ಕ್ ನಾಡ ಅಪ್ಪ ಆಯ್ಕೆ ಮಾಡಿತುಂಡೋ ಅಯಿಂಗಕಾಯಿತ್ ಬೆಚ್ಚಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 24:36

ಆ ದಿನವು, ಆ ಸಮಯವು ನಾಡ ಅಪ್ಪನಾನ ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕು ಗೊತ್ತ್‌ಲ್ಲೆ. ಪರಲೋಕತ್‍ಲ್ ಉಳ್ಳ ದೇವದೂತಂಗಕೂ ಪಿಂಞ ಅಂವೊಂಡ ಮೋಂವೊಂಗೂ ಸಹ ಗೊತ್ತಿಪ್ಪುಲೆ.

ಮಾರ್ಕ 10:40

ಆಚೇಂಗಿ ದಾರ್ ನಾಡ ಬಲ್‌ತೆ ಬರಿಲ್ ಪಿಂಞ ಎಡ್‍ತೆ ಬರಿಲ್ ಅಳ್‌ಪಾಂದ್ ಎಣ್ಣ್‌ವಕ್ ನಾಕ್ ಹಕ್ಕ್ ಇಲ್ಲೆ. ದಾರ್ ಎಲ್ಲಿ ಅಳ್‌ಪಾಂದ್ ದೇವ ತಯಾರ್ ಮಾಡಿತುಂಡೋ ಅಯಿಂಗಕ್ ದೇವನೇ ಅದ್‍ನ ಕೊಡ್‍ಪ.

ಮಾರ್ಕ 13:32

ಆ ದಿನವು, ಆ ಸಮಯವು ನಾಡ ಅಪ್ಪನಾನ ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕು ಗೊತ್ತ್‌ಲ್ಲೆ. ಪರಲೋಕತ್‍ಲ್ ಉಳ್ಳ ದೂತಂಗಕು ಪಿಂಞ ಅಂವೊಂಡ ಮೋಂವೊಂಗ್ ಸಹ ಗೊತ್ತಿಪ್ಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:24

ಚೆನ್ನ ಜನಳ ಬಾಳ್‍ಕತ್ತಿಯಿಂಜ ಕೊಂದ್‌ರ್‌ವ. ಚೆನ್ನ ಜನಳ ಬೋರೆ ದೇಶಕ್ ಪುಡ್‍ಚಂಡ್ ಪೋಪ. ಯೆಹೂದ್ಯ ಅಲ್ಲತಯಿಂಗಡ ಕಾಲ ಕಡೆ ಅಪಕತ್ತೆನೆ, ಯೆರೂಸಲೇಮ್ ಅನ್ಯ ಜನತ್‍ರ ಅಳುವೆರಗುಂಡ್ ಪಾಳಾಯಿ ಪೋಪ.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.

ಎಫೆಸ 1:10

ಅದ್ ಎಂತ ಎಣ್ಣ್‌ಚೇಂಗಿ, ಅಂವೊ ತೀರ್ಮಾನ ಮಾಡ್‍ನ ಕಾಲ ನೆರವೇರುವಕ, ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾನ ಕೂಟಿತ್, ಕ್ರಿಸ್ತಂಡ ಅದಿಕಾರತ್‍ರ ಅಡಿಕ್ ಕೊಂಡ್ ಬರಂಡೂಂದ್ ಉಳ್ಳದ್‍ನ ದೇವ ಪೂರ್ತಿ ಮಾಡ್‌ವ.

1 ತಿಮೊಥೆಯ 6:15

ಅಂವೊ ಪ್ರತ್ಯಕ್ಷವಾಯಿತ್ ಬಪ್ಪದ್‍ನ ದೇವ ತಕ್ಕ ಸಮಯತ್‍ಲ್ ಕಾಟಿತಪ್ಪ. ಅಂವೊನೇ ಆಶೀರ್ವಾದ ಪಡ್ಂದಂವೊ, ಎಲ್ಲಾನ ಅಂವೊನೇ ಆಳ್‍ವಂವೊ. ಅಂವೊ ಒಬ್ಬನೇ ರಾಜಾದಿ ರಾಜನು, ದೇವಾದಿ ದೇವನು,

2 ತಿಮೊಥೆಯ 3:1

ಈ ಲೋಕತ್‍ರ ಆಕೀರ್ ದಿವಸತ್‍ಲ್ ಕಠಿಣ ಕಾಲ ಬಪ್ಪಾಂದ್ ಗೇನ ಬೆಚ್ಚ.