ಅಪೊಸ್ತಲ 1:26 - ಕೊಡವ ಬೈಬಲ್

²⁶ ಪಿಂಞ ಅಯಿಂಗಡ ಪೆದತ್‍ಲ್ ಚೀಟಿ ಇಟ್ಟತ್. ಚೀಟಿ ಎಡ್‍ಪಕ, ಆ ಚೀಟಿ ಮತ್ತಿಯಂಗ್ ಬಾತ್; ಅಕ್ಕ ಅಂವೊನ ಬೋರೆ ಪನ್ನಂದ್ ಅಪೊಸ್ತಲಂಗಡ ಕೂಟ್‍ಕ್ ಕೂಟಿಯಂಡತ್.

ಅಪೊಸ್ತಲ 1:26 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:22

ವಿವೇಕ ಉಳ್ಳಂವೊಂಗ್‌ ವಿವೇಕವೇ ಜೀವತ್‌ರ ಬುಗ್ಗೆ ಆಯಿತ್‌ಪ್ಪ. ಆಚೇಂಗಿ ಮೂಡಂಗಕ್‌ ಅಯಿಂಗಡ ಮೂಡತನತಿಂಜಲೇ ಶಿಕ್ಷೆ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 16:33

ಚೀಟಿನ ಮಡ್‌ಲ್‌ ಇಡ್‌ವಕಯ್ಯು, ಆಚೇಂಗಿ ಎಲ್ಲಾ ಕಾರ್ಯತ್‌ರ ತೀರ್ಮಾನವು ಯೆಹೋವಯಿಂಡಿಂಜಲೇ ಬಪ್ಪ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:7

ಅಕ್ಕಣೆಕ್ ಹಡಗ್‌ಲ್‌ ಪ್ರಯಾಣ ಮಾಡುವಯಿಂಗ, ಈ ಕ್‍ೕಡ್‌ ಬಪ್ಪಕ್‌ ದಾರ್‌ ಕಾರಣಾಂದ್‌ ಕಂಡ್‌ ಪುಡಿಪಕ್‌ ನಂಗ ಚೀಟಿ ಇಡಂಗ ಬಾರೀಂದ್‌ ಅಯಿಂಗಯಿಂಗಳೇ ತಕ್ಕ್‌ ಪರ್ಂದತ್. ಅನ್ನನೆ ಅಯಿಂಗ ಚೀಟಿ ಇಡ್‌ವಕ, ಆ ಚೀಟಿ ಯೋನಂಡ ಪೆದಕ್‌ ಬುದ್ದತ್.

ಮಾರ್ಕ 6:30

ಯೇಸು ಅಯಿಚ ಅಪೊಸ್ತಲಂಗ ಯೇಸುರ ಪಕ್ಕ ವಾಪಸ್ ಬಂದಿತ್, ಅಯಿಂಗ ಏದೆಲ್ಲಾ ಬೋದನೆ ಪಿಂಞ ಅದ್ಬುದ ಕಾರ್ಯತ್‍ನ ಮಾಡ್‍ಚೋ ಅದ್‍ನೆಲ್ಲಾ ಎಣ್ಣ್‌ಚಿ.

ಅಪೊಸ್ತಲ 1:23

ಅಕ್ಕ, ಅಯಿಂಗ, ಯೂಸ್ತ ಎಂದ್ ಕಾಕುವ ಬಾರ್ನಬ ಎಣ್ಣುವ ಯೋಸೇಫ ಪಿಂಞ ಮತ್ತೀಯಾಂದ್ ಎಣ್ಣ್‌ವ ದಂಡಾಳ್‌ನ ನಿಪ್ಪ್‌ಚಿಟ್ಟಿತ್:

ಅಪೊಸ್ತಲ 13:19

ಕಾನಾನ್ ದೇಶತ್‍ಲ್ ಇಂಜ ಏಳ್ ಬೋರೆ ಜಾತಿ ಜನಾಂಗಳ ನಾಶ ಮಾಡಿತ್, ಆ ಜನಡ ದೇಶತ್‍ನ ಅಂವೊಂಡ ಜನಕ್ ಸ್ವಂತವಾಯಿತ್ ಕೊಡ್‍ತತ್.

ಅಪೊಸ್ತಲ 2:14

ಅಕ್ಕ ಪೇತ್ರ, ತಾಂಡಕೂಡೆ ಇಂಜ ಪನ್ನಂದ್ ಅಪೊಸ್ತಲಂಗಡ ಕೂಡೆ ನಿಂದಿತ್, ಅಯಿಂಗಳ ನೋಟಿತ್ ಬಲ್ಯ ಸ್ವರತ್‍ಲ್: ಯೆಹೂದ್ಯಂಗಳೇ, ಯೆರೂಸಲೇಮ್‍ಲ್ ವಾಸ ಮಾಡಿಯಂಡ್ ಉಳ್ಳ ಜನಳೇ, ನಾಡ ತಕ್ಕ್‌ನ ಎಚ್ಚರತ್‍ಲ್ ಕ್‍ೕಳಿ, ಇದ್ ನಿಂಗಕ್ ಗೊತ್ತಿರಂಡು.

ಪ್ರಕಟನೆ 21:14

ಆ ಪಟ್ಟಣತ್‍ರ ಗೋಡೆರ ಪನ್ನೆರಂಡ್ ಅಡಿಪಾಯತ್‍ರ ಕಲ್ಲ್ ಇಂಜತ್; ಅದ್ಂಡಮೇಲೆ, ಕೊರಿಕುಟ್ಟಿಯಾನವೊಂಡ ಪನ್ನೆರಂಡ್ ಅಪೊಸ್ತಲಂಗಡ ಪನ್ನೆರಂಡ್ ಪೆದ ಇಂಜತ್.