ಅಪೊಸ್ತಲ 1:25 - ಕೊಡವ ಬೈಬಲ್

²⁵ ಈ ದಂಡಾಳ್‌ರ ಕೂಟ್‌ಲ್ ದಾರ್‍ೕಂದ್ ಗೊತ್ತ್ ಮಾಡಿತ್ ಕಾಟ್‍ೕಂದ್ ಪ್ರಾರ್ಥನೆ ಮಾಡ್‍ಚಿ. ಎನ್ನಂಗೆಣ್ಣ್‌ಚೇಂಗಿ, ಯೂದ ಈ ಅಪೊಸ್ತಲ ಸ್ತಾನತ್ಂಜ, ಮೋಸ ಮಾಡಿತ್, ಅಂವೊಂಗ್ ತಕ್ಕ ಜಾಗಕ್ ಪೋಚಿ.

ಅಪೊಸ್ತಲ 1:25 ပူးပေါင်းရင်းမြစ်များ

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮತ್ತಾಯ 25:46

ಅಕ್ಕ ಈಂಗ ನಿತ್ಯ ಶಿಕ್ಷೆಕು, ನೀತಿವಂತಯಿಂಗ ನಿತ್ಯ ಜೀವಕು ಪೋಪ.

ಮತ್ತಾಯ 26:24

ದೇವಡ ವಾಕ್ಯತ್‍ಲ್ ಒಳ್‌ದ್‌ನನೆಕೆ ಮನುಷ್ಯಕುಮಾರ ಚಾವ. ಆಚೇಂಗಿ ಮನುಷ್ಯಕುಮಾರನ, ಏದ್ ಮನುಷ್ಯ ಪುಡ್‍ಚಿ ಕೊಡ್‍ಪ ಅಂವೊಂಗ್ ಅಯ್ಯೋ! ಆ ಮನುಷ್ಯ ಪುಟ್ಟತೆ ಇಂಜತೇಂಗಿ ಅಂವೊಂಗ್ ನಲ್ಲದಾಯಿತ್ಂಜತ್‍ೕಂದ್ ಎಣ್ಣ್‌ಚಿ.

ಯೋಹಾನ 13:27

ಯೂದ ಈ ಒಟ್ಟಿನ ಎಡ್‌ತ ಪಿಂಞ, ಅಕ್ಕಣೆ ಸೈತಾನ ಅಂವೊಂಡ ಒಳ್‍ಕ್ ಕೂಡ್‌ಚಿ. ಅಕ್ಕ ಯೇಸು ಅಂವೊನ ನೋಟಿತ್: ನೀನ್ ಎಂತ ಮಾಡಂಡೂಂದ್ ಉಳ್ಳಿಯ ಅದ್‍ನ ಬೆರಿಯ ಮಾಡ್‍ೕಂದ್ ಎಣ್ಣ್‌ಚಿ.

ಯೋಹಾನ 17:12

ನಾನ್ ಈಂಗಡ ಕೂಡೆ ಇಪ್ಪಕಾಪಕ, ನೀನ್ ನಾಕ್ ತಂದಿತುಳ್ಳ ನೀಡ ಪೆದತ್‍ರ ಅದಿಕಾರತ್‍ಲ್ ಈಂಗಳ ಕಪಾಡಿಯಂಡ್ ಬಂದಿಯೆ; ನೀನ್ ನಾಕ್ ತಂದಯಿಂಗಳ ನಾನ್ ಕಾಪಾಡಿಯಂಡ್ ಬಂದಿಯೆ. ದೇವಡ ವಾಕ್ಯತ್‍ಲ್ ಎಣ್ಣ್‌ನದ್ ಪೂರ್ತಿ ಆಪನೆಕೆ ನಾಶ ಆಪಕ್ ಗುರಿ ಬೆಚ್ಚಿತ್ಂಜ ಒಬ್ಬನ ಬುಟ್ಟಿತ್ ಈಂಗಡ ಕೂಟ್‌ಲ್ ದಾರೂ ನಾಶ ಆಯಿತ್‌ಲ್ಲೆ.

ರೋಮ್ 1:5

ಅಂವೊಂಡ ಮೂಲಕ ಅಂವೊಂಡ ಪೆದಕಾಯಿತ್, ನಂಗ ಯೆಹೂದ್ಯಂಗ ಅಲ್ಲತ ಎಲ್ಲಾ ಜನಡ ಮದ್ಯತ್‍ಲ್ ಪೋಯಿತ್ ದೇವಡ ವಿಷಯತ್‍ನ ಪ್ರಚಾರ ಮಾಡ್‌ವಕ್ ಅಪೊಸ್ತಲಂಗಕಾನ ಅದಿಕಾರವು, ಬಾಗ್ಯವು ದೇವ ನಂಗಕ್ ತಂದಿತುಂಡ್. ಅದ್‍ನಗುಂಡ್ ಅಂವೊನ ನಂಬಿತ್, ಅಂವೊಂಗ್ ಬಗ್ಗಿತ್ ದೇವಕ್ ಮಹಿಮೆ ಕೊಂಡ್ ಬಪ್ಪ.

1 ಕೊರಿಂಥ 9:2

ಬೋರೆಯಿಂಗಕ್ ನಾನ್ ಅಪೊಸ್ತಲನಾಯಿತ್ ಇಲ್ಲತೆ ಇಂಜತೇಂಗಿಯು, ನಿಂಗಕ್ ನಾನ್ ಕಂಡಿತವಾಯಿತ್ ಅಪೊಸ್ತಲನಾಯಿತುಂಡಲ್ಲ? ನಾನ್ ಕ್ರಿಸ್ತಂಡ ಅಪೊಸ್ತಲಾಂದ್ ಎಣ್ಣ್‌ವಕ್ ನಿಂಗ ಒರ್ ಗುರ್‌ತಾಯಿತ್ ಉಳ್ಳಿರ.

ಗಲಾತ್ಯ 2:8

ಪೇತ್ರಂಡ ಸೇವೇಲ್ ಎನ್ನನೆ ಯೆಹೂದ್ಯಂಗಡ ಅಪೊಸ್ತಲನಾಯಿತ್ ದೇವಡ ಶಕ್ತಿ ಅಂವೊಂಡ ಮೂಲಕ ಕ್ರಿಯೆ ಮಾಡಿಯಂಡುಂಡೋ, ಅನ್ನನೆ ನಾಡ ಸೇವೇಲ್ ಯೆಹೂದ್ಯ ಅಲ್ಲತಯಿಂಗಡ ಅಪೊಸ್ತಲನಾಯಿತ್ ಅಯಿಂಗಡ ಮದ್ಯತ್‍ಲ್ ಕ್ರಿಯೆ ಮಾಡಿಯಂಡುಂಡ್.