ಅಪೊಸ್ತಲ 1:14 - ಕೊಡವ ಬೈಬಲ್

¹⁴ ಅಲ್ಲಿ ಈಂಗ ಎಲ್ಲಾರು ಒಟ್ಟ್ ಕೂಡಿತ್ ಒರೇ ಮನಸ್ಸ್‌ಲ್ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಂಜತ್. ಅಯಿಂಗಡ ಕೂಡೆ ಪೊಣ್ಣಾಳುವ, ಯೇಸುರ ಅವ್ವ ಮರಿಯ ಪಿಂಞ ಯೇಸುರ ತಮ್ಮಣಂಗಳು ಇಂಜತ್.

ಅಪೊಸ್ತಲ 1:14 ပူးပေါင်းရင်းမြစ်များ

ಮತ್ತಾಯ 12:46

ಜನಡ ಗುಂಪ್‌ಲ್ ಇನ್ನನೆ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕ, ಅಂವೊಂಡ ಅವ್ವ ಪಿಂಞ ತಮ್ಮಣಂಗ ಬಾತ್. ಅಯಿಂಗ ಪೊರಮೆ ನಿಂದಂಡ್, ಅಂವೊಂಡ ಕೂಡೆ ತಕ್ಕ್ ಪರಿಯುವಕ್ ನೋಟಿಯಂಡ್ ಇಂಜತ್.

ಮತ್ತಾಯ 21:22

ನಿಂಗಕ್ ನಂಬಿಕೆ ಉಂಡೇಂಗಿ, ನಿಂಗ ಎಂತ ಕ್‍ೕಪಿರ ಅದ್ ನಿಂಗಕ್ ಕ್‌ಟ್ಟುವಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 27:55

ಯೇಸು ಗಲಿಲಾಯತ್‍ಲ್ ಇಪ್ಪಕಾಪಕ, ಅಂವೊಂಗ್ ಸಹಾಯ ಮಾಡಿತ್, ಅಂವೊಂಡ ಕೂಡೆ ಬಂದ ದುಂಬ ಪೊಣ್ಣಾಳುವ ದೂರತ್ಂಜ ನೋಟಿಯಂಡಿಂಜತ್.

ಮಾರ್ಕ 15:40

ಚೆನ್ನ ಪೊಣ್ಣಾಳುವ ದೂರತ್ಂಜ ನೋಟಿಯಂಡಿಂಜತ್. ಅಯಿಂಗೆಲ್ಲಾ ದಾರ್ ಎಣ್ಣ್‌ಚೇಂಗಿ, ಯೇಸು ಗಲಿಲಾಯತ್‍ಲ್ ಇಪ್ಪಕಾಪಕ, ಅಂವೊಂಗ್ ಸಹಾಯ ಮಾಡಿತ್, ಅಂವೊಂಡ ಬೆಂಬರತ್‌ಲ್ ಬಂದ, ಮಗ್ದಲ ಮರಿಯ, ಚೆರಿಯ ಯಾಕೋಬ ಪಿಂಞ ಯೋಸೇಯ ಎಣ್ಣುವಯಿಂಗಡ ಅವ್ವ ಮರಿಯ ಪಿಂಞ ಸಲೋಮಿ ಎಣ್ಣ್‌ವಯಿಂಗಳೇ.

ಮಾರ್ಕ 16:1

ಸಬ್ಬತ್ ದಿವಸ ಕಯಿಂಜ ಪಿಂಞ ಮಗ್ದಲ ಮರಿಯ, ಯಾಕೋಬಂಡ ಅವ್ವನಾನ ಮರಿಯ ಪಿಂಞ ಸಲೋಮಿ ಈಂಗೆಲ್ಲಾ ಯೇಸುರ ಚಾವ್ ತಡಿಕ್ ಸುಗಂದ ವಾಸನೆರ ಮದ್ದ್‌ನ ಇಡ್‌ವಕ್ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:13

ಕಪಟಿಯಾನ ನಿಂಗ, ನಿಂಗಡ ಮಕ್ಕಕ್ ನಲ್ಲ ಇನಾಮ್‍ನ ಕೊಡ್‍ಪಕ್ ಗೊತ್ತಿಪ್ಪಕ, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ, ಅಂವೊಂಡ ಪಕ್ಕ ಬೋಡ್‌ವಯಿಂಗಕ್ ಪವಿತ್ರಾತ್ಮತ್‍ನ ತಪ್ಪದ್ ಎಚ್ಚಕ್ ನೇರ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:1

ಯೇಸು ಅಂವೊಂಡ ಶಿಷ್ಯಂಗಕ್, ಅಯಿಂಗ ತಳ್ಂದ್ ಪೋಕತೆ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಕ್ಕಂಡೂಂದ್ ಒರ್ ಕಥೇರ ರೂಪ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:49

ಯೇಸುನ ಚಾಯಿತೆ ಗೊತ್ತ್ಂಜ ಜನ ಪಿಂಞ ಅಂವೊಂಡ ಕೂಡೆ ಇಂಜ ಗಲಿಲಾಯತ್ಂಜ ಬಂದ ಚೆನ್ನ ಪೊಣ್ಣಾಳುವ ದೂರತ್‍ಲ್ ನಿಂದಂಡ್ ಇದ್‍ನೆಲ್ಲ ನೋಟಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:55

ಯೇಸುರ ಕೂಡೆ ಗಲಿಲಾಯತ್ಂಜ ಬಂದ ಪೊಣ್ಣಾಳುವ ಯೋಸೇಫಂಡ ಕೂಡೆ ಪೋಯಿತ್ ಗೋರಿನ ಪಿಂಞ ಯೇಸುರ ತಡೀನ ಗೋರಿಲ್ ಎನ್ನನೆ ಬೆಚ್ಚತ್‍ೕಂದ್ ನೋಟಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:10

ಇದ್‍ನ ಅಪೊಸ್ತಲಂಗಕ್ ಎಣ್ಣ್‌ನಯಿಂಗ ಮಗ್ದಲದ ಮರಿಯ, ಯೋಹಾನಳ, ಯಾಕೋಬಂಡ ಅವ್ವನಾನ ಮರಿಯ ಪಿಂಞ ಇಂಞು ಚೆನ್ನ ಪೊಣ್ಣಾಳುವಯಿಂಗಳೇ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:33

ಅಲ್ಲಿಂಜ ಅಯಿಂಗ ಅಕ್ಕಲೆ ಯೆರೂಸಲೇಮ್‌ಕ್ ಪೋಚಿ. ಅಯಿಂಗ ಅಲ್ಲಿ ಪನ್ನಂದ್ ಶಿಷ್ಯಂಗ ಪಿಂಞ ಅಯಿಂಗಡ ಕೂಡೆ ಇಂಜಯಿಂಗ ಕೂಡಿತ್ ಇಪ್ಪಾನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:53

ದೇವಾಲಯತ್‍ಲ್ ದೇವನ ತುದಿಚಂಡ್ ಎಕ್ಕಾಲು ಕೊಂಡಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:20

ಅಕ್ಕ, ನೀಡ ಅವ್ವ ಪಿಂಞ ತಮ್ಮಣಂಗ ನಿನ್ನ ಕಾಂಬಕಾಯಿತ್ ಪೊರಮೆ ನಿಂದಂಡುಂಡ್‍ೕಂದ್ ಯೇಸುಕ್ ಎಣ್ಣ್‌ಚಿ.

ಅಪೊಸ್ತಲ 2:1

ಐಂಬದ್ ನಾಳ್‌ರ ಪಂಚಾಶತ್ತಮ ಎಣ್ಣುವ ನಮ್ಮೆರ ದಿವಸ ಬಪ್ಪಕ, ಅಯಿಂಗೆಲ್ಲಾ ಒರ್ ಜಾಗಕ್ ಬಂತ್ ಒಟ್ಟ್ ಕೂಡ್‍ಚಿ.

ಅಪೊಸ್ತಲ 2:42

ಈಂಗ ಅಪೊಸ್ತಲಂಗಡ ಬೋದನೆನ ಕ್‍ೕಪಕ್ ಅರ್ಪಿಚಿಟ್ಟಯಿಂಗಳಾಯಿತ್, ಐಕ್ಯತ್‍ಲ್, ಒಟ್ಟಿ ಪೊಳಿಪದ್‍ಲ್, ಪಿಂಞ ಪ್ರಾರ್ಥನೆಲ್, ದೃಡ ಉಳ್ಳಯಿಂಗಳಾಯಿತ್ ಇಂಜತ್.

ಅಪೊಸ್ತಲ 2:46

ಅಯಿಂಗ ದಿನಾಲು ಒರೇ ಮನಸ್ಸ್‌ಲ್ ದೇವಾಲಯತ್‍ಲ್ ಕೂಡಿಯಂಡ್, ಮನೆ ಮನೆಲ್ ಒಟ್ಟಿ ಪೊಳಿಚಿತ್, ಕುಶೀಲ್ ಉಂಡಂಡ್ ಪಿಂಞ ನೇರಾನಯಿಂಗಳಾಯಿತ್ ಇಂಜತ್.

ಅಪೊಸ್ತಲ 6:4

ಅಕ್ಕ, ನಂಗ ಪ್ರಾರ್ಥನೆ ಮಾಡ್‌ವಕು, ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಕು ನಂಗಡ ಸಮಯತ್‍ನ ಅರ್ಪಿಚಿಡ್‌ವಕ್ ಕಯ್ಯು.

ರೋಮ್ 12:12

ನಿರಿಕ್ಷೇಲ್ ಕುಶಿಯಾಯಿತಿರಿ, ಕಷ್ಟತ್‍ಲ್ ಪೊರುಮೆಯಾಯಿತಿರಿ, ಪ್ರಾರ್ಥನೆ ಮಾಡ್‌ವದ್‍ಲ್ ಸ್ತಿರವಾಯಿತ್ ಮಾಡಿಯಂಡಿರಿ.

1 ಕೊರಿಂಥ 14:13

ದಾರ್‍ಕೆಲ್ಲ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವ ವರ ಉಂಡೋ, ಅಯಿಂಗ ಅದ್ಂಡ ಅರ್ಥ ಎಣ್ಣಿ ಕೊಡ್‍ಪ ವರಕಾಯಿತ್ ಪ್ರಾರ್ಥನೆ ಮಾಡಂಡು.

ಎಫೆಸ 6:18

ನಿಂಗ ಎಲ್ಲಾ ಸಮಯತ್‍ಲು, ಎಲ್ಲಾ ತರತ್‍ರ ಪ್ರಾರ್ಥನೆರ ಮೂಲಕ ಪಿಂಞ ಬೋಡಿಕೆರ ಮೂಲಕ ಎಚ್ಚರ ಎಡ್‍ತಂಡ್, ದುಂಬ ಸ್ತಿರವಾಯಿತ್ ಎಲ್ಲಾ ದೇವಡ ಮಕ್ಕಕಾಯಿತ್ ಪ್ರಾರ್ಥನೆ ಮಾಡಿಯಂಡೇ ಇರಿ.

ಕೊಲೊಸ್ಸೆ 4:2

ಎಡೆಬುಡತೆ ಪ್ರಾರ್ಥನೆ ಮಾಡಿಯಂಡ್ ಇರಿ, ಪ್ರಾರ್ಥನೆ ಮಾಡ್‌ವಕ, ದೇವನ ತುದಿಚಂಡ್ ಎಚ್ಚರತ್‍ಲ್ ಇರಿ.