ಅಪೊಸ್ತಲ 1:1 - ಕೊಡವ ಬೈಬಲ್

¹ ಓ ಥೆಯೊಫಿಲನೇ, ಯೇಸು, ಅಂವೊ ಗೊತ್ತ್ ಮಾಡ್‍ನ ಅಪೊಸ್ತಲಂಗಕ್ ಪವಿತ್ರಾತ್ಮತ್ಂಜ ಆಜ್ಞೆ ಮಾಡ್‍ನ ಪಿಂಞ,

ಅಪೊಸ್ತಲ 1:1 ပူးပေါင်းရင်းမြစ်များ

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:24

ಚೆನ್ನ ದಿವಸ ಆನ ಪಿಂಞ ಅಂವೊಂಡ ಪೊಣ್ಣ್ ಕುಳಿಮೆಕರ್‌ತಿ ಆಚಿ. ಅವ ಅಂಜ್ ತಿಂಗಕ್ ಮನೆನ ಬುಟ್ಟಿತ್ ಪೊರಮೆ ಬಂದಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:3

ಆನಗುಂಡ್ ಆದಿಯಿಂಜ ನಡ್ಂದ ಘಟನಾವಳಿನ ಪರಿಶೀಲನೆ ಮಾಡಿತ್, ನಾನ್ ನಿಂಗಕ್ ಕ್ರಮತ್‍ಲ್ ಒಳ್‍ದ್‍ವದ್ ಚಾಯೀಂದ್ ನಾಕ್ ಗೊತ್ತಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:22

ಆ ಆಳ್ ಎಜಮಾನ ಎಣ್ಣ್‌ನನೆಕೆ ಮಾಡಿತ್: ಎಜಮಾನನೇ, ನೀನ್ ಎಣ್ಣ್‌ನನೆಕೆ ನಾನ್ ಮಾಡಿಯೆ, ಆಚೇಂಗಿ ಇಂಞು ಜಾಗ ಉಂಡಲ್ಲಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:19

ಅಕ್ಕ ಅಂವೊ: ಎಂತ ಸಂಗತಿ ನಡ್ಂದತ್ ಎಣ್ಣಿಯಂಡ್ ಕ್‍ೕಟತ್. ಅದ್ಂಗ್ ಅಯಿಂಗ: ನಜರೇತ್‍ರ ಯೇಸುರ ವಿಷಯಾಂದ್ ಎಣ್ಣ್‌ಚಿ. ಅಂವೊ ದೇವಡ ಪಿಂಞ ಮನುಷ್ಯಂಗಡ ಮಿಂಞತ್‍ಲ್ ಅಂವೊಂಡ ಕ್ರಿಯೇಲು ತಕ್ಕ್‌ಲು ಶಕ್ತಿಯುಳ್ಳ ಪ್ರವಾದೀಂದ್ ಕಾಟಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:23

ಯೇಸು ಅಂವೊಂಡ ಸೇವೇನ ಸುರ್ ಮಾಡ್‌ವಕ ಅಂವೊಂಗ್ ನುಪ್ಪದ್ ಬೈತ್ ಆಯಿತ್ಂಜತ್. ಅಂವೊ ಯೋಸೇಫಂಡ ಮೋಂವೋಂದ್ ಗೊತ್ತ್ಂಜತ್, ಆ ಯೋಸೇಫ ಹೇಲಿರ ಮೋಂವೊ,

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.