3 ಯೋಹಾನ 1:8 - ಕೊಡವ ಬೈಬಲ್

⁸ ಆನಗುಂಡ್ ನಂಗ ಅಯಿಂಗಕ್ ಸಹಾಯ ಮಾಡಂಡು, ಅಕ್ಕ ಅಯಿಂಗ ಮಾಡ್‌ವ ನೇರಾನ ಸೇವೇಲ್ ನಂಗಕ್ ಸಹ ಫಲ ಕ್‍ಟ್ಟ್‌ವ.

3 ಯೋಹಾನ 1:8 ပူးပေါင်းရင်းမြစ်များ

ಮತ್ತಾಯ 10:14

ದಾರೇಂಗಿ, ನಿಂಗಳ ಸ್ವಾಗತ ಮಾಡತ ಪೋಚೇಂಗಿ ಅಥವ ನಿಂಗ ಎಣ್ಣ್‌ವಾನ ಕ್‍ೕಕತೆ ಪೋಚೇಂಗಿ, ಅಯಿಂಗಡ ಊರ್‌ನ ಬುಟ್ಟಿತ್ ಬಪ್ಪಕ, ನಿಂಗಡ ಕಾಲ್‌ಲ್ ಉಳ್ಳ ದೂಳ್‍ನ ಕೊಡ್‍ಕಿತ್ ಬಾರಿ.

ಮತ್ತಾಯ 10:40

ನಿಂಗಳ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:7

ಮನೆರ ಒಳ್‍ಲ್ ಇಂಜಂವೊ: ಸ್ನೇಹಿತನೇ, ನನ್ನ ತೊಂದರೆ ಮಾಡತೆ, ನಾನ್ ಪಡಿಕ್ ಬೀಗ ಇಟ್ಟಿತುಳ್ಳ, ನಾಡ ಮಕ್ಕಳು ನಾನು, ಬುದ್ದಂಡ್ ಉಂಡ್, ನಾನ್ ಎದ್ದಿತ್ ನೀಕ್ ಒಂದು ತಪ್ಪಕ್ ಕಯ್ಯುಲೇಂದ್ ಎಣ್ಣುವ.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

2 ಕೊರಿಂಥ 8:23

ತೀತಂಡ ವಿಷಯತ್ ದಾರ್ ಒಬ್ಬ ಕ್‍ೕಟತೇಂಗಿ, ಅಂವೊ ನಾಡ ಕೂಟ್‍ಕಾರಾಂದೂ, ನಿಂಗಕಾಯಿತ್ ನಾಡ ಕೂಡೆ ದೇವಡ ಸೇವೆ ಮಾಡ್‌ವಂವೊನಾಯಿತ್ ಉಂಡ್‍ೕಂದು ಗೊತ್ತಿರಡ್. ನಂಗಡ ಅಣ್ಣತಮ್ಮಣಂಗಡ ವಿಷಯತ್ ಕ್‍ೕಟತೇಂಗಿ: ಅಯಿಂಗ ಸಬೆರ ಸೇವಕಂಗಳು, ಕ್ರಿಸ್ತಂಗ್ ಮಹಿಮೆಯಾಯಿತು ಉಂಡ್‍ೕಂದ್ ಗೊತ್ತಿರಡ್.

ಫಿಲಿಪ್ಪಿ 4:3

ನಾಡ ಕೂಡೆ ಸೇವೇಲ್ ಇಂಜ ಸತ್ಯತ್‍ರ ಕೂಟಾಳಿಯೇ, ಈ ದಂಡ್ ಪೊಣ್ಣಾಳ್‍ವಳ ಸಮಾದಾನತ್‍ಲ್ ಇಪ್ಪಕ್ ಸಹಾಯ ಮಾಡ್‍ೕಂದ್ ನಿನ್ನ ಬೋಡುವಿ. ಎನ್ನಂಗೆಣ್ಣ್‌ಚೇಂಗಿ, ಕ್ಲೇಮೆನ್ಸ್ ಪಿಂಞ ಬೋರೆ ನಾಡ ಕೂಡೆ ಸೇವೆ ಮಾಡ್‌ವಯಿಂಗ ಕ್ರಿಸ್ತಂಡ ನಲ್ಲ ಸುದ್ದಿನ ನೇರಾಯಿತು ಎಣ್ಣ್‌ವಕ್ ದುಂಬ ಕಷ್ಟಪಟ್ಟತ್, ಅಯಿಂಗಡ ಪೆದಯೆಲ್ಲಾ ಜೀವ ಪುಸ್ತಕತ್‍ಲ್ ಒಳ್‍ದಿತ್ ಉಂಡ್.

ಕೊಲೊಸ್ಸೆ 4:11

ಯೇಸೂಂದ್ ಪೆದ ಉಳ್ಳ ಯೂಸ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಯೆಹೂದ್ಯಂಗಡಡೆ‍ಲ್ ಈಂಗ ಮಾತ್ರ ನಾಡ ಕೂಡೆ ದೇವಡ ರಾಜ್ಯತ್‍ರ ಸೇವೇನ ಮಾಡಿಯಂಡ್, ನಾಕ್ ದುಂಬ ಒತ್ತಾಸೆ ತಂದಂಡುಂಡ್.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

ಫಿಲೆಮೋನ 1:2

ನಂಗಡ ತಂಗೆ ಅಪ್ಫಿಯಾ, ನಂಗಡನೆಕೆ ದೇವಡ ಸೇವೆ ಮಾಡಿಯಂಡುಳ್ಳ ಅರ್ಖಿಪ್ಪ ಎಣ್ಣುವಯಿಂಗಕ್ ಪಿಂಞ ನೀಡ ಕೂಡೆ ಮನೆಲ್ ಕೂಡುವ ಸಬೇಕ್ ಒಳ್‍ದ್‍ವ ಕಾಗದ ಇದ್.

3 ಯೋಹಾನ 1:10

ಅದ್ಂಗಾಯಿತ್ ನಾನ್ ನಿಂಗಡ ಪಕ್ಕ ಬಂದತೇಂಗಿ ಅಂವೊ ಮಾಡ್‌ವ ಕೆಟ್ಟ ಕೆಲಸತ್‍ನ ನಿಂಗಕ್ ಕಾಟಿತಪ್ಪಿ. ನಂಗಡ ವಿಷಯತ್‍ಲ್, ಎಣ್ಣುವಕ್ಕಾಗತ ಕೆಟ್ಟ ತಕ್ಕ್‌ನ ಅಂವೊ ಪರ್ಂದಂಡುಂಡ್. ಅದ್‍ಲ್ ಅಯಿಂಗ ತೃಪ್ತಿ ಆಕತನೆಕೆ, ಯೇಸುನ ನಂಬ್‍ನಯಿಂಗಳ ಸಬೇಕ್ ಸತ್ಕಾರ ಮಾಡತೆ, ಪಿಂಞ ಬೋರೆ ದಾರೇಂಗಿಯು ಅಯಿಂಗಳ ಸತ್ಕಾರ ಮಾಡ್‍ಚೇಂಗಿ ಅಯಿಂಗಳ ಸಹ ಸಬೇಕ್ ಪೊರಮೆ ಇಟ್ಟಂಡುಂಡ್.

3 ಯೋಹಾನ 1:7

ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಇಡತಯಿಂಗಡ ಪಕ್ಕ ಒಂದು ಎಡ್‍ಕತೆ, ಕ್ರಿಸ್ತಂಡ ಪೆದಕಾಯಿತ್ ಪೊರಟಿತುಂಡ್.

3 ಯೋಹಾನ 1:9

ನಾನ್ ಸಬೇಕ್ ಕಾಗದತ್‍ನ ಒಳ್‍ದಿಯೆ. ಆಚೇಂಗಿ ಸಬೇಲ್ ಮುಕ್ಯಸ್ತನಾಯಿತ್‌ಪ್ಪಕ್ ಕುಶಿಯಾಯಿತುಳ್ಳ ದಿಯೊತ್ರೇಫ ನಂಗ ಎಣ್ಣ್‌ನಾನ ಕ್‍ೕಪಕ್ ಮನಸ್ಸಿಲತಂವೊನಾಯಿತುಂಡ್.