3 ಯೋಹಾನ 1:6 - ಕೊಡವ ಬೈಬಲ್

⁶ ನೀನ್ ಕಾಟ್‍ನ ಪ್ರೀತಿನ ಅಯಿಂಗ ಇಲ್ಲಿ ಸಬೇಲ್ ಎಣ್ಣ್‌ಚಿ. ಇಂಞು ಅಯಿಂಗಳ ನೀನ್ ದೇವಡ ಸೇವಕಂಗಕ್ ಯೋಗ್ಯವಾನ ತರತ್‍ಲ್ ನೋಟಿತ್ ಅಯಿಚತೇಂಗಿ ಚಾಯಿಪ್ಪ.

3 ಯೋಹಾನ 1:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:7

ನೀನ್‌ ಸರಿಯಾನದ್‌ನ ಮಾಡಿತ್‌ಂಜಕ, ನಿನ್ನ ಸ್ವೀಕಾರ ಮಾಡ್‌ವಕಿಂಜಿತ್‌ಲ್ಲೆಯ? ಆಚೇಂಗಿ ನೀನ್‌ ನಲ್ಲದ್‌ ಮಾಡ್‌ವಕ್‌ ತ್‌ಕ್ಕಾರ ಮಾಡಿಚೇಂಗಿ, ಪಾಪ ನಿನ್ನ ಆಳ್‌ವಿಕೆ ಮಾಡ್‌ವಕ್‌ ಪಿಂಞ ನಾಶ ಮಾಡ್‌ವಕ್‌ ಪಡಿರ ಪಕ್ಕ ಪಾರಕಾತಂಡಿಪ್ಪ, ಆಚೇಂಗಿ ನೀನ್‌ ಅದನ ಆಳಂಡು.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 4:4

ಅದ್‌ಂಗ್‌ ದೇವ: ನೀನ್‌ ಚೆಡಿ ಮಾಡ್‌ವದ್‌ ಸೆರಿಯಾಂದ್‌ ಕ್‍ೕಟತ್?

ಅಪೊಸ್ತಲ 15:3

ಸಬೆರ ಜನ ಅಯಿಂಗಳ ಅಯಿಚ ಪಿಂಞ, ಅಯಿಂಗ ಫೊಯಿನಿಕೆ ಪಿಂಞ ಸಮಾರ್ಯ ಸೀಮೆರ ಬಟ್ಟೇಲ್ ಪೋಯಂಡಿಪ್ಪಕ, ಯೆಹೂದ್ಯ ಅಲ್ಲತ ಬೋರೆ ಜನಳು ದೇವಡ ಪಕ್ಕ ಬಂದ ಸಂಗತಿನ, ಅಯಿಂಗಡ ಬಟ್ಟೇಲ್ ಕಂಡ ಯೇಸುನ ನಂಬ್‍ನಯಿಂಗಕ್ ವಿವರವಾಯಿತ್ ಎಣ್ಣ್‌ಚಿ. ಅಯಿಂಗ ಇದ್‍ನ ಕ್‍ೕಪಕ ದುಂಬ ಕುಶಿಪಟ್ಟತ್.

ಅಪೊಸ್ತಲ 21:5

ಆಚೇಂಗಿ, ಹಡಗ್ ಅಲ್ಲಿಂಜ ಪೊರಡ್‌ವ ಸಮಯ ಬಪ್ಪಕ, ಅಯಿಂಗೆಲ್ಲಾರು ಪೊಣ್ಣ್ ಮಕ್ಕಡ ಕೂಡೆ ಪಟ್ಟಣತ್‍ರ ಕಡೇಕತ್ತನೆ ನಂಗಡ ಕೂಡೆ ಬಾತ್. ನಂಗ ಕಡಕರೆಲ್ ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡ್‍ಚಿ.

ರೋಮ್ 15:24

ನಾನ್ ಸ್ಪೇನ್ ದೇಶಕ್ ಪ್ರಯಾಣ ಮಾಡ್‌ವಕ, ನಿಂಗಡ ಪಕ್ಕ ಬಂದಿತ್, ಚೆನ್ನ ಸಮಯ ನಿಂಗಡ ಕೂಡೆ ಒಳಿಂಜಿತ್, ಕುಶೀಲ್ ಇಂಜಿತ್, ನಿಂಗಡ ಸಹಾಯತ್‍ಲ್ ಪೊರಟಿತ್ ಪೋಪಕ್ ಸಮಯ ಕ್‌ಟ್ಟೂಂದ್ ನಂಬಿಕೇಲ್ ಉಳ್ಳ.

2 ಕೊರಿಂಥ 1:16

ನಾನ್ ಮಕೆದೋನ್ಯ ಪ್ರಾಂತ್ಯಕ್ ಪೋಪಕ ನಿಂಗಳ ಕಂಡಿತ್ ಪೋಪಿ, ಪುನಃ ಅಲ್ಲಿಂಜ ಬಪ್ಪಕಲು ನಿಂಗಳ ಕಂಡಿತ್ ಬಪ್ಪಕ್ ಗೇನ ಮಾಡಿಯಂಡುಳ್ಳ. ಬಯ್ಯ ನಿಂಗ ನನ್ನ ಯೂದಾಯಕ್ ಅಯಿಕಲು.

ಫಿಲಿಪ್ಪಿ 4:14

ಆಚೇಂಗಿಯು, ನಿಂಗ ನಾಡ ಕಷ್ಟತ್‍ಲ್ ಕೂಡೆ ಇಂಜಿತ್ ಸಹಾಯ ಮಾಡ್‍ನದ್ ನಲ್ಲದ್.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:13

ನೀಕ್ ಕಯ್ಯುವಚ್ಚಕ್ ವಕೀಲನಾನ ಜೇನ ಪಿಂಞ ಅಪೊಲ್ಲೋಸಂಗ್ ಒರ್ ಕೊರತೆಯು ಇಲ್ಲತೆ ಅಯಿಂಗಡ ಪ್ರಯಾಣಕ್ ಬೋಂಡಿಯಾನ ಎಲ್ಲಾ ವ್ಯವಸ್ತೆನ ಮಾಡ್.

1 ಪೇತ್ರ 2:20

ಆಚೇಂಗಿ, ನಿಂಗ ತಪ್ಪ್ ಮಾಡಿತ್ ಅದ್ಂಗಾಯಿತ್, ಶಿಕ್ಷೆ ಕ್‍ಟ್ಟಿತ್ ಅದ್‍ನ ನಿಂಗ ಸಹಿಸಿಯಂಡ್ ಇಂಜತೇಂಗಿ, ನಿಂಗಕ್ ಎಂತ ಲಾಬ? ನಿಂಗ ನಲ್ಲದ್ ಮಾಡ್‌ವಕ ಕಷ್ಟಪಟ್ಟಿತ್, ಸಹಿಸಿಯಂಡ್ ಇಂಜತೇಂಗಿ ಅದ್ ದೇವಡ ಮಿಂಞತ್ ಕೊಂಡಾಡುವಕ್ ಆಪ.

3 ಯೋಹಾನ 1:12

ಎಲ್ಲಾಡಿಂಜ ದೇಮೇತ್ರಿಯಂಗ್ ನಲ್ಲ ಸಾಕ್ಷಿ ಉಂಡ್; ಸತ್ಯತ್‍ಲು ಅಂವೊಂಗ್ ನಲ್ಲ ಸಾಕ್ಷಿ ಉಂಡ್. ನಂಗ ಸಹ ಅಂವೊಂಡ ವಿಷಯತ್‍ಲ್ ಸಾಕ್ಷಿ ತಪ್ಪ, ನಂಗಡ ಸಾಕ್ಷಿ ಸತ್ಯಾಂದ್ ನಿಂಗಕ್ ಗೊತ್ತುಂಡ್.