3 ಯೋಹಾನ 1:3 - ಕೊಡವ ಬೈಬಲ್

³ ಯೇಸುನ ನಂಬ್‍ನಯಿಂಗ ನಾಡ ಪಕ್ಕ ಬಂದಿತ್ ನೀನ್ ಸತ್ಯತ್‍ಲ್ ನಡ್‌ದಂಡ್ ಉಳ್ಳಿಯಾಂದ್ ನೀಡ ನೇರಾನ ವಿಷಯತ್‍ನ ಎಣ್ಣ್‌ವಕ ನಾಕ್ ಪೆರ್ತ್‌ ಕುಶಿ ಆಚಿ.

3 ಯೋಹಾನ 1:3 ပူးပေါင်းရင်းမြစ်များ

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

1 ಕೊರಿಂಥ 13:6

ಅನ್ಯಾಯತ್‍ಲ್ ಕುಶಿ ಪಡುಲೆ, ಆಚೇಂಗಿ ಸತ್ಯವಾನ ಕಾರ್ಯ ಮಾಡ್‌ವಕ ಕುಶಿ ಪಡುವ.

ಗಲಾತ್ಯ 6:10

ಅನ್ನನೆ ನಂಗಕ್ ಅವಕಾಶ ಕ್‍ಟ್ಟ್‌ನನೆಕೆ, ಎಕ್ಕಾಲು ನಲ್ಲದ್ ಮಾಡಂಡು. ಮುಕ್ಯವಾಯಿತ್ ಕ್ರಿಸ್ತನ ನಂಬ್‍ನ ದೇವಡ ಕುಟುಂಬಕ್ ಕೂಡ್‍ನಯಿಂಗಕ್ ಸಹಾಯ ಮಾಡಂಡು.

ಫಿಲಿಪ್ಪಿ 1:4

ನಾನ್ ಅನ್ನನೆ ಎಕ್ಕಾಲು ನಿಂಗಕಾಯಿತ್ ಬೋಡ್‌ವಕ ನಾನ್ ಅಚ್ಚಕ್ ಕುಶೀಲ್ ನಿಂಗ ಎಲ್ಲಾರ್‍ಕಾಯಿತ್ ಪ್ರಾರ್ಥನೆ ಮಾಡಿಯಂಡುಳ್ಳ.

2 ಯೋಹಾನ 1:2

ಎನ್ನಂಗೆಣ್ಣ್‌ಚೇಂಗಿ ಸತ್ಯ ನಂಗಡ ಹೃದಯತ್‍ರ ಒಳ್‍ಲ್ ವಾಸ ಮಾಡಿಯಂಡ್, ಎಕ್ಕಾಲು ನಂಗಡ ಕೂಡೆ ಉಂಡ್.

2 ಯೋಹಾನ 1:4

ಅಪ್ಪ ನಂಗಕ್ ಆಜ್ಞೆ ತಂದನೆಕೆ, ನೀಡ ಮಕ್ಕಡಲ್ಲಿ ಚೆನ್ನ ಮಕ್ಕ ಸತ್ಯತ್‍ಲ್ ಬದ್‍ಕಿಯಂಡುಂಡ್‍ೕಂದ್ ಗೊತ್ತಾನಗುಂಡ್ ನಾಕ್ ದುಂಬ ಕುಶಿ ಆಚಿ.

3 ಯೋಹಾನ 1:10

ಅದ್ಂಗಾಯಿತ್ ನಾನ್ ನಿಂಗಡ ಪಕ್ಕ ಬಂದತೇಂಗಿ ಅಂವೊ ಮಾಡ್‌ವ ಕೆಟ್ಟ ಕೆಲಸತ್‍ನ ನಿಂಗಕ್ ಕಾಟಿತಪ್ಪಿ. ನಂಗಡ ವಿಷಯತ್‍ಲ್, ಎಣ್ಣುವಕ್ಕಾಗತ ಕೆಟ್ಟ ತಕ್ಕ್‌ನ ಅಂವೊ ಪರ್ಂದಂಡುಂಡ್. ಅದ್‍ಲ್ ಅಯಿಂಗ ತೃಪ್ತಿ ಆಕತನೆಕೆ, ಯೇಸುನ ನಂಬ್‍ನಯಿಂಗಳ ಸಬೇಕ್ ಸತ್ಕಾರ ಮಾಡತೆ, ಪಿಂಞ ಬೋರೆ ದಾರೇಂಗಿಯು ಅಯಿಂಗಳ ಸತ್ಕಾರ ಮಾಡ್‍ಚೇಂಗಿ ಅಯಿಂಗಳ ಸಹ ಸಬೇಕ್ ಪೊರಮೆ ಇಟ್ಟಂಡುಂಡ್.

3 ಯೋಹಾನ 1:2

ಪ್ರೀತಿರ ಕೂಟ್‌ಕಾರನೇ, ನೀನ್ ಆತ್ಮತ್‍ರ ವಿಷಯತ್‍ಲ್ ಚಾಯಿತೆ ಉಳ್ಳನೆಕೆ, ತಡೀರ ಆರೋಗ್ಯತ್‍ಲ್ ಚಾಯಿ ಇಂಜಿತ್, ಎಲ್ಲಾ ವಿಷಯತ್‍ಲ್ ಚಾಯಿತೆ ಬದ್‍ಕಂಡೂಂದ್ ನಾನ್ ಪ್ರಾರ್ಥನೆ ಮಾಡ್‌ವಿ.

3 ಯೋಹಾನ 1:4

ನಾಡ ಮಕ್ಕ ಸತ್ಯತ್‍ಲ್ ನಡ್‍ದಂಡುಂಡ್‍ೕಂದ್ ಕ್‍ೕಪಕಿಂಜ ಬಲ್ಯ ಕುಶಿ ನಾಕ್ ಬೋರೆ ಏದು ಇಲ್ಲೆ.

3 ಯೋಹಾನ 1:5

ನಾಡ ಪ್ರೀತಿರ ಕೂಟ್‌ಕಾರನೇ, ನೀನ್ ಯೇಸುನ ನಂಬ್‍ನಯಿಂಗಳ ಸತ್ಕಾರ ಮಾಡಿತ್ ಅಯಿಂಗಕ್ ನಂಬಿಕಸ್ತನಾಯಿತ್ ಸೇವೆ ಮಾಡ್‌ವಿಯ. ಅಯಿಂಗಳ ನೀಕ್ ಗೊತ್ತಿಲ್ಲತೇಂಗಿಯು ಮಾಡ್‌ವಿಯಲ್ಲ.