3 ಯೋಹಾನ 1:11 - ಕೊಡವ ಬೈಬಲ್

¹¹ ನಾಡ ಪ್ರೀತಿರ ಕೂಟ್‌ಕಾರನೇ, ಬೋರೆಯಿಂಗ ಪೋಪ ಕೆಟ್ಟ ಬಟ್ಟೇಲ್ ನೀನು ಪೋಕತೆ, ನಲ್ಲ ಬಟ್ಟೇಲ್ ನಡ್‌ದಂಡ್ ಪೋ. ನಲ್ಲದ್ ಮಾಡ್‌ವಂವೊ ದೇವಡಯಿಂಜ ಪುಟ್ಟ್‌ನಂವೊ. ಕೆಟ್ಟದ್ ಮಾಡ್‌ವಂವೊ ದೇವನ ಕಂಡಿತ್‌ಲ್ಲೆ.

3 ಯೋಹಾನ 1:11 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:11

ತಾಂಡ ಬೇಲ್‌ಲ್‌ ಕಷ್ಟಪಟ್ಟಿತ್‌ ನಯಿಪಂವೊಂಗ್‌ ಬೋಂಡಿಯಚ್ಚಕ್‌ ಆಹಾರ ಇಪ್ಪ. ಆಚೇಂಗಿ ಪ್ರಯೋಜನ ಇಲ್ಲತ ಕಾರ್ಯತ್‌ಲ್‌ ನೇರತ್‌ನ ಕಳೆಯುವಂವೊ ದಡ್ಡ.

ಯೋಹಾನ 10:27

ನಾಡ ಕೊರಿಯ ನಾಡ ಸದ್ದ್‌ನ ಕ್‍ೕಪ; ನಾಕ್ ಅಯಿಂಗಳ ಗೊತ್ತುಂಡ್, ಅಯಿಂಗ ನಾಡ ಬಯ್ಯ ಬಪ್ಪ.

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

ಯೋಹಾನ 3:20

ಕೆಟ್ಟ ಕೆಲಸ ಮಾಡ್‌ವ ಎಲ್ಲಾರು ಬೊಳಿನ ದ್ವೇಶ ಮಾಡ್‌ವ, ಅಯಿಂಗ ಮಾಡ್‌ವ ಕ್ರಿಯೇಯೆಲ್ಲಾ ಗೊತ್ತಾಪಾಂದ್ ಬೊಳಿರ ಪಕ್ಕ ಬಪ್ಪ್‌ಲೆ.

1 ಕೊರಿಂಥ 11:1

ಕ್ರಿಸ್ತ ಎಣ್ಣ್‌ವಾನ ನಾನ್ ಮಾಡ್‌ವನೆಕೆ ನಿಂಗ ನಾನ್ ಮಾಡ್‌ವದ್‍ನ ಮಾಡಿ.

1 ಕೊರಿಂಥ 4:16

ಆನಗುಂಡ್ ನಿಂಗ ನಾಡನೆಕೆ ಆಂಡೂಂದ್ ನಿಂಗಕ್ ಪುರ್‌ಡ್ ಕೊಡ್‍ಪಿ.

ಎಫೆಸ 5:1

ಆನಗುಂಡ್, ನಿಂಗ ಇಕ್ಕ ದೇವಡ ಪ್ರೀತಿರ ಮಕ್ಕಳಾಯಿತ್ ಉಳ್ಳಾಂಗ್, ನಿಂಗ ಮಾಡ್‌ವ ಎಲ್ಲಾ ವಿಷಯತ್‍ಲು, ದೇವನ ಉದಾರಣೆಯಾಯಿತ್ ಬೆಚ್ಚೊಳಿ.

ಫಿಲಿಪ್ಪಿ 3:17

ನಾಡ ಅಣ್ಣತಮ್ಮಣಂಗಳೇ, ನಾನ್ ಎನ್ನನೆ ಬದ್‍ಕಿಯಂಡುಂಡೋ ಅನ್ನನೆ ನಿಂಗಳು ಬದ್‍ಕ್‍ವಿರ. ನಾನ್ ನಿಂಗಕ್ ಎಣ್ಣಿತಂದನೆಕೆ ಬದ್‍ಕಿಯಂಡುಳ್ಳಯಿಂಗಡ ಬದ್‍ಕ್‍ನ ಚಾಯಿ ನೋಟಿತ್, ನಿಂಗ ಬದ್‍ಕ್‍ವಿರ.

1 ಥೆಸಲೊನೀಕ 1:6

ಇದ್‍ಲ್ಲತೆ, ನಿಂಗ ಯೇಸುನ ನಂಬ್‍ನಗುಂಡ್, ನಿಂಗಳ ಜನ ದುಂಬ ಹಿಂಸೆ ಮಾಡ್‍ಚಿ. ಆಚೇಂಗಿಯು, ಪವಿತ್ರಾತ್ಮ ತಪ್ಪ ಕುಶೀನ ನಿಂಗ ಎಡ್‍ತಂಡ್, ದೇವಡ ವಾಕ್ಯತ್‍ನ ಸ್ವೀಕಾರ ಮಾಡಿತ್, ನಂಗ ನಡ್‍ಪನೆಕೆ ನಡ್‌ಂದಿತ್, ಕ್ರಿಸ್ತಂಡನೆಕೆ ಹಿಂಸೆನ ಸಹಿಸಿರ.

1 ಥೆಸಲೊನೀಕ 2:14

ನಂಗಡ ಅಣ್ಣತಮ್ಮಣಂಗಳೇ, ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಸಬೇರನೆಕೆ ನಿಂಗಳು ಆಯಿತುಳ್ಳಿರ. ಯೆಹೂದ್ಯ ಸಬೆರ ಜನ ಎನ್ನನೆ ಯೇಸುನ ನಂಬತೆ ಅಯಿಂಗಡ ಸ್ವಂತ ಜನವಾಯಿತುಳ್ಳ ಯೆಹೂದ್ಯಂಗಡಗುಂಡ್ ಕಷ್ಟಪಟ್ಟತೋ ಅನ್ನನೆ ನಿಂಗಳು ಸಹ, ನಿಂಗಡ ಜನಾಂಗಡಗುಂಡ್ ಕಷ್ಟಪಟ್ಟಿರ.

2 ತಿಮೊಥೆಯ 3:10

ಆಚೇಂಗಿ ತಿಮೊಥೆಯ, ನಾಡ ಬೋದನೆ, ಬದ್‍ಕ್‍ರ ಬಟ್ಟೆ, ನಾಡ ಬದ್‍ಕ್‍ರ ನೋಕ, ನಾಡ ನಂಬಿಕೆ, ದೀರ್ಗ ಸಮಾದಾನ, ಪ್ರೀತಿ, ಪೊರುಮೆನ,

ಇಬ್ರಿಯ 6:12

ನಿಂಗ ಸೋಮಾರಿಯಾಯಿತ್ ಬದ್‍ಕತೆ, ದೇವ ವಾಗ್ದಾನ ಮಾಡ್‍ನ ಎಲ್ಲಾ ಆಶೀರ್ವಾದತ್‍ನ ನಂಬಿಕೆ ಪಿಂಞ ತಾಳ್ಮೆರ ಮೂಲಕ ಪಡೆಯುವಯಿಂಗಳ ನೋಟಿತ್ ನಡ್‍ಪಯಿಂಗಳಾಯಿತ್ ಇರಿ.

1 ಪೇತ್ರ 3:11

ಕೆಟ್ಟದ್‍ನ ಬುಟ್ಟಿತ್, ನಲ್ಲದ್ ಮಾಡಂಡು; ಸಮಾದಾನತ್‍ನ ತ್‍ೕಡಿತ್ ಅದ್ಂಡ ಬಯ್ಯಕ್ ಪೋಂಡು.

1 ಪೇತ್ರ 3:13

ನಿಂಗ ನಲ್ಲದ್ ಮಾಡಂಡೂಂದ್ ಅರ್ಪಿಚಿಟ್ಟಯಿಂಗಳಾಯಿತ್ ಇಂಜತೇಂಗಿ, ನಿಂಗಕ್ ಕ್‍ೕಡ್ ಮಾಡ್‍ವದ್ ದಾರ್?

1 ಯೋಹಾನ 2:29

ಕ್ರಿಸ್ತ ನೀತಿವಂತಂವೊನೇಂದ್ ನಿಂಗಕ್ ಗೊತ್ತಾನಗುಂಡ್, ನೀತಿಲ್ ನಡ್‍ಪಯಿಂಗೆಲ್ಲಾ ದೇವಡ ಮಕ್ಕಾಂದ್ ನಿಂಗಕ್ ಗೊತ್ತಿರಂಡು.

1 ಯೋಹಾನ 3:10

ಇನ್ನನೆ, ದೇವಡ ಮಕ್ಕ ದಾರ್, ಸೈತಾನಂಡ ಮಕ್ಕ ದಾರ್‍ೕಂದ್ ನಿಂಗಕ್ ಗೊತ್ತಾಪ. ನೇರಾನ ಬಟ್ಟೇಲ್ ನಡ್‍ಕತಯಿಂಗ ಪಿಂಞ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‍ತಯಿಂಗಳಾನ ಅಯಿಂಗ ದೇವಡ ಮಕ್ಕ ಅಲ್ಲ.

1 ಯೋಹಾನ 4:1

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.