3 ಯೋಹಾನ 1:1 - ಕೊಡವ ಬೈಬಲ್

¹ ಮೂಪನಾನ ನಾನ್, ನೇರಾಯಿತ್ ಪ್ರೀತಿಚಿಡುವ ಪ್ರಿಯ ಗಾಯಂಗ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ,

3 ಯೋಹಾನ 1:1 ပူးပေါင်းရင်းမြစ်များ

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 19:29

ಅಚ್ಚಕ್ ಬೆರಿಯ ಇಡೀ ಪಟ್ಟಣತ್‍ಲ್ ಗಲಿಬಿಲಿ ಆಚಿ. ಪ್ರಯಾಣತ್‍ಲ್ ಪೌಲಂಡ ಕೂಡೆ ಪ್ರಯಾಣ ಮಾಡಿಯಂಜಯಿಂಗ ಮಕೆದೋನ್ಯತ್‍ರ ಗಾಯನ ಪಿಂಞ ಅರಿಸ್ತಾರ್ಕ ಎಣ್ಣುವಯಿಂಗಳ ಬಲ್‍ಚಂಡ್ ಒರೇ ಮನಸ್ಸ್‌ಲ್ ಜನ ಕೂಡಿತ್ ನಾಟಕ ಶಾಲೆರ ಒಳ್‍ಕ್ ನುಗ್ಗಿತ್ ಪೋಚಿ.

ಅಪೊಸ್ತಲ 20:4

ಪೌಲಂಡ ಕೂಡೆ, ಬೆರೋಯ ಪಟ್ಟಣತ್‍ರ ಪಿರಸಂಡ ಮೋಂವೊನಾನ ಸೋಪತ್ರ ಎಣ್ಣ್‌ವಂವೊನು, ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಪಿಂಞ ಸೆಕುಂದ ಎಣ್ಣುವಯಿಂಗಳು, ದೆರ್ಬೆ ಪಟ್ಟಣತ್‍ರ ಗಾಯನ ಪಿಂಞ ತಿಮೊಥೆಯ ಎಣ್ಣುವಯಿಂಗಳು, ಆಸ್ಯ ಸೀಮೆರ ತುಖಿಕನ ಪಿಂಞ ತ್ರೊಫಿಮ ಎಣ್ಣುವಯಿಂಗಳು ಆಸ್ಯ ಸೀಮೆಕತ್ತನೆ ಪೋಚಿ.

ರೋಮ್ 16:23

ನನ್ನ ಪಿಂಞ ಇಲ್ಲಿಯತ್‍ರ ಸಬೇನ ಚಾಯಿ ನೋಟಿಯಂಡುಳ್ಳ ಗಾಯನು ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಈ ಪಟ್ಟಣತ್‍ರ ಖಜಾನತ್‍ರ ಕಣಕ್ ನೋಟುವ ಎರಸ್ತ ಪಿಂಞ ತಮ್ಮಣನಾನ ಕ್ವರ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್.

1 ಕೊರಿಂಥ 1:14

ನಿಂಗಡಡೆಲ್ ಕ್ರಿಸ್ಪ ಪಿಂಞ ಗಾಯನ ಎಣ್ಣ್‌ವಯಿಂಗಳ ಬುಟ್ಟಿತ್ ಬೋರೆ ದಾರ್‌ಕು ನಾನ್ ದೀಕ್ಷಾಸ್ನಾನ ಕೊಡ್‍ತಿತ್‌ಲ್ಲಾನಗುಂಡ್ ನಾನ್ ದೇವಕ್ ವಂದನೆ ಎಣ್ಣ್‌ವಿ.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಯೋಹಾನ 3:18

ನಾಡ ಪ್ರೀತಿರ ಮಕ್ಕಳೇ, ನಂಗಡ ಪ್ರೀತಿ ಬರಿ ತಕ್ಕ್‌ಬಾಕ್‍ಲ್ ಮಾತ್ರ ಇಪ್ಪಕ್ಕಾಗ, ಆಚೇಂಗಿ ಸತ್ಯತ್‍ಲ್ ಪಿಂಞ ಕ್ರಿಯೇಲ್ ಕಾಟಂಡು.

3 ಯೋಹಾನ 1:2

ಪ್ರೀತಿರ ಕೂಟ್‌ಕಾರನೇ, ನೀನ್ ಆತ್ಮತ್‍ರ ವಿಷಯತ್‍ಲ್ ಚಾಯಿತೆ ಉಳ್ಳನೆಕೆ, ತಡೀರ ಆರೋಗ್ಯತ್‍ಲ್ ಚಾಯಿ ಇಂಜಿತ್, ಎಲ್ಲಾ ವಿಷಯತ್‍ಲ್ ಚಾಯಿತೆ ಬದ್‍ಕಂಡೂಂದ್ ನಾನ್ ಪ್ರಾರ್ಥನೆ ಮಾಡ್‌ವಿ.