2 ತಿಮೊಥೆಯ 3:5 - ಕೊಡವ ಬೈಬಲ್

⁵ ದೇವಡ ಮೇಲೆ ಬಕ್ತಿ ಉಳ್ಳಯಿಂಗಡನೆಕೆ ವೇಷ ಇಡ್‌ವ, ಆಚೇಂಗಿ, ದೇವಡ ಶಕ್ತಿನ ಅಯಿಂಗಡ ಒಳ್‍ಲ್ ಕ್ರಿಯೆ ಮಾಡ್‌ವಕ್ ಬುಡುಲೆ. ಈಂಗಳ ಬುಟ್ಟಿತ್ ನೀನ್ ದೂರ ಇರ್.

2 ತಿಮೊಥೆಯ 3:5 ပူးပေါင်းရင်းမြစ်များ

ಮತ್ತಾಯ 7:15

ಕಳ್ಳ ಪ್ರವಾದಿಯಂಗಡ ವಿಷಯತ್ ಎಚ್ಚರತ್‍ಲ್ ಇರಿ. ಅಯಿಂಗ ಪೊರಮೆ ಸಾದು ಕೊರಿರನೆಕೆ ವೇಷ ಇಟ್ಟಂಡ್ ಬಪ್ಪ. ಆಚೇಂಗಿ, ಹೃದಯತ್‍ಲ್ ಅಯಿಂಗ, ಕೀತ್‍ವ ತೋಳರನೆಕೆ ಇಪ್ಪ.

ಎಫೆಸ 4:14

ನಂಗ ಇಂಞು ಮಿಂಞಕ್ ಕುಂಞಿಯರನೆಕೆ ಇಕ್ಕತೆ, ಮನುಷ್ಯಂಗಡ ಕಪಟ ಪಿಂಞ ವಂಚನೆ ಮಾಡ್‌ವ ತಂತ್ರವುಳ್ಳ ಬೋದನೆಯಾನ, ನಾನಾತರ ಗಾಳಿರಗುಂಡ್ ಅಲ್ಲಾಡಿಯಂಡಿಪ್ಪ, ಅಲೆರನೆಕೆ ಅಪ್ಪರ ಇಪ್ಪರ ಪೋಯಂಡಿಪ್ಪಯಿಂಗಳಾಯಿತ್ ಇರತಿ.

2 ಥೆಸಲೊನೀಕ 3:14

ಈ ಕಾಗದತ್‍ಲ್ ಉಳ್ಳ ಬೋದನೆಕ್ ಒಬ್ಬ ತಗ್ಗಿತ್ ನಡ್‍ಕತೆ ಪೋನಕ, ಅಂವೊನ ಎಲ್ಲಾಡ ಮಿಂಞ ಕಂಡ್‍ಪುಡ್‌ಚಿತ್, ಅಂವೊನ ದೂರ ಮಾಡಂಡು. ಅಕ್ಕ ಅಂವೊ ಅನ್ನನೆ ಮಾಡ್‌ನಾಂಗ್ ಅಂವೊಂಗ್ ಞಾಣ ಆಪ.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.

1 ತಿಮೊಥೆಯ 4:7

ಪ್ರಯೋಜನವಿಲ್ಲತ ವಿಷಯತ್ ತರ್ಕ ಮಾಡಿಯಂಡ್, ಸತ್ಯ ಇಲ್ಲತ ಅಜ್ಜಿಯಡ ಕಥೇನ ಕ್‍ೕಟಂಡ್ ಸಮಯ ಕಳೆಯಂಡ. ಅದ್ಂಡ ಬದ್‍ಲ್ ದೇವಬಕ್ತಿಲ್ ಇಪ್ಪಕ್ ಪ್ರಯತ್ನಪಡ್.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.

1 ತಿಮೊಥೆಯ 5:8

ಆಚೇಂಗಿ ಒಬ್ಬ ತಾಂಡ ಬೆಂದ್‍ಕಕ್, ಮುಕ್ಯವಾಯಿತ್ ಅಂವೊಂಡ ಸ್ವಂತ ಕುಟುಂಬಕ್ ಸಹಾಯ ಮಾಡತೆ ಪೋಚೇಂಗಿ, ಅಂವೊ ದೇವಡ ನಂಬಿಕೇಕ್ ಮೋಸ ಮಾಡ್‍ನನೆಕೆ ಪಿಂಞ ದೇವಡ ನಂಬಿಕೇಲ್ ಇಲ್ಲತಯಿಂಗಕಿಂಜ ಕ್‍ೕಳಾನಂವೊ.

1 ತಿಮೊಥೆಯ 6:5

ಅಯಿಂಗಡ ಮನಸ್ಸ್ ಪಾಳಾಯಿತ್, ಎಕ್ಕಾಲು ಜಗಳ ಮಾಡ್‌ವ. ಅಯಿಂಗಡ ಹೃದಯತ್ಂಜ ಸತ್ಯತ್‍ನ ಎಡ್‍ತ್‍ರ್‌ತ್. ಅಯಿಂಗ ದುಡ್ಡ್ ಮಾಡ್‌ವಕಾಯಿತ್ ಅಯಿಂಗಳ, ದೇವಡ ಬಕ್ತಂಗಳಾಯಿತ್ ಕಾಂಬ್‍ಚಿಡ್‍ವ.

2 ತಿಮೊಥೆಯ 2:16

ಈ ಲೋಕತ್‍ರ ಒರ್ ಪ್ರಯೋಜನವಿಲ್ಲತ ಹರಟೆ ತಕ್ಕ್‌ಕ್ ದೂರ ಇರ್. ಎನ್ನಂಗೆಣ್ಣ್‌ಚೇಂಗಿ ಅನ್ನನೆ ಹರಟೆ ತಕ್ಕ್‌ಲ್ ಪಾಲ್‍ದಾರಂಗಳಾಪಯಿಂಗ ದೇವಡಯಿಂಜ ದುಂಬ ದೂರ ಪೋಪ.

2 ತಿಮೊಥೆಯ 2:23

ಮೂಡ ತಕ್ಕ್ ಪಿಂಞ ಪ್ರಯೋಜನ ಇಲ್ಲತ ಚರ್ಚೆ, ಬರಿ ಜಗಳಕ್ ಬಟ್ಟೆ ಕೊಡ್‍ಪಾಂದ್ ಗೊತ್ತಾನಗುಂಡ್, ಅದ್‍ಂಜ ನೀನ್ ದೂರ ಇರ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:16

ಅಯಿಂಗ ದೇವನ ಗೊತ್ತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗ ಮಾಡ್‌ವ ಕ್ರಿಯೆ ಅಯಿಂಗಕ್ ದೇವ ಗೊತ್ತ್‌ಲ್ಲೇಂದ್ ಕಾಟಿತಪ್ಪ. ಅಯಿಂಗ, ಜನ ದ್ವೇಶ ಮಾಡ್‌ವಯಿಂಗಳಾಯಿತು, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತು ಉಂಡ್. ಆನಗುಂಡ್ ಅಯಿಂಗ ಏದ್ ನಲ್ಲ ಕ್ರಿಯೆ ಮಾಡ್‌ವಕು ಯೋಗ್ಯತೆ ಇಲ್ಲತಯಿಂಗಳಾಯಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:10

ಕಳ್ಳ ಬೋದನೆ ಮಾಡಿತ್, ದೇವಡ ಮಕ್ಕಳ ಬೋರೆ ಬೋರೆ ಮಾಡ್‌ವಯಿಂಗಕ್, ಒರು ಕುರಿ ಅಥವ ದಂಡ್ ಕುರಿ ಎಚ್ಚರ ಮಾಡ್. ಅದ್ಂಗ್ ಅಯಿಂಗ ಕೆಮಿ ಕೊಡ್‍ಕತೆ ಪೋನಕ, ಅಯಿಂಗಳ ತಿರಸ್ಕಾರ ಮಾಡ್.