2 ತಿಮೊಥೆಯ 2:6 - ಕೊಡವ ಬೈಬಲ್

⁶ ಕಷ್ಟಪಟ್ಟಿತ್ ವ್ಯವಸಾಯ ಮಾಡ್‌ವಂವೊ ಬೊಳ್‍ತ್‍ನ ಬೊಳೆರ ಆದ್ಯ ಫಲ ಅಂವೊಂಗ್ ಕ್‍ಟ್ಟಂಡು.

2 ತಿಮೊಥೆಯ 2:6 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 27:18

ಅತ್ತಿಮರತ್‌ನ ನೋಟಿಯಂವೊ ಅದ್‌ಂಡ ಪಣ್ಣ್‌ನ ತಿಂಬ. ಅನ್ನನೆ ಯಜಮಾನನ ಕಾಪಂವೊ ಗನತ್‌ನ ಪಡೆಯುವ.

ಮತ್ತಾಯ 20:1

ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಮನೆರ ಎಜಮಾನ, ಅಂವೊಂಡ ತೋಟತ್‍ಲ್ ಪಣಿಕ್ ಆಳ್‍ವಳ ಕಾಕಿಯಂಡ್ ಬಪ್ಪಕ್ ಪೊಲಾಕಲೆ ಪೋಚಿ.

ಮತ್ತಾಯ 25:16

ಅಂಜ್ ಬಾಗ ಕ್‍ಟ್ಟ್‌ನಂವೊ ಅದ್‍ನ ಅಕ್ಕಣೆ ಎಡ್‍ತಂಡ್ ಪೋಯಿತ್ ವ್ಯಾಪಾರ ಮಾಡಿತ್ ಇಂಞು ಅಂಜ್ ಬಾಗತ್‍ನ ಸಂಪಾದನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:2

ಅಯಿಂಗಳ ನೋಟಿತ್: ಬೇಲ್‌ಲ್ ಬೊಳೆ ದುಂಬ ಉಂಡ್, ಆಚೇಂಗಿ ಕೊಯಿಪಣಿಕ್ ಆಳ್‍ಕಾರ ದುಂಬ ಕಮ್ಮಿ; ಆನಗುಂಡ್, ಬೊಳೆಕ್ ಕಾರಣವಾಯಿತುಳ್ಳ ಎಜಮಾನಂಡ ಪಕ್ಕ, ಆಳ್‍ವಳ ಅಯಿಪಕ್ ಅಂವೊನ ಬೋಡ್‍ವಿರ.

1 ಕೊರಿಂಥ 9:23

ನಾನ್ ಇದ್‍ನೆಲ್ಲಾ ಎನ್ನಂಗ್ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿನ ದುಂಬ ಜನ ನಂಬುವ. ಆನಗುಂಡ್ ಅದ್ಂಡ ಆಶೀರ್ವಾದತ್‍ಲ್ ನಾನ್ ಪಾಲ್‍ದಾರನಾಯಿತ್‌ಪ್ಪಿ.

2 ತಿಮೊಥೆಯ 2:7

ನಾನ್ ಎಣ್ಣ್‌ವಾನೆಲ್ಲ ಗೇನ ಮಾಡ್. ನೀಕ್ ಇದ್‍ನೆಲ್ಲಾ ದೇವ ಅರ್ಥ ಮಾಡಿತಪ್ಪ.

ಇಬ್ರಿಯ 10:36

ನಿಂಗ ದೇವಡ ಚಿತ್ತತ್‍ರನೆಕೆ ಮಾಡಿತ್ ವಾಗ್ದಾನ ಮಾಡ್‍ನದ್‍ನ ಪಡೆಯುವಕ್ ನಿಂಗಕ್ ದುಂಬ ತಾಳ್ಮೆ ಬೋಂಡಿತುಂಡ್.

ಇಬ್ರಿಯ 6:7

ಎನ್ನನೆ ಎಣ್ಣ್‌ಚೇಂಗಿ, ನೆಲತ್‌ಲ್ ಅಕ್ಕಕ್ಕ ಮಳೆ ಪೊಜ್ಜಂಡಿಪ್ಪಕ, ಆ ಮಣ್ಣ್ ಮಳೆ ನೀರ್‌ನ ಕುಡಿಚಿತ್, ಆ ನೆಲತ್‌ಲ್ ಎತ್ತ್ ಬಿತ್ತ್ ಕೆಲಸ ಮಾಡ್‌ವಯಿಂಗಕ್ ಬೋಂಡಿಯಾನ ಬೊಳೆನೆ ಕೊಡ್‍ಪದಾಚೇಂಗಿ, ಅದ್‍ನ ದೇವ ಆಶೀರ್ವಾದ ಮಾಡ್‌ವ.