2 ತಿಮೊಥೆಯ 2:4 - ಕೊಡವ ಬೈಬಲ್

⁴ ಸೈನಿಕನಾಯಿತ್ ಸೇವೆ ಮಾಡಿಯಂಡುಳ್ಳ ಒಬ್ಬ ತಾಂಡ ಸ್ವಂತ ಬದ್‍ಕ್‍ರ ಕೆಲಸತ್‍ಲ್ ಚಿಕ್ಕಿ ಪೋಕತೆ, ಅಂವೊಂಗ್ ಹುಕುಮ್ ತಪ್ಪ ಅದಿಕಾರಿನ ಮಾತ್ರ ಕುಶಿ ಪಡ್‍ತ್‍ವಕ್ ನೋಟ್‍ವ.

2 ತಿಮೊಥೆಯ 2:4 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:14

ಮುಳ್ಳ್‌ರ ಪೊದೆಲ್ ಬಿತ್ತ್‌ನ ಜನ ದೇವಡ ವಾಕ್ಯತ್‍ನ ಕ್‍ೕಪ, ಅಕ್ಕಣೆ ಪೋಯಿತ್, ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋಗ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯಿಂಜ ನೆರಿಂಗಿತ್ ಫಲ ಕೊಡ್‍ಕತೆ ಇಪ್ಪ.

2 ಕೊರಿಂಥ 5:9

ಆನಗುಂಡ್, ನಂಗ ತಡೀಲ್ ವಾಸಮಾಡಿಯಂಡಿಂಜತೇಂಗಿಯು ಸರಿ, ವಾಸ ಮಾಡತೆ ಇಂಜತೇಂಗಿಯು ಸರಿ, ಒಡೆಯನ ಕುಶಿಪಡ್‍ತ್‍ವಯಿಂಗಳಾಯಿತ್ ಇಪ್ಪಕ್ ಪ್ರಯತ್ನಪಟ್ಟಂಡುಂಡ್.

ಗಲಾತ್ಯ 5:1

ಆನಗುಂಡ್, ನಂಗ ಪುನಃ ನ್ಯಾಯಪ್ರಮಾಣಕ್ ಅಡಿಯಾಳಾಕತೆ, ಕ್ರಿಸ್ತ ನಂಗಕ್ ಸ್ವಾತಂತ್ರವಾಯಿತ್ ಇರಂಡೂಂದ್ ಕೊಡ್‍ತ ಬದ್‍ಕ್‍ಲ್ ದೃಡವಾಯಿತ್ ನಿಕ್ಕಂಡು.

1 ಥೆಸಲೊನೀಕ 2:4

ಅದ್ಂಡ ಬದ್‍ಲ್ ನಂಗ ಎಕ್ಕಲೂ ಅಂವೊಂಡ ನಲ್ಲ ಸುದ್ದಿನ ಎಣ್ಣ್‌ವಕ್ ನಂಗಳ ಯೋಗ್ಯವಂತಯಿಂಗಳಾಯಿತ್ ಅಂವೊ ಲೆಕ್ಕ ಮಾಡಿತ್ ನಂಗಕ್ ಒಪ್ಪ್‌ಚಿಟ್ಟನೆಕೆ ನಂಗ ತಕ್ಕ್ ಪರ್ಂದಂಡುಂಡ್. ನಂಗಡ ನೋಕ ಮನುಷ್ಯಂಗಳ ಕುಶಿಪಡ್‌ತ್‌ವಕಾಯಿತ್ ಅಲ್ಲ, ಆಚೇಂಗಿ ನಂಗಡ ಹೃದಯತ್‍ನ ಪರೀಕ್ಷೆ ಮಾಡ್‌ವ ದೇವನ ಕುಶಿಪಡ್‌ತ್‌ವನೆಕೆ ಉಂಡ್.

2 ತಿಮೊಥೆಯ 4:10

ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ರ ಮೇಲೆ ಉಳ್ಳ ಆಸೆರಗುಂಡ್ ದೇಮ ನನ್ನ ಬುಟ್ಟಿತ್ ಥೆಸಲೊನೀಕ ಪಟ್ಟಣಕ್ ಪೋಯಿರ್‌ತ್. ಕ್ರೆಸ್ಕ, ಗಲಾತ್ಯಕ್ ಪಿಂಞ ತೀತ, ದಲ್ಮಾತ್ಯಕ್ ಪೋಯಿರ್‌ತ್.

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.