2 ತಿಮೊಥೆಯ 2:23 - ಕೊಡವ ಬೈಬಲ್

²³ ಮೂಡ ತಕ್ಕ್ ಪಿಂಞ ಪ್ರಯೋಜನ ಇಲ್ಲತ ಚರ್ಚೆ, ಬರಿ ಜಗಳಕ್ ಬಟ್ಟೆ ಕೊಡ್‍ಪಾಂದ್ ಗೊತ್ತಾನಗುಂಡ್, ಅದ್‍ಂಜ ನೀನ್ ದೂರ ಇರ್.

2 ತಿಮೊಥೆಯ 2:23 ပူးပေါင်းရင်းမြစ်များ

1 ತಿಮೊಥೆಯ 1:4

ಅರ್ಥ ಇಲ್ಲತ ಕಥೇನ ಪರ್ಂದಂಡ್, ಪಂಡತ್‌ರ ಜನಡ ವಿಷಯತ್‍ನ ತಕ್ಕ್ ಪರ್ಂದಂಡ್ ಇಪ್ಪಯಿಂಗಳ ಸಹ ನೀನ್ ಎಚ್ಚರ ಮಾಡ್. ಎನ್ನಂಗೆಣ್ಣ್‌ಚೇಂಗಿ ಈ ತಕ್ಕೆಲ್ಲಾ ವಾದ ಮಾಡ್‌ವಕ್ ಬಟ್ಟೆ ಕೊಡ್‍ಪದ್‍ನ ಬುಟ್ಟಿತ್ ನಂಬಿಕೆಯಿಂಜ ಮಾಡ್‍ವಕ್ಕುಳ್ಳ ದೇವಡ ಕೆಲಸತ್‍ನ ಮಾಡ್‌ವಕ್ ಬಟ್ಟೆ ಕಾಟುಲೆ.

1 ತಿಮೊಥೆಯ 4:7

ಪ್ರಯೋಜನವಿಲ್ಲತ ವಿಷಯತ್ ತರ್ಕ ಮಾಡಿಯಂಡ್, ಸತ್ಯ ಇಲ್ಲತ ಅಜ್ಜಿಯಡ ಕಥೇನ ಕ್‍ೕಟಂಡ್ ಸಮಯ ಕಳೆಯಂಡ. ಅದ್ಂಡ ಬದ್‍ಲ್ ದೇವಬಕ್ತಿಲ್ ಇಪ್ಪಕ್ ಪ್ರಯತ್ನಪಡ್.

2 ತಿಮೊಥೆಯ 2:14

ಈ ವಿಷಯತ್‍ನ ಎಕ್ಕಾಲು ಅಯಿಂಗಕ್ ನೀನ್ ಞಾಪಕ ಮಾಡಿಯಂಡಿರ್. ಒಂದಾಂಗು ಪ್ರಯೋಜನವಿಲ್ಲತ ಪಿಂಞ ಕ್‍ೕಪಯಿಂಗಳ ಪಾಳ್ ಮಾಡ್‌ವಂತ ಅರ್ಥ ಇಲ್ಲತ ತಕ್ಕ್‌ಲ್ ಮಾಡ್‌ವ ತರ್ಕತ್‍ನ ಮಾಡತನೆಕೆ, ದೇವಡ ಮಿಂಞತ್ ಅಯಿಂಗಕ್ ಎಚ್ಚರ ಮಾಡ್.

2 ತಿಮೊಥೆಯ 2:16

ಈ ಲೋಕತ್‍ರ ಒರ್ ಪ್ರಯೋಜನವಿಲ್ಲತ ಹರಟೆ ತಕ್ಕ್‌ಕ್ ದೂರ ಇರ್. ಎನ್ನಂಗೆಣ್ಣ್‌ಚೇಂಗಿ ಅನ್ನನೆ ಹರಟೆ ತಕ್ಕ್‌ಲ್ ಪಾಲ್‍ದಾರಂಗಳಾಪಯಿಂಗ ದೇವಡಯಿಂಜ ದುಂಬ ದೂರ ಪೋಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:9

ಬುದ್ದಿಯಿಲ್ಲತ ತರ್ಕ, ವಂಶಾವಳಿರ ವಿಷಯತ್‍ರ ತರ್ಕ, ಜಗಳ ಮಾಡ್‍ವದ್ ಪಿಂಞ ನ್ಯಾಯಪ್ರಮಾಣಕ್ ಒಳಪಡಂಡೂಂದ್ ಎಣ್ಣುವ ವಿಷಯತ್‍ರ ಚರ್ಚೆನೆಲ್ಲ ನಿಪ್ಪ್‌ಚಿಡ್. ಇನ್ನನೆ ಮಾಡ್‌ವಗುಂಡ್ ಒರ್ ಪ್ರಯೋಜನ ಇಲ್ಲತದು ಒರ್ ನಲ್ಲದ್ ಮಾಡ್‌ವಕ್ ಕಯ್ಯತದು ಆಯಿತುಂಡ್.

ಯಾಕೋಬ 4:1

ನಿಂಗಡಲ್ಲಿ ಎನ್ನಂಗಾಯಿತ್ ಯುದ್ದ ಮಾಡ್‌ವಿರ? ಜಗಳ ಮಾಡ್‌ವಿರ? ನಿಂಗಡ ಶರೀರತ್‌ನ ಅದಿಕಾರ ಮಾಡ್‌ವಕಾಯಿತ್ ನಿಂಗಡಲ್ಲಿ ಯುದ್ದ ಮಾಡ್‌ವ ಇಚ್ಛೆರಗುಂಡಲ್ಲ?