2 ಥೆಸಲೊನೀಕ 3:10 - ಕೊಡವ ಬೈಬಲ್

¹⁰ ಒಬ್ಬಂಗ್ ಕೆಲಸ ಮಾಡ್‌ವಕ್ ಮನಸ್ಸ್ ಇಲ್ಲತಪೋಚೇಂಗಿ, ಅಂವೊ ಉಂಬಕ್ಕಾಗಾಂದ್ ನಂಗ ನಿಂಗಡ ಕೂಡೆ ಇಪ್ಪಕ್ ಸಹ ಈ ಕಾನೂನ್‌ನ ಎಣ್ಣಿ ತಂದಿಯೆ.

2 ಥೆಸಲೊನೀಕ 3:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:19

ನಿನ್ನ ಮಣ್ಣ್‌ಂಜ ಎಡ್‌ತಾಂಗ್, ನೀನ್‌ ಮಣ್ಣ್‌ಕ್ ಪೋಪಕತ್ತನೆ ಬೆವರ್‌ ಸುರಿಸಿಯಂಡ್‌ ನೀಕ್‌ ಉಂಬಕುಳ್ಳದ್‌ನ ಸಂಪಾದನೆಮಾಡ್‌ವಿಯ. ನೀನ್‌ ಮಾಣ್ಣಾಯಿತ್‌ ಉಳ್ಳಿಯ, ಮಣ್ಣ್‌ಕೇ ಪೋಪಿಯಾಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 13:4

ಸೋಮಾರಿ ಕುಶಿಪಡುವ ಏದು ಅಂವೊಂಗ್‌ ಕ್‌ಟ್ಟುಲೆ. ಎಚ್ಚರತ್‌ಲ್‌ ಬದ್‌ಕ್ಕುವಯಿಂಗ ಅಬಿವೃದ್ದಿ ಪೊಂದುವ.

ಜ್ಞಾನತ್‌ರ ಪಡಿಮ 20:4

ಸೋಮಾರಿಯಾನಂವೊ ಕುಳ್‌ರ್ ಎಣ್ಣಿಯಂಡ್‌ ಸೆರಿಯಾನ ಕಾಲತ್‌ ಉಪ್ಪ್‌ಲೆ. ಕೊಯ್ಯಿಪಣಿರ ಕಾಲತ್‌ ಬೋಡ್‌ಚೇಂಗಿಯು ಅಂವೊಂಗ್‌ ಒಂದು ಕ್‌ಟ್ಟುಲೆ.

ಜ್ಞಾನತ್‌ರ ಪಡಿಮ 21:25

ಸೋಮಾರಿರ ದಂಡ್‌ ಕೈಯು ಕೆಲಸ ಮಾಡುವಕ್‌ ಒತ್ತತೆ ಪೋನಗುಂಡ್‌ ಅಂವೊಂಡ ಆಸೆ ಅಂವೊನ ಕೊಲ್ಲುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 16:4

ಇನ್ನನೆಲ್ಲಾ ಆಪಕ, ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೇಂದ್ ನಿಂಗಕ್ ಗೇನ ಆಪಕಾಯಿತ್ ನಾನ್ ಇಕ್ಕ ಎಣ್ಣಿಯೆ; ನಾನ್ ನಿಂಗಡ ಕೂಡೆ ಸುರುಯಿಂಜಲೇ ಇಂಜಾಂಗ್, ಇದ್‍ನೆಲ್ಲಾ ಅಕ್ಕ ಎಣ್ಣಿತ್‌ಲ್ಲೆ.

ಅಪೊಸ್ತಲ 20:18

ಅಯಿಂಗ ಬಂದ ಪಿಂಞ, ಪೌಲ ಅಯಿಂಗಳ ನೋಟಿತ್: ನಾನ್ ಆಸ್ಯ ಸೀಮೆಲ್ ಬಂದ ಕಾಲತ್ಂಜ ಇಲ್ಲಿಕತ್ತನೆ ನಿಂಗಡ ಮದ್ಯತ್‍ಲ್ ಎನ್ನನೆ ಇಂಜ್‍ೕಂದ್ ನಿಂಗಕ್ ಗೊತ್ತುಂಡ್.

1 ಥೆಸಲೊನೀಕ 3:4

ನಂಗ ನಿಂಗಡ ಕೂಡೆ ಇಪ್ಪಕ, ಅಯಿಂಗ ನಂಗಳ ಹಿಂಸೆ ಮಾಡ್‌ವಾಂದ್ ನಿಂಗಕ್ ಎಣ್ಣಿಯಂಡಿಂಜತ್; ಅದ್ ಅನ್ನನೆ ಆಚೀಂದ್ ನಿಂಗಕ್ ಗೊತ್ತಾಚಿ.

1 ಥೆಸಲೊನೀಕ 4:11

ಇದ್ ನಿಂಗಡ ನೋಕವಾಯಿತ್ ಇರಂಡು. ನಿಂಗ ಸಮಾದಾನತ್‍ರ ಬದ್‍ಕ್ ಬದ್‍ಕ್‍ವಕ್, ಪೊರಮೆ ಉಳ್ಳಯಿಂಗಡ ಬದ್‍ಕ್‍ರ ವಿಷಯತ್ ನುಗ್ಗ್‌ವಕ್ಕಾಗ. ನಿಂಗ ನಿಂಗಡ ಸ್ವಂತ ಕೆಲಸ ಮಾಡಂಡೂಂದ್ ನಿಂಗಕ್ ನಂಗ ಮಿಂಞಲೇ ಎಣ್ಣಿತುಂಡ್.

2 ಥೆಸಲೊನೀಕ 2:5

ನಾನ್ ನಿಂಗಡ ಕೂಡೆ ಇಪ್ಪಕಾಪಕ, ನಿಂಗಕ್ ಈ ವಿಷಯ ಎಣ್ಣ್‌ನದ್ ನಿಂಗಕ್ ಗೇನ ಇಲ್ಲೆಯಾ?