2 ಥೆಸಲೊನೀಕ 2:5 - ಕೊಡವ ಬೈಬಲ್

⁵ ನಾನ್ ನಿಂಗಡ ಕೂಡೆ ಇಪ್ಪಕಾಪಕ, ನಿಂಗಕ್ ಈ ವಿಷಯ ಎಣ್ಣ್‌ನದ್ ನಿಂಗಕ್ ಗೇನ ಇಲ್ಲೆಯಾ?

2 ಥೆಸಲೊನೀಕ 2:5 ပူးပေါင်းရင်းမြစ်များ

ಮತ್ತಾಯ 16:9

ಇಂಞು ನಿಂಗಕ್ ಗೊತ್ತ್‌ಲ್ಲೆಯಾ? ನಾಡ ಪಕ್ಕ ಇಂಜ ಅಂಜ್ ಒಟ್ಟಿನ ಅಂಜ್ ಆಯಿರ ಜನಕ್ ನಾನ್ ಕೊಡ್‌ತಿತ್‌ಲ್ಲೆಯಾ? ಅಲ್ಲಿಂಜ ಎಚ್ಚಕ್ ಕುಕ್ಕೆ ಒಟ್ಟಿ ಬಾಕಿ ಇಂಜತ್?

ಮಾರ್ಕ 8:18

ನಿಂಗಕ್ ಕಣ್ಣ್ ಇಂಜಿತು ಕಾಂಬ್‌ಲೆಯಾ? ನಿಂಗಕ್ ಕೆಮಿ ಇಂಜಿತು ಕ್‍ೕಪ್‌ಲೆಯಾ? ನಿಂಗ ಮರ್ಂದ್ ಪೋಯಿತುಳ್ಳಿರಾ?

ಯೋಹಾನ 16:4

ಇನ್ನನೆಲ್ಲಾ ಆಪಕ, ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೇಂದ್ ನಿಂಗಕ್ ಗೇನ ಆಪಕಾಯಿತ್ ನಾನ್ ಇಕ್ಕ ಎಣ್ಣಿಯೆ; ನಾನ್ ನಿಂಗಡ ಕೂಡೆ ಸುರುಯಿಂಜಲೇ ಇಂಜಾಂಗ್, ಇದ್‍ನೆಲ್ಲಾ ಅಕ್ಕ ಎಣ್ಣಿತ್‌ಲ್ಲೆ.

ಅಪೊಸ್ತಲ 20:31

ಆನಗುಂಡ್, ನಾನ್ ಮೂಂದ್ ಕಾಲ ಪೊಲಾಕ ಬಯಿಟ್ ಕಣ್ಣೀರ್ ಇಟ್ಟಂಡ್ ಎಡೆಬುಡತೆ ಪ್ರತಿಯೊಬ್ಬಂಗ್ ಬುದ್ದಿ ಎಣ್ಣಿಯಂಡ್ ಇಂಜದ್‍ನ ನಿಂಗ ಗೇನ ಬೆಚ್ಚಂಡ್ ಎಚ್ಚಾರವಾಯಿತಿರಿ.

ಗಲಾತ್ಯ 5:21

ಪೊರಾಮೆ, ಕುಡಿ, ಕೂಟ್‌ಕಳಿ ಪಿಂಞ ಬೋರೆ ಬೋರೆ ಕೆಟ್ಟ ಕಾರ್ಯ. ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ. ಈ ತರ ಮಾಡ್‌ವಯಿಂಗಕ್, ದೇವ ಅಂವೊಂಡ ಮಕ್ಕಕ್ ಕೊಡ್‍ಪಾಂದ್ ಎಣ್ಣ್‌ನ ದೇವಡ ರಾಜ್ಯತ್‍ನ ಕೊಡ್‍ಪ್‍ಲೆ.

1 ಥೆಸಲೊನೀಕ 2:11

ಒರ್ ಅಪ್ಪ ತಾಂಡ ಸ್ವಂತ ಮಕ್ಕಳ ಎನ್ನನೆ ನಡ್‍ತ್‍ವ, ಅನ್ನನೆ ನಂಗ ನಿಂಗಳ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್.

1 ಥೆಸಲೊನೀಕ 3:4

ನಂಗ ನಿಂಗಡ ಕೂಡೆ ಇಪ್ಪಕ, ಅಯಿಂಗ ನಂಗಳ ಹಿಂಸೆ ಮಾಡ್‌ವಾಂದ್ ನಿಂಗಕ್ ಎಣ್ಣಿಯಂಡಿಂಜತ್; ಅದ್ ಅನ್ನನೆ ಆಚೀಂದ್ ನಿಂಗಕ್ ಗೊತ್ತಾಚಿ.

2 ಥೆಸಲೊನೀಕ 2:6

ಆಚೇಂಗಿಯು, ಅಂವೊ ಪೊರಮೆ ಬಪ್ಪಕ್ ಕಯ್ಯತನೆಕೆ, ಇಕ್ಕ ಅಂವೊನ ತಡೆ ಮಾಡ್‍ವದ್ ಎಂತದ್‍ೕಂದ್ ನಿಂಗಕ್ ಗೊತ್ತುಂಡಲ್ಲ. ಆಚೇಂಗಿ, ಅಂವೊ ಕಂಡಿತವಾಯಿತ್ ತಕ್ಕ ಸಮಯತ್‍ಲ್ ಪೊರಮೆ ಬಪ್ಪ.

2 ಥೆಸಲೊನೀಕ 3:10

ಒಬ್ಬಂಗ್ ಕೆಲಸ ಮಾಡ್‌ವಕ್ ಮನಸ್ಸ್ ಇಲ್ಲತಪೋಚೇಂಗಿ, ಅಂವೊ ಉಂಬಕ್ಕಾಗಾಂದ್ ನಂಗ ನಿಂಗಡ ಕೂಡೆ ಇಪ್ಪಕ್ ಸಹ ಈ ಕಾನೂನ್‌ನ ಎಣ್ಣಿ ತಂದಿಯೆ.

2 ಪೇತ್ರ 1:15

ಆನಗುಂಡ್, ನಾನ್ ಈ ಲೋಕತ್ಂಜ ಪೋನ ಪಿಂಞ ನಿಂಗ ಇದ್‍ನೆಲ್ಲಾ ಗೇನತ್‍ಲ್ ಬೆಚ್ಚಂಡಿಪ್ಪಕಾಯಿತ್ ಪ್ರಯತ್ನಪಟ್ಟಂಡುಂಡ್.