2 ಥೆಸಲೊನೀಕ 2:16 - ಕೊಡವ ಬೈಬಲ್

¹⁶ ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

2 ಥೆಸಲೊನೀಕ 2:16 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25

ಅಕ್ಕ ಅಬ್ರಹಾಮ: ಮೋಂವೊನೇ, ನೀಕ್ ಬೋಂಡಿಯಾನ ಸುಕತ್‌ನ ನೀಡ ಜೀವಮಾನತ್‌ಲೆ ಅನುಬವಿಚಿಟ್ಟಿತ್ತುಳ್ಳಿಯ. ಅಕ್ಕ ಲಾಜರ ಕಷ್ಟಪಟ್ಟಂಡಿಂಜದ್‍ನ ನೀಕ್ ಗೇನ ಇಲ್ಲೆಯಾ? ಇಕ್ಕ ಲಾಜರಂಗ್ ಸುಕ, ನೀಕ್ ಕಷ್ಟ.

ಯೋಹಾನ 13:1

ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ.

ಯೋಹಾನ 15:13

ಒಬ್ಬ ತಾಂಡ ಸ್ನೇಹಿತಂ‌ಗಾಯಿತ್ ಪ್ರಾಣತ್‍ನ ಕೊಡ್‍ಪ ಪ್ರೀತಿಗಿಂಜ ಬಲ್ಯ ಪ್ರೀತಿ ಬೋರೆ ಒಂದು ಇಲ್ಲೆ.

ಯೋಹಾನ 15:9

ಅಪ್ಪ ನನ್ನ ಪ್ರೀತಿ ಮಾಡ್‌ವನೆಕೆ, ನಾನು ನಿಂಗಳ ಪ್ರೀತಿ ಮಾಡ್‌ವಿ; ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇರಿ.

ಯೋಹಾನ 16:22

ಅನ್ನನೆ, ನಿಂಗ ಇಕ್ಕ ಬೇಜಾರತ್‍ಲ್ ಉಳ್ಳಿರ, ಚೆನ್ನ ಕಾಲ ಆನ ಪಿಂಞ ನಾನ್ ಪುನಃ ನಿಂಗಳ ಕಾಂಬಿ. ಅಕ್ಕ ನಿಂಗಡ ಹೃದಯ ಸಂತೋಷತ್‌ಲ್ ದುಂಬುವ, ಆ ಸಂತೋಷತ್‌ನ ನಿಂಗಡಯಿಂಜ ದಾರ್‌ಕು ಎಡ್‍ಪಕ್ ಕಯ್ಯುಲೆ.

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ಯೋಹಾನ 4:14

ಆಚೇಂಗಿ, ನಾನ್ ತಪ್ಪ ನೀರ್‌ನ ಕುಡಿಪಯಿಂಗಕ್ ಒರ್‌ಕಾಲು ಬಾಯಾರಿಕೆ ಆಪುಲೆ; ನಾನ್ ಅಯಿಂಗಕ್ ಕೊಡ್‍ಪ ನೀರ್ ಅಯಿಂಗಡ ಹೃದಯತ್‍ಲ್ ನಿತ್ಯ ಜೀವಕಾಯಿತ್ ಉಕ್ಕಿ ಬಂದಂಡಿಪ್ಪ ಜಲವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 15:11

ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯಿಂಜ ನಂಗಕ್ ಎನ್ನನೆ ರಕ್ಷಣೆ ಕ್‍ಟ್ಟ್‌ಚೋ ಅನ್ನನೆ ಅಯಿಂಗಕು ರಕ್ಷಣೆ ಕ್‍ಟ್ಟ್‌ಚೀಂದ್ ನಂಗ ನಂಬುವಾಂದ್ ಎಣ್ಣ್‌ಚಿ.

ಅಪೊಸ್ತಲ 18:27

ಅಲ್ಲಿಂಜ ಅಖಾಯ ಪ್ರಾಂತ್ಯಕ್ ಪೋಂಡೂಂದ್ ಅಂವೊ ಗೇನ ಮಾಡ್‌ವಕ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಅಂವೊಂಗ್ ಪುರ್‌ಡ್ ಕೊಡ್‍ತತ್. ಈಂಗ ಅಖಾಯ ಪ್ರಾಂತ್ಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗ, ಇಂವೊನ ಸ್ವೀಕಾರ ಮಾಡ್‌ವಕಾಯಿತ್, ಕಾಗದ ಒಳ್‍ದಿ ಕೊಡ್‍ತತ್. ಅನ್ನನೆ ಇಂವೊ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿ ದೇವಡ ಕೃಪೇರಗುಂಡ್ ನಂಬ್‍ನಯಿಂಗಕ್ ದುಂಬ ಪ್ರಯೋಜನವಾಯಿತ್ಂಜತ್.

ರೋಮ್ 1:7

ದೇವ ನಿಂಗಳ ಪ್ರೀತಿ ಮಾಡಿತ್, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ಕಾಕ್‍ಚಿ. ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

ರೋಮ್ 4:16

ಆನಗುಂಡ್, ಬಾದ್ಯತೆ ಕೃಪೆಯಿಂಜ ಬಪ್ಪನೆಕೆ ಅದ್ ನಂಬಿಕೇರ ಮೂಲಕ ಬಾತ್; ನ್ಯಾಯಪ್ರಮಾಣಕ್ ಕೂಡ್‍ನ ಸಂತಾನಕಾರಂಗಕ್ ಮಾತ್ರ ಅಲ್ಲತೆ, ನಂಗ ಎಲ್ಲಾರ್‌ಕು ಅಪ್ಪನಾನ ಅಬ್ರಹಾಮಂಡ ನಂಬಿಕೇಕ್ ಕೂಡ್‍ನ ಎಲ್ಲಾ ಸಂತಾನಕಾರಂಗಕು ಆ ವಾಗ್ದಾನ ಕಂಡಿತವಾಯಿತ್ ಬಂದಂಡುಂಡ್.

ರೋಮ್ 4:4

ಕ್ರಿಯೆ ಮಾಡ್‌ವಂವೊಂಗ್ ಕ್‍ಟ್ಟುವ ಕೂಲಿನ ಕೃಪೇಂದ್ ಎಣ್ಣುಲೆ, ಆಚೇಂಗಿ ಅದ್‍ನ ಅಂವೊಂಗ್ ಕೊಡ್‌ಪಕುಳ್ಳದ್‍ೕಂದ್ ಎಣ್ಣುವ.

ರೋಮ್ 5:8

ಆಚೇಂಗಿ, ನಂಗ ಪಾಪಿಯಳಾಯಿತ್ ಇಪ್ಪಕಲೆ ಕ್ರಿಸ್ತ ನಂಗಕಾಯಿತ್ ಚತ್ತಗುಂಡ್, ಅದ್, ದೇವ ನಂಗಡ ಮೇಲೆ ಬೆಚ್ಚಿತ್ಂಜ ಪ್ರೀತಿನ ಕಾಟುವ.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

ಎಫೆಸ 5:25

ವಡಿಯಂಗಳೇ, ನಿಂಗ ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು, ಕ್ರಿಸ್ತ ಸಹ ಅನ್ನನೆ ಸಬೇನ ಪ್ರೀತಿ ಮಾಡಿತ್, ಅಂವೊನೇ ಅವಕಾಯಿತ್ ತಾಂಡ ಜೀವತ್‍ನ ಕೊಡ್‍ತತ್.

ಕೊಲೊಸ್ಸೆ 1:23

ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.

ಕೊಲೊಸ್ಸೆ 1:5

ನೇರಾನ ಸುದ್ದಿಯಾನ ದೇವಡ ನಲ್ಲ ಸುದ್ದಿ ನಿಂಗಡ ಪಕ್ಕ ಆದ್ಯವಾಯಿತ್ ಬಂದಿತ್ ನಿಂಗಕ್ ಗೊತ್ತಾನ ಕಾಲತ್ಂಜ, ನಿಂಗ ಇನ್ನನೆ ಮಾಡಿಯಂಡ್, ನಿಂಗಕಾಯಿತ್ ಪರಲೋಕತ್‍ಲ್ ಬದ್ರವಾಯಿತ್ ಬೆಚ್ಚಿತುಳ್ಳ ನಿರೀಕ್ಷೆಕಾಯಿತ್ ಪಾರಕಾತಂಡ್ ಉಳ್ಳಿರ.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

1 ಥೆಸಲೊನೀಕ 3:11

ನಂಗ ಎಲ್ಲಾಡ ಅಪ್ಪನಾನ ದೇವ ಪಿಂಞ ನಂಗ ಎಲ್ಲಾಡ ಒಡೆಯನಾನ ಯೇಸು ಕ್ರಿಸ್ತ ನಿಂಗಡ ಪಕ್ಕ ಬಪ್ಪಕಾಯಿತ್ ನಂಗಕ್ ಬಟ್ಟೆ ಕಾಟಿತರಡ್.

2 ಥೆಸಲೊನೀಕ 2:13

ಒಡೆಯಂಡ ಪ್ರೀತಿರ ಅಣ್ಣತಮ್ಮಣಂಗಳೇ, ದೇವ ನಿಂಗಳ ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ಬೋರೆ ಮಾಡಿತ್, ಶುದ್ದ ಮಾಡ್‍ನಗುಂಡ್ ಪಿಂಞ ನಿಂಗ ಸತ್ಯತ್‍ನ ನಂಬ್‍ನಗುಂಡ್ ನಿಂಗಕ್ ರಕ್ಷಣೆ ಕ್‍ಟ್ಟುವನೆಕೆ ಅಂವೊ ಮಾಡ್‍ಚಿ. ಅನ್ನನೆ ಅಂವೊ ಈ ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನಿಂಗಳ ಗೊತ್ತ್ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಕ್ ನಂಗ ಎಕ್ಕಾಲು ವಂದನೆ ಮಾಡ್‌ವಕ್ ನಂಗ ಜವಾಬ್ದಾರಂಗಳಾಯಿತ್ ಉಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಇಬ್ರಿಯ 7:19

ನ್ಯಾಯಪ್ರಮಾಣ ಒರ್ ವಿಷಯತ್‍ನ ಕೂಡೆ ಪೂರ್ತಿ ಮಾಡ್‌ವಕಿಂಜಿಲೆ. ಆಚೇಂಗಿ, ಅದ್ಂಗಿಂಜ ಬಲ್ಯ ನಿರಿಕ್ಷೇರ ನಂಬಿಕೆ ಪೂರ್ತಿ ಮಾಡ್‌ವಕಾಯಿತ್ ಇಕ್ಕ ಕ್‍ಟ್ಟ್‌ಚಿ. ಅದ್ಂಡ ಮೂಲಕ ನಂಗ ದೇವಡ ಪಕ್ಕ ಪೋಯಂಡುಂಡ್.

1 ಯೋಹಾನ 3:16

ಕ್ರಿಸ್ತ ನಂಗಕಾಯಿತ್ ತಾಂಡ ಜೀವತ್‍ನ ತಂದಗುಂಡ್, ಪ್ರೀತಿ ಎಣ್ಣುವದ್ ಎಂತದ್‍ೕಂದ್ ನಂಗಕೆಲ್ಲ ಗೊತ್ತಾಚಿ. ಆನಗುಂಡ್ ನಂಗಳು ಸಹ ನಂಗಡ ಅಣ್ಣತಮ್ಮಣಂಗಕಾಯಿತ್ ಜೀವತ್‍ನ ಕೊಡ್‍ಕಂಡು!

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 22:5

ಅಲ್ಲಿ ಬಯಿಟ್ ಎಣ್ಣುವದ್ ಇಪ್ಪದೇ ಇಲ್ಲೆ; ಅಯಿಂಗಕ್ ಬೊಳ್‍ಚತ್‍ರ ಬೊಳಿ ಅಥವ ಸೂರ್ಯಂಡ ಬೊಳಿ ಬೋಂಡ. ಎನ್ನಂಗೆಣ್ಣ್‌ಚೇಂಗಿ, ಒಡೆಯನಾನ ದೇವ ಅಯಿಂಗಕ್ ಬೊಳಿಯಾಯಿತ್‌ಪ್ಪ. ಅಯಿಂಗ ಯುಗ ಯುಗಕ್ ರಾಜ್ಯಬಾರ ಮಾಡ್‌ವ.

ಪ್ರಕಟನೆ 3:9

ಇದಾ, ಯೆಹೂದ್ಯ ಅಲ್ಲತಯಿಂಗಳಾಯಿತ್ ಇಂಜತೇಂಗಿಯು ಯೆಹೂದ್ಯಂಗಾಂದ್ ಪೊಟ್ಟ್ ಪರ್ಂದಂಡುಳ್ಳ ಸೈತಾನಂಡ ಸಬಾಮಂದಿರಕ್ ಕೂಡ್‍ನ ಚೆನ್ನ ಜನಳ ನೀಕ್ ತಪ್ಪಿ; ಇದಾ, ಅಯಿಂಗ ನೀಡ ಕಾಲ್‌ಕ್ ಬೂವನೆಕೆ ನಾನ್ ಮಾಡ್‌ವಿ. ನಾನ್ ನಿನ್ನ ಪ್ರೀತಿ ಮಾಡಿಯಂಡುಳ್ಳ್‍ೕಂದ್ ಗೊತ್ತಾಪನೆಕೆ ಇನ್ನನೆ ಮಾಡ್‌ವಿ.