2 ಪೇತ್ರ 3:7 - ಕೊಡವ ಬೈಬಲ್

⁷ ಇಕ್ಕ ಉಳ್ಳ ಬಾನವು, ಬೂಮಿಯು, ಆ ತಕ್ಕ್‌ರಗುಂಡ್, ತಿತ್ತ್‌ಕಾಯಿತ್ ಬೆಚ್ಚಿತುಂಡ್, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟಿತ್ ನಾಶ ಆಪಕತ್ತನೆ ಬದ್ರವಾಯಿತ್ ಅದ್‍ನ ಕಾಪಾಡಿಯಂಡುಂಡ್.

2 ಪೇತ್ರ 3:7 ပူးပေါင်းရင်းမြစ်များ

ಮಲಾಕಿ 4:1

ಇದಾ, ಕಡಾಯ ತೊಲೆ ತಿತ್ತ್‌ಲ್‌ ಕತ್ತ್‌ವನೆಕೆ ಒರ್‌ ದಿವಸ ಬಪ್ಪ. ಅಕ್ಕ ಆಂಗಾರಿಯ ಎಲ್ಲಾರು, ವಂಚನೆ ಮಾಡುವಯಿಂಗ ಎಲ್ಲಾರು ಒಣಂಗ್‌ನ ಎಲ್ಕಂಡರನೆಕೆ ಇಪ್ಪ. ಬಪ್ಪ ಆ ದಿವಸ ಅಯಿಂಗಳ ಚುಟ್ಟ್‌ರ್‌ವ. ಅದ್‌ ಬೇರ್‌ ಪಿಂಞ ಕೊಂಬ್‌ನ ಸತ ಅಯಿಂಗಕ್‌ ಉಳಿಕೆ ಮಾಡುಲೆ.

ಮತ್ತಾಯ 10:15

ದೇವ ತೀರ್ಪ್ ತಪ್ಪ ದಿವಸತ್‍ಲ್, ಈ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ, ಸೊದೋಮ್ ಗೊಮೋರ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತಿಪ್ಪಾಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 11:22

ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ, ದೇವ ತೀರ್ಪ್ ತಪ್ಪ ದಿವಸತ್‍ಲ್ ನಿಂಗಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ ತೀರ್ ಸೀದೋನ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತ್‌ಪ್ಪ.

ಮತ್ತಾಯ 11:24

ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ: ದೇವ ತೀರ್ಪ್ ತಪ್ಪ ದಿವಸತ್‍ಲ್ ನಿಂಗಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ ಸೊದೋಮ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತ್‌ಪ್ಪ.

ಮತ್ತಾಯ 12:36

ಮನುಷ್ಯ ಪರಿಯುವ ಓರೋರ್ ಪ್ರಯೋಜನ ಇಲ್ಲತ ತಕ್ಕ್‌ಕೂ ದೇವ ತೀರ್ಪ್ ಮಾಡ್‌ವ ದಿವಸತ್‍ಲ್ ಲೆಕ್ಕ ಕೊಡ್‍ಕಂಡೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 24:35

ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮಾರ್ಕ 6:11

ನಿಂಗ ಒರ್ ಊರ್‌ಕ್ ಪೋನಕ ನಿಂಗಳ ಸ್ವಾಗತ ಮಾಡತ ಅಥವ ನಿಂಗ ಮಾಡ್‍ನ ಬೋದನೆನ ಕ್‍ೕಕತೆ ಪೋಚೇಂಗಿ, ನಿಂಗಡ ಕಾಲ್‌ಲ್ ಉಳ್ಳ ದೂಳ್‍ನ ಕೊಡ್‌ಕ್‌ವಂಜಿ ಬಾರಿ, ಅಯಿಂಗಕ್ ಅದ್ ಒರ್ ಎಚ್ಚರಿಕೆ ಕೊಡ್‍ತನೆಕೆ ಆಪ.

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

ರೋಮ್ 2:5

ಆಚೇಂಗಿ, ನಿಂಗಡ ಕಠಿಣ ಹೃದಯತ್‍ರಗುಂಡ್ ಪಿಂಞ ವಾಸಿ ಆಕತ ಹೃದಯತ್‍ರಗುಂಡ್, ನೀತಿಯುಳ್ಳ ತೀರ್ಪ್ ತಪ್ಪ ದೇವಡ ಬಲ್ಯ ಚೆಡಿರ ದಿವಸತ್‍ಲ್, ನಿಂಗ ನಿಂಗಕಾಯಿತ್ ದೇವಡ ಬಲ್ಯ ಚೆಡಿನ ಕೂಟಿ ಬೆಚ್ಚಂಡುಳ್ಳಿರಲ್ಲ?

1 ಕೊರಿಂಥ 3:13

ಆಚೇಂಗಿ ಕ್ರಿಸ್ತಂಡ ದಿವಸತ್‍ಲ್ ತಿತ್ತ್‌ರ ಮೂಲಕ ಒಬ್ಬೊಬ್ಬನು ಎಚ್ಚಕ್ ಚಾಯಿ ಕೆಟ್ಟ್‌ಚೀಂದ್ ಗೊತ್ತಾಪ. ಎನ್ನಂಗೆಣ್ಣ್‌ಚೇಂಗಿ ತಿತ್ತ್ ಅದ್‍ನ ಕಾಂಬ್‌ಚಿಡುವ. ಒಬ್ಬೊಬ್ಬಂಡ ಕಾರ್ಯತ್‍ನ ತಿತ್ತ್ ಪರೀಕ್ಷ ಮಾಡ್‌ವ.

ಫಿಲಿಪ್ಪಿ 1:28

ನಿಂಗ ಶತ್ರುವಕ್ ಏದ್ ರೀತಿಲು ಬೊತ್ತತಿ, ಎಕ್ಕಾಲು ದೈರ್ಯತ್‍ಲ್ ಇರಿ, ಅದ್ ಅಯಿಂಗ ನಾಶ ಆಪಕ್ ಗುರ್‌ತಾಯಿತ್ ಇಪ್ಪ. ಆಚೇಂಗಿ ನಿಂಗಕ್ ದೇವನಗುಂಡೇ ರಕ್ಷಣೆ ಕ್‍ಟ್ಟುವ.

2 ಥೆಸಲೊನೀಕ 2:3

ಈ ವಿಷಯತ್‍ಲ್ ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್‍ಲ್ ಇರಂಡು; ಎನ್ನಂಗೆಣ್ಣ್‌ಚೇಂಗಿ, ದೇವಕ್ ವಿರೋದ ಮಾಡಿತ್ ಜನ ದಂಗೆ ಮಾಡಿತ್, ಪಾಳಾಯಿ ಪೋಪಕಾಯಿತ್ ಪುಟ್ಟ್‌ನ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕತ್ತನೆ, ಆ ದಿವಸ ಬಪ್ಪುಲೆ.

1 ತಿಮೊಥೆಯ 6:9

ಪಣಕಾರಂಗಳಾಂಡೂಂದ್ ಆಸೆ ಉಳ್ಳಯಿಂಗ ಸೋದನೆರ ಕೆಣಿಕ್ ಚಿಕ್ಕಿತ್, ಅಯಿಂಗ, ಮನುಷ್ಯಂಗಳ ಕ್‍ೕಡಾನ, ಪಾಳಾನ ಕುಂಡ್‍ಲ್ ಬೂವನೆಕೆ ಮಾಡ್‌ವ, ಬೆಲೆಯಿಲ್ಲತ ಪಿಂಞ ಪಾಳಾನ ಇಚ್ಛೆಲ್ ಬುದ್ದ್ ಪೋಪ.

ಇಬ್ರಿಯ 12:29

ನಂಗಡ ದೇವ ಕತ್ತ್‌ಚಿಡುವ ತಿತ್ತಾಯಿತ್ ಉಂಡ್.

2 ಪೇತ್ರ 2:9

ಅನ್ನನೆ ಆಚೇಂಗಿ, ಬಕ್ತಿಯುಳ್ಳಯಿಂಗಳ ಅಯಿಂಗಕ್ ಬಪ್ಪ ಸೋದನೆಯಿಂಜ ಕಾಪಾಡ್‌ವಕು, ಅನೀತಿಯಾನಯಿಂಗಳ ನ್ಯಾಯತೀರ್ಪ್ ನಾಳ್‍ಕತ್ತನೆ ಶಿಕ್ಷೇಲ್ ಬೆಚ್ಚಿತ್‌ಪ್ಪಕು ಒಡೆಯಂಗ್ ಗೊತ್ತುಂಡ್.

2 ಪೇತ್ರ 3:10

ಒಡೆಯಂಡ ದಿವಸ ಒರ್ ಕಳ್ಳ ಬಪ್ಪನೆಕೆ ಬಪ್ಪ; ಬಲ್ಯ ಸದ್ದ್ ಕ್‍ೕಪ, ಅಕ್ಕ, ಪಂಚಬೂತಂಗ ಎಲ್ಲಾ ತಿತ್ತ್‌ರಗುಂಡ್ ಕತ್ತಿ ಪೋಪ, ಬಾನ ಕಾಂಗತೆ ಆಯಿಪೋಪ, ಬೂಮಿಯು ಅದ್‍ಲ್ ಉಳ್ಳ ಎಲ್ಲವೂ ಇಲ್ಲತ ಆಯಿಪೋಪ.

2 ಪೇತ್ರ 3:12

ಅನ್ನನೆ ನಿಂಗ ಬದ್‍ಕಿಯಂಡ್, ಅಂವೊಂಗಾಯಿತ್ ಎಲ್ಲಾನ ಮಾಡಿಯಂಡ್ ಪಾರಕಾತಂಡ್ ಇರಿ. ಅಕ್ಕ, ದೇವಡ ದಿವಸ ಬೆರಿಯ ಬಂದ್‍ರ್‍ವ; ಆ ದಿವಸತ್‍ಲ್ ಬಾನ ತಿತ್ತ್‌ಲ್ ಬೆಂಜಿತ್ ಪೋಪ ಅದ್ಂಡ ಉರಿಲ್ ಪಂಚಬೂತಂಗ ಎಲ್ಲಾ ಉರುಗಿ ಪೋಪ.

1 ಯೋಹಾನ 4:17

ನ್ಯಾಯತೀರ್ಪ್ ದಿವಸತ್‍ಲ್ ನಂಗ ಅಂವೊಂಡ ಮಿಂಞ ದೈರ್ಯತ್‍ಲ್ ನಿಪ್ಪಕ್ ದೇವಡ ಪ್ರೀತಿ ನಂಗಕ್ ದೈರ್ಯ ತಪ್ಪಗುಂಡ್, ಈ ಪ್ರೀತಿ ನಂಗಡೊಳ್‌ಲ್ ಇನ್ನನೆ ಪೂರ್ತಿ ಆಯಡುಂಡ್. ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ಲ್ ಕ್ರಿಸ್ತ ಎನ್ನನೆ ಇಂಜತೋ ಅದೇ ತರ ನಂಗಡ ಬದ್‌ಕು ಈ ಲೋಕತ್‍ಲ್ ಉಂಡ್.

ಯೂದ ಒಳ್‍ದ್‍ನ ಕಾಗದ 1:7

ಅನ್ನನೆ ಸೊದೋಮ್ ಗೊಮೋರ ಪಟ್ಟಣತ್‍ರ ಜನ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಇಂಜ ಪಟ್ಟಣತ್‍ರ ಜನಳು ಅಯಿಂಗಡನೆಕೆ ಲೈಂಗಿಕ ಪಾಪತ್‍ನ ಮಾಡಿತ್, ಮನುಷ್ಯಂಗಡ ಸರಿಯಾನ ಆಸೇನ ಅಯಿಂಗಡ ಆಸೆರನೆಕೆ ತಿರಿಕಿತ್ ಪೋಚಿ. ದೇವ ಈ ಪಟ್ಟಣತ್‍ನ ತಿತ್ತ್‌ಕ್ ಇಟ್ಟಿತ್ ನಾಶ ಮಾಡ್‍ಚಿ. ಅನ್ನನೆ ಈಂಗ ದೇವ ತಪ್ಪ ನಿತ್ಯ ತಿತ್ತ್‌ರ ದಂಡೆನೆಕ್ ಉದಾರಣೆಯಾಯಿತ್ ಉಂಡ್.

ಪ್ರಕಟನೆ 17:11

ಮಿಂಞ ಇಂಜದು, ಇಲ್ಲತ ಪೋನದುವಾಯಿತುಳ್ಳ ಆ ಮೃಗವೇ ಎಟ್ಟಣೆಂವೊನಾಯಿತುಂಡ್. ಅಂವೊ ಏಳ್ ರಾಜಂಗಡಲ್ಲಿಂಜ ಬಪ್ಪಂವೊನು, ನಾಶವಾಯಿ ಪೋಪಂವೊನು ಆಯಿತುಂಡ್.

ಪ್ರಕಟನೆ 17:8

ನೀನ್ ಕಂಡ ಮೃಗ ಮಿಂಞ ಇಂಜತ್, ಇಕ್ಕ ಇಲ್ಲೆ, ಅದ್ ಪಾತಾಳತ್ಂಜ ಕೊಡಿಕ್ ಪತ್ತಿತ್ ಬಂದಿತ್ ನಾಶ ಆಪ. ಲೋಕ ಸೃಷ್ಟಿ ಆನ ಕಾಲತ್ಂಜ ಜೀವ ಪುಸ್ತಕತ್‍ಲ್ ಪೆದ ಒಳ್‍ದತೆ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳ ಜನ, ಮಿಂಞ ಇಂಜದು, ಇಕ್ಕ ಇಲ್ಲತೆ ಪೋನದು, ಇಂಞು ಮಿಂಞಕ್ ಇಪ್ಪ ಮೃಗತ್‍ನ ನೋಟಿತ್ ಆಶ್ಚರ್ಯಪಡುವ.

ಪ್ರಕಟನೆ 20:11

ಅಲ್ಲಿಂಜ, ನಾನ್ ಬೊಳ್‍ತ ಸಿಂಹಾಸನತ್‍ನ, ಅದ್ಂಡಮೇಲೆ ಅಳ್‌ತಿತ್ ಉಳ್ಳಂವೊನ ಕಂಡಿಯೆ; ಅಂವೊಂಡ ಸನ್ನಿದಾನತ್ಂಜ ಬೂಮಿಯು ಬಾನವು ಕಾಂಗತೆ ಆಯಿಪೋಚಿ. ಅದ್ ಇಂಜ ಜಾಗ ಸಹ ಇಲ್ಲತೆ ಆಚಿ.

ಪ್ರಕಟನೆ 21:1

ಅಲ್ಲಿಂಜ ಪುದಿಯ ಬಾನ ಪಿಂಞ ಪುದಿಯ ಬೂಮಿನ ಕಂಡಿಯೆ; ಮಿಂಞತ್‍ರ ಬಾನ ಮಿಂಞತ್‍ರ ಬೂಮಿ ಇಲ್ಲತೆ ಆಯಿಪೋಚಿ; ಸಮುದ್ರ ಸಹ ಇಲ್ಲತೆ ಆಯಿಪೋಚಿ