2 ಪೇತ್ರ 3:5 - ಕೊಡವ ಬೈಬಲ್

⁵ ಆಚೇಂಗಿ, ಪಂಡ್ ಕಾಲತ್‍ಲ್ ದೇವ ಅಂವೊಂಡ ತಕ್ಕ್‌ರ ಮೂಲಕ ಬಾನತ್‍ನ ಮಾಡ್‍ಚೀಂದ್ ಪಿಂಞ ನೀರಿಂಜ ಈ ಬೂಮಿನ ಕೊಂಡ್ ಬಾತ್‍ೕಂದ್, ನೀರ್‌ಂಜಲೇ ಅದ್‍ನ ಬೋರೆ ಮಾಡ್‍ಚೀಂದ್ ಅಯಿಂಗ ಮರ್ಂದ್ ಪೋಚಿ.

2 ಪೇತ್ರ 3:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:6

ಅಲ್ಲಿಂಜ ದೇವ ನೀರ್‌ರ ಮದ್ಯತ್‌ಲ್‌ ಬಾನತ್‌ರ ಜಾಗ ಆಡ್‍ೕಂದ್‌ ಎಣ್ಣ್‌ಚಿ, ಅದಲ್ಲತೆ, ಆ ಬಾನತ್‌ರ ಜಾಗ ನೀರಿಂಜ ನೀರ್‌ನ ಬೋರೆ ಮಾಡಡ್‍ೕಂದ್‌ ಸಹ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 1:9

ಅಲ್ಲಿಂಜ ದೇವ: ಬಾನತ್‌ರ ಅಡಿಲ್‌ ಉಳ್ಳ ನೀರೆಲ್ಲಾ ಒರೇ ಜಾಗತ್‌ಲ್‌ ಕೂಡಿತ್‌ ಒಣಂಗ್‌ನ ನೆಲ ಕಾಂಗಡ್‍ೕಂದ್‌ ಎಣ್ಣ್‌ಚಿ. ಅದ್‌ ಅನ್ನನೆ ಆಚಿ.

ಜ್ಞಾನತ್‌ರ ಪಡಿಮ 17:16

ಜ್ಞಾನತ್‌ನ ಕ್ರಯಕ್‌ ಎಡ್‌ಪಕಾಯಿತ್‌ ಮೂಡಂಡ ಕೈಯಿಲ್‌ ದುಡ್ಡ್ ಎನ್ನಂಗ್? ಅದ್‌ಂಡ ವಿಷಯತ್‌ ಅಂವೊಂಗ್‌ ಮನಸ್ಸ್‌ ಇಲ್ಲೆಲ್ಲಾ.

ರೋಮ್ 1:28

ಅಯಿಂಗಕ್ ದೇವನ ಗೊತ್ತ್ ಮಾಡ್‌ವ ಬುದ್ದಿನ ಗೇನಮಾಡ್‌ವಕ್ ಕುಶಿಯಿಲ್ಲತಗುಂಡ್, ಮಾಡ್‌ವಕ್ಕಾಗತ ಕೆಟ್ಟ ಕೆಲಸತ್‍ನ ಮಾಡ್‌ವಕುಳ್ಳ ಗೇನಕ್ ದೇವ ಅಯಿಂಗಳ ಒಪ್ಪ್‌ಚಿಟ್ಟ್‌ರ್‌ತ್.

ಕೊಲೊಸ್ಸೆ 1:17

ಅಂವೊ ಎಲ್ಲಾಕಿಂಜ ಮಿಂಞ ಉಳ್ಳಂವೊನಾಯಿತ್, ಅಂವೊಂಡಲ್ಲಿಯೇ ಎಲ್ಲಾ ಒಂದಾಯಿತ್ ನಿಂದಂಡುಂಡ್.

ಇಬ್ರಿಯ 11:3

ನಂಬಿಕೇರ ಮೂಲಕ, ದೇವ ಈ ಲೋಕತ್‍ನ ಅಂವೊಂಡ ತಕ್ಕ್‌ರ ಮೂಲಕ ಸೃಷ್ಟಿ ಮಾಡ್‌ಚೀಂದು, ಅನ್ನನೆ ನಂಗಡ ಕಣ್ಣ್‌ಕ್ ಕಾಂಬ ವಿಷಯವೆಲ್ಲ, ಕಣ್ಣ್‌ಕ್ ಕಾಂಬಕಯ್ಯುವ ವಿಷಯತ್‍ರಗುಂಡ್ ಮಾಡಿತ್‌ಲ್ಲೇಂದು ನಂಗಕ್ ಗೊತ್ತುಂಡ್.