2 ಪೇತ್ರ 3:15 - ಕೊಡವ ಬೈಬಲ್

¹⁵ ನಂಗಡ ಒಡೆಯಂಡ ಬಲ್ಯ ತಾಳ್ಮೆನ, ಜನ ರಕ್ಷಣೆ ಆಪಕಾಯಿತ್‍ೕಂದ್ ಗೇನ ಮಾಡಂಡು; ನಂಗಡ ಪ್ರೀತಿರ ಅಣ್ಣ ಪೌಲನು, ದೇವ ಅಂವೊಂಗ್ ಕೊಡ್‍ತ ಜ್ಞಾನತ್‍ರನೆಕೆ, ಇನ್ನನೆ ನಿಂಗಕ್ ಒಳ್‍ದಿತುಂಡ್.

2 ಪೇತ್ರ 3:15 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:15

ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ.

ಅಪೊಸ್ತಲ 15:25

ಆನಗುಂಡ್ ನಂಗ ಎಲ್ಲಾರು ಒತ್ತಂಡ್ ತೀರ್ಮಾನ ಮಾಡಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದಕಾಯಿತ್ ತಂಗಡ ಜೀವತ್‍ನ ಅರ್ಪಿಚಿಟ್ಟಯಿಂಗಳು ನಂಗಡ ಪ್ರೀತಿರ ತಮ್ಮಣಂಗಳು ಆನ ಬಾರ್ನಬ ಪಿಂಞ ಪೌಲಂಡ ಕೂಡೆ,

ಅಪೊಸ್ತಲ 7:10

ಅಂವೊಂಗ್ ಬಂದ ಕಷ್ಟತ್ಂಜ ಬುಡ್‌ತಿತ್ ಐಗುಪ್ತ ದೇಶತ್‍ರ ರಾಜನಾನ ಫರೋಹನಂಡ ಮಿಂಞ ಅಂವೊಂಗ್ ನಲ್ಲರೆಕೆಯು ಜ್ಞಾನವು ಕೊಡ್‌ತಿತ್ ಆಶೀರ್ವಾದ ಮಾಡ್‍ಚಿ. ಫರೋಹನ ಅಂವೊನ ಐಗುಪ್ತ ದೇಶಕ್ ಪಿಂಞ ತಾಂಡ ಅರಮನೆಕ್ ಅದಿಕಾರಿಯಾಯಿತ್ ನೇಮಿಚಿಟ್ಟತ್.

ಅಪೊಸ್ತಲ 9:17

ಅಕ್ಕ ಅನನೀಯ ಪೊರಟಿತ್ ಸೌಲ ಇಂಜ ಮನೆರ ಒಳ್‍ಕ್ ಪೋಯಿತ್ ಅಂವೊಂಡ ಮೇಲೆ ಕೈಯಿನ ಬೆಚ್ಚಿತ್: ತಮ್ಮಣಾನ ಸೌಲನೇ, ನೀನ್ ಬಂದ ಬಟ್ಟೇಲ್, ನೀಕ್ ಕಾಂಬ್‍ಚಿಟ್ಟಂಡ ಒಡೆಯನಾನ ಯೇಸುವೇ, ನೀನ್ ಕಣ್ಣ್ ಕಾಂಬನೆಕೆ ಪಿಂಞ ನೀನ್ ಪವಿತ್ರಾತ್ಮತ್‍ಲ್ ದುಂಬ್‍ವನೆಕೆ ನನ್ನ ಅಯಿಚಿತ್‍ೕಂದ್ ಎಣ್ಣ್‌ಚಿ.

ರೋಮ್ 2:4

ಅಥವ, ನಿಂಗ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಬಪ್ಪಕ್ ದೇವಡ ದಯೆ ನಿಂಗಳ ಕಾಕಿಯಂಡ್ ಉಂಡ್‍ೕಂದ್ ಗೊತ್ತಿಲ್ಲತೆ, ದೇವಡ ದಾರಾಳವಾಯಿತುಳ್ಳ ದಯೆ, ಸಯಿಸುವ ಗುಣ ಪಿಂಞ ತಾಳ್ಮೆ ಇನ್ನತಾನ ಐಶ್ವರ್ಯತ್‍ನ ಅಲ್ಲಗೆಳೆಯುವಿರ?

1 ಕೊರಿಂಥ 12:8

ಎನ್ನನೆ ಎಣ್ಣ್‌ಚೇಂಗಿ, ಒಬ್ಬಂಗ್ ಪವಿತ್ರಾತ್ಮನಗುಂಡ್ ಜ್ಞಾನತ್‍ನ ಬೋದನೆ ಮಾಡ್‌ವ ವರ, ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಬುದ್ದಿ ಎಣ್ಣುವ ವರ,

1 ಕೊರಿಂಥ 2:13

ಈ ವಿಷಯತ್‍ನೆಲ್ಲಾ ಮನುಷ್ಯಂಗಡ ಜ್ಞಾನ ಎಣ್ಣಿತಂದನೆಕೆ ಬೋದನೆ ಮಾಡುಲೆ, ಆಚೇಂಗಿ, ಪವಿತ್ರಾತ್ಮ ನಂಗಕ್ ಎಂತ ಬೋದನೆ ಮಾಡ್‍ಚೋ, ಆ ತಕ್ಕ್‌ನ ಮಾತ್ರ ಪರಿಂದಿತ್, ಆತ್ಮೀಯ ವಿಷಯತ್‍ನ ಪವಿತ್ರಾತ್ಮ ಉಳ್ಳಯಿಂಗಕ್ ವಿವರಿಚಿಟ್ಟಂಡುಂಡ್.

1 ಕೊರಿಂಥ 3:10

ದೇವ ನಾಕ್ ತಂದ ಕೃಪೆಯಿಂಜ ಒರ್ ಬುದ್ದಿವಂತೆ ಶಿಲ್ಪಿರನೆಕೆ ನಾನ್ ಅಡಿಪಾಯ ಇಟ್ಟಿಯೆ. ಇಕ್ಕ ಬೋರೊಬ್ಬ ಅದ್ಂಡಮೇಲೆ ಕೆಟ್ಟಿಯಂಡುಂಡ್. ಆಚೇಂಗಿ ಒಬ್ಬೊಬ್ಬನು ಈ ಅಡಿಪಾಯತ್‍ರ ಮೇಲೆ ಕೆಟ್ಟ್‌ವಾನ ಎಚ್ಚರತ್‍ಲ್ ಕೆಟ್ಟಂಡು.

ಎಫೆಸ 3:3

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗ ಅಲ್ಲತಯಿಂಗಕ್ ದೇವ ಬೆಚ್ಚಿತುಳ್ಳ ಗುಟ್ಟ್‌ನ ನಾನ್ ಗೊತ್ತಾಪನೆಕೆ ಕಾಂಬ್‍ಚಿಟ್ಟತ್. ಇದ್ಂಡ ವಿಷಯತ್‍ನ ನಾನ್ ಮಿಂಞಲೇ ಚೆನ್ನ ಒಳ್‍ದಿತುಂಡ್.

1 ತಿಮೊಥೆಯ 1:16

ನಾನ್ ಪಾಪಿಯಂಗಡಲ್ಲಿ ಬಲ್ಯ ಪಾಪಿಯಾಯಿತ್ ಇಂಜತೇಂಗಿಯು, ಯೇಸು ಕ್ರಿಸ್ತ ಅಂವೊಂಡ ದುಂಬ್‍ನ ತಾಳ್ಮೆನ ಕಾಂಬ್‍ಚಿಡುವಕಾಯಿತ್, ನಾಡ ಮೇಲೆ ಕರುಣೆ ಕಾಟ್‍ಚಿ. ಅನ್ನನೆ ಅಂವೊ ಎನ್ನಂಗ್ ಮಾಡ್‍ಚಿ ಎಣ್ಣ್‌ಚೇಂಗಿ, ನಿತ್ಯ ಜೀವ ಕ್‍ಟ್ಟ್‌ವಕ್, ಯೇಸು ಕ್ರಿಸ್ತಂಡ ಮೇಲೆ ಇಂಞು ಮಿಂಞಕ್ ಅಂವೊಂಡ ನಂಬಿಕೆ ಬೆಪ್ಪ ಜನಕ್ ನಾನ್ ಒರ್ ಉದಾರಣೆಯಾಯಿತ್ ಇಪ್ಪೀಂದ್ ಮಾಡ್‍ಚಿ.

ಯಾಕೋಬ 1:5

ದೇವ ಎಣ್ಣ್‌ನನೆಕೆ ನಿಂಗ ನಡ್‍ಕಂಡೂಂದ್ ಉಳ್ಳ ಜ್ಞಾನ ಬೋಂಡ್‌ಚೇಂಗಿ, ಅಂವೊಂಡ ಪಕ್ಕ ಕ್‍ೕಳಿ. ಅಕ್ಕ, ಅಂವೊ ನಿಂಗಳ ಜೋರ್ ಮಾಡುಲೆ, ಉದಾರ ಮನಸ್ಸ್‌ಲ್ ನಿಂಗಕ್ ಜ್ಞಾನತ್‍ನ ತಪ್ಪ.

ಯಾಕೋಬ 3:17

ಆಚೇಂಗಿ ಪರಲೋಕತ್ಂಜ ಬಪ್ಪ ಜ್ಞಾನ, ಆದ್ಯವಾಯಿತ್, ನಂಗಳ ಶುದ್ದ ಮಾಡ್‌ವ, ಅದ್ ಸಮಾದಾನ ಉಳ್ಳದಾಯಿತು ಅಡಕ ಉಳ್ಳದಾಯಿತು ಕುಶಿ ಉಳ್ಳದಾಯಿತು ಇಪ್ಪ. ಅದ್‍ಲ್ ಕರುಣೆ ಪಿಂಞ ನಲ್ಲ ಫಲ ದುಂಬಿತ್, ಎಲ್ಲಾ ಮನುಷ್ಯಂಗಕು ಒರೇ ತರ ಮರ್ಯಾದೆ ಮಾಡಿತ್, ಕಪಟ ಇಲ್ಲತ ಶುದ್ದ ನಂಬಿಕೆ ಉಳ್ಳದಾಯಿತಿಪ್ಪ.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.

2 ಪೇತ್ರ 3:2

ಪೂರ್ವ ಕಾಲತ್‍ಲ್ ಪವಿತ್ರ ಪ್ರವಾದಿಯಂಗಡ ಮೂಲಕ ಎಣ್ಣ್‌ನ ತಕ್ಕ್‌ನ ಪಿಂಞ ರಕ್ಷಕನಾಯಿತುಳ್ಳ, ಒಡೆಯಂಡ ಅಪೊಸ್ತಲಂಗಳಾಯಿತುಳ್ಳ ನಂಗಡ ಮೂಲಕ ನಿಂಗಕ್ ಕ್‍ಟ್ಟ್‌ನ ಆಜ್ಞೆನ ಗೇನಮಾಡಂಡೂಂದ್ ನಾಕ್ ನೇರಾಯಿತು ಆಸೆ.

2 ಪೇತ್ರ 3:9

ಚೆನ್ನ ಜನ ಎಣ್ಣ್‌ವನೆಕೆ, ಒಡೆಯ ತಾಂಡ ವಾಗ್ದಾನತ್‍ನ ನೆರೆವೇರಿಚಿಡುವ ವಿಷಯತ್‍ಲ್ ತಡೆ ಮಾಡಿಯಂಡಿಲ್ಲೆ. ಒಬ್ಬ ಸಹ ನಾಶ ಆಕತೆ ಎಲ್ಲಾರು ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬರಂಡೂಂದ್ ಕುಶಿಪಟ್ಟಿತ್ ನಿಂಗಳ ಗೇನಮಾಡಿಯಂಡೇ, ದುಂಬ ತಾಳ್ಮೇಳ್ ಉಳ್ಳಂವೊನಾಯಿತುಂಡ್.