2 ಪೇತ್ರ 3:14 - ಕೊಡವ ಬೈಬಲ್

¹⁴ ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.

2 ಪೇತ್ರ 3:14 ပူးပေါင်းရင်းမြစ်များ

ಮತ್ತಾಯ 24:26

ಆಂಗ್, ಜನ ನೋಟಿ ಅಂವೊ ಮಣಬೂಮಿಲ್ ಉಂಡ್‍ೕಂದ್ ಎಣ್ಣ್‌ಚೇಂಗಿ, ನಿಂಗ ಅಲ್ಲಿಕ್ ಪೋಕತಿ; ಇಲ್ಲಿ ನೋಟಿ ಕೋಂಬರೆ ಒಳ್‍ಕ್ ಉಂಡ್‍ೕಂದ್ ಎಣ್ಣ್‌ಚೇಂಗಿ ಅದ್‍ನ ನಂಬತಿ.

ಮತ್ತಾಯ 25:7

ಅಕ್ಕ ಆ ಬುದ್ದಿವಂತ ಕನ್ನಿ ಮೂಡಿಯ ಎದ್ದಿತ್ ಅಯಿಂಗಡ ಬೊಳ್‌ಚತ್‍ನ ಕತ್ತ್‌ಚಿಟ್ಟ್ ತಯಾರ್ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:43

ಎಜಮಾನ ಬಪ್ಪಕ ಏದ್ ಒರ್ ಆಳ್ ಇನ್ನನೆ ಮಾಡ್‌ವಾನ ಅಂವೊ ಕಾಂಬ, ಆ ಆಳ್‍ಕಾರನೇ ಆಶೀರ್ವಾದ ಪಡ್ಂದಂವೊ. ಅಂವೊನ ಆ ಎಜಮಾನ ತಾಂಡ ಎಲ್ಲಾ ಆಸ್ತಿಕೂ ಜವಾಬ್ದಾರನಾಯಿತ್ ನೇಮಿಚಿಡ್‍ವಾಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

1 ಕೊರಿಂಥ 1:8

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಪ್ಪಕ್ ಕಡೇಕತ್ತನೆ ಅಂವೊ ನಿಂಗಳ ಸ್ತಿರಪಡ್‍ತ್‌ವ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

ಫಿಲಿಪ್ಪಿ 2:15

ಅಕ್ಕ, ದಾರೂ ನಿಂಗಳ ಕುತ್ತ ಪರಿಯುಲೆ. ಮೋಸ ಪಿಂಞ ನೀಚ ಜನ ದುಂಬಿತುಳ್ಳ ಈ ಲೋಕತ್‍ಲ್, ಪಳಪಳಾಂದ್ ಬೊಳಿರನೆಕೆ ಮಿನ್ನಿಯಂಡ್, ಒರ್ ಕಳಂಗ ಪಿಂಞ ಕಪಟತನ ಇಲ್ಲತೆ, ದೇವಡ ಮಕ್ಕಳಾಯಿತ್ ಬದ್‍ಕಂಡು.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

1 ಥೆಸಲೊನೀಕ 5:23

ಸಮಾದಾನತ್‍ರ ದೇವ ನಿಂಗಳ ಪರಿಪೂರ್ಣವಾಯಿತ್ ಪಿಂಞ ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರವಾನಯಿಂಗಳಾಯಿತ್ ಮಾಡಡ್. ನಿಂಗಡ ಗೇನ, ನಿಂಗಡ ಆಸೆ ಪಿಂಞ ನಿಂಗ ಮಾಡ್‍ವದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತ ಬಪ್ಪಕತ್ತನೆ ಒರ್ ತಪ್ಪು ಇಲ್ಲತನೆಕೆ ಇಪ್ಪಕ್ ಅಂವೊ ನಿಂಗಳ ಕಾಪಾಡಡ್.

1 ತಿಮೊಥೆಯ 6:14

ನಂಗಡ ಒಡೆಯನಾನ ಯೇಸು ಕ್ರಿಸ್ತ ಬಪ್ಪಕತ್ತನೆ ನೀನ್ ಈ ಆಜ್ಞೆನ ಏದ್ ಕಳಂಗ ಇಲ್ಲತೆ, ಏದ್ ಕುತ್ತವು ಇಲ್ಲತೆ ಮಾಡಿಯಂಡಿರ್.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

ಯಾಕೋಬ 1:27

ತಬ್ಬಲಿ ಮಕ್ಕ ಪಿಂಞ ವಿದವೆಯಿಂಗಡ ಕಷ್ಟತ್‍ಲ್ ಸಹಾಯ ಮಾಡ್‍ವದ್ ಪಿಂಞ ಈ ಲೋಕತ್‍ರ ಪಾಪ ಅಂವೊನ ದೋಷ ಮಾಡತನೆಕೆ ಕಾಪಾಡಿಯಂಡ್ ಬದ್‍ಕ್‍ವದ್ ಇನ್ನತಾನ ವಿಷಯವೇ, ಅಪ್ಪನಾನ ದೇವಡ ಮಿಂಞತ್ ಶುದ್ದವಾನ ಕಳಂಗ ಇಲ್ಲತ ಬಕ್ತಿಯಾಯಿತ್‌ಪ್ಪ.

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.

2 ಪೇತ್ರ 3:1

ಪ್ರೀತಿರ ಜನಳೇ, ನಾನ್ ನಿಂಗಕ್ ಇಕ್ಕ ಒಳ್‍ದ್‍ವದ್ ದಂಡನೆ ಕಾಗದ. ನಾನ್ ಒಳ್‍ದ್‍ನ ಈ ದಂಡ್ ಕಾಗದ‍ತ್‍ಲು, ನಿಂಗಡ ಮನಸ್ಸ್‌ರ ಞಾಪಕತ್‍ನ ಎಪ್ಪ್‌ಚಿಡ್‌ವಕ್ ಪಿಂಞ ಚೆನ್ನ ವಿಷಯತ್‍ನ ಗೇನ ಮಾಡ್‍ಚಿಡ್‌ವಕ್ ನಾನ್ ಪೇಚಾಡಿಯಂಡುಂಡ್.

2 ಪೇತ್ರ 3:16

ಅಂವೊ ತಾಂಡ ಎಲ್ಲಾ ಕಾಗದ‍ತ್‍ಲು ಈ ವಿಷಯತ್‍ನ ಒಳ್‍ದಿತುಂಡ್; ಅಂವೊ ಎಣ್ಣ್‌ನ ಚೆನ್ನ ವಿಷಯತ್‍ನ ಅರ್ಥ ಮಾಡ್‌ವಕ್ ಕಯಿಂಜಂಡಿಲ್ಲೆ. ಗೊತ್ತಿಲ್ಲತಯಿಂಗಳು, ಸ್ತಿರ ಇಲ್ಲತಯಿಂಗಳು ಅಯಿಂಗಕ್ ನಾಶ ಬಪ್ಪನೆಕೆ, ಬೋರೆ ವಾಕ್ಯತ್‍ನ ಮಾಡ್‌ವನೆಕೆ ಇದ್‍ನ ಸಹ ತಿರಿಕಿಯಂಡುಂಡ್.

1 ಯೋಹಾನ 3:3

ಯೇಸುರ ಮೇಲೆ ನಂಬಿಕೆ ಉಳ್ಳ ಎಲ್ಲಾರು, ಕ್ರಿಸ್ತ ಶುದ್ದವಾಯಿತ್ ಉಳ್ಳನೆಕೆ ಅಯಿಂಗಳು ಅಯಿಂಗಳ ಶುದ್ದ ಮಾಡ್‌ವ.