2 ಪೇತ್ರ 2:7 - ಕೊಡವ ಬೈಬಲ್

⁷ ಆಚೇಂಗಿ, ಅದೇ ಸಮಯತ್‍ಲ್, ನೀತಿವಂತಂವೊನಾನ ಲೋಟ ಎಣ್ಣ್‌ವಂವೊ, ಲೈಂಗಿಕ ಪಾಪತ್‍ಲ್ ದುಷ್ಟಂಗಳಾಯಿತ್ ಬದ್‍ಕಿಯಂಡ್ ಇಂಜ ಜನಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತೇಂಗಿಯು,

2 ಪೇತ್ರ 2:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:13

ಆಚೇಂಗಿ ಸೊದೋಮ್‌ ಪಟ್ಟಣತ್‌ರ ಜನ ಯೆಹೋವಂಡ ಮಿಂಞತ್‌ ಬಾರಿ ದುಷ್ಟಂಗಳು ಪಿಂಞ ಪಾಪ ಮಾಡುವಯಿಂಗಳಾಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 19:16

ಅಂವೊ ತಡಮಾಡ್‌ವಕ ಯೆಹೋವ ಅಯಿಂಗಡ ಮೇಲೆ ಕರುಣೆ ಕಾಟ್‌ನಂಗ್‌ ಆ ದೇವದೂತಂಗ ಅಂವೊಂಡ ಕೈಯಿನ, ಅಂವೊಂಡ ಪೊಣ್ಣ್‌ರ ಕೈಯಿನ, ಅಂವೊಂಡ ದಂಡ್‌ ಮೂಡಿ ಮಕ್ಕಡ ಕೈಯಿನ ಪುಡಿಚಿತ್, ಅಯಿಂಗಳ ಪಟ್ಟಣತ್‌ರ ಪೊರಮೆ ಕಾಕಿಯಂಡ್‌ ಪೋಯಿತ್‌ ಬುಟ್ಟ್‌ರ್‌ತ್.

ಆದ್ಯತ್‌ರ ಪುಸ್ತಕ 19:22

ಆಚೇಂಗಿ ಬೆರಿಯ ಅಲ್ಲಿಕ್‌ ಓಡಿ ಪೋಯಿತ್‌ ಬಚಾವ್‌ ಮಾಡಿಯ. ನೀನ್‌ ಅಲ್ಲಿ ಎತ್ತ್‌ವಕತ್ತನೆ ನಾನ್‌ ಒಂದು ಮಾಡ್‌ವಕ್‌ ಕಯ್ಯುಲೇಂದ್‌ ಎಣ್ಣ್‌ಚಿ. ಇದ್‌ನಗುಂಡ್‌ ಆ ಊರ್‌ಕ್‌ ಚೋಗಾರ್‌ಂದ್‌ ಪೆದ ಕ್‌ಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 19:29

ಆಚೇಂಗಿ, ಯೆಹೋವ ಆ ಸಮತಟ್ಟ್‌ ಬೂಮಿಲ್‌ ಉಳ್ಳ ಪಟ್ಟಣತ್‌ನೆಲ್ಲಾ ನಾಶಮಾಡುವಕ ಅಬ್ರಹಾಮಂಡ ಕೋರಿಕೆನ ಗೇನಮಾಡಿತ್, ಲೋಟ ವಾಸಮಾಡಿಯಂಡಿಂಜ ಪಟ್ಟಣಂಗಕ್‌ ಬಂದ ಕ್‍ೕಡಿಂಜ ಲೋಟ ತಪ್ಪಿಚಿಡ್‌ವನೆಕೆ ಅಂವೊನ ಅಯಿಚಿರ್‌ತ್.

ಆದ್ಯತ್‌ರ ಪುಸ್ತಕ 19:5

ಅಯಿಂಗೆಲ್ಲಾರು ಲೋಟನ ಜೋರಾಯಿತ್‌ ಕಾಕಿತ್: ಇಂದ್‌ ಬಯಿಟ್ ನೀಡ ಮನೆಲ್ ಒಳಿಯೊಕ್‌ ಬಂದಿತುಳ್ಳ ಆಣಾಳ್‌ವ ಎಲ್ಲಿ? ಅಯಿಂಗಳ ಪೊರಮೆ ಕಾಕಿಯಂಡ್‌ ಬಾ, ಅಯಿಂಗಡ ಕೂಡೆ ನಂಗ ಬುದ್ದಂಡೂಂದ್‌ ಎಣ್ಣ್‌ಚಿ.

1 ಕೊರಿಂಥ 10:13

ಎಲ್ಲಾ ಮನುಷ್ಯಂಗಕ್ ಬಪ್ಪ ಸೋದನೆನ ಬುಟ್ಟಿತ್ ಬೋರೆ ಏದ್ ಸೋದನೆಯು ನಿಂಗಕ್ ಬಂದಿತ್ತ್‌ಲ್ಲೆ. ದೇವ ನಂಬಿಕಸ್ತನಾಯಿತುಂಡ್. ನಿಂಗಡ ಶಕ್ತಿಕ್ ಮೀರ್‍ನ ಸೋದನೆಕ್ ನಿಂಗ ಒಳಪಡ್‍ವಕ್ ಅಂವೊ ಬುಡುಲೆ. ಆಚೇಂಗಿ, ಆ ಸೋದನೆಯಿಂಜ ತಪ್ಪ್‌ಚಿಡ್‌ವಕ್ ಬಟ್ಟೆ ಕಾಟಿತಪ್ಪ.

2 ಪೇತ್ರ 2:18

ಅಯಿಂಗಡ ಬಾಯಿಲ್ ಮುಠಾಳತನತ್‍ರ ಪಿಂಞ ಒಂದು ಇಲ್ಲತ ಬಡಾಯಿ ತಕ್ಕ್ ಮಾತ್ರ ಉಂಡ್. ಅಯಿಂಗಡ ಕಳ್ಳ ಬೋದನೆರ ಮೂಲಕ, ತಡೀರ ಇಚ್ಛೆರ ಆಸೆ, ಪಾಪ ಅಲ್ಲಾಂದ್ ಎಣ್ಣಿತ್, ಪಾಪ ಮಾಡ್‌ವ ಜನತ್‍ಂಜ, ಇಕ್ಕ ಬುಡ್‌ಗಡೆಯಾಯಿತ್ ಬಂದ ಯೇಸುನ ನಂಬ್‍ನಯಿಂಗಕ್ ಆಸೆ ಕಾಟಿತ್ ಅಯಿಂಗಳ ತಿರಿತ್ ಪೋಪಕ್ ಮಾಡಿಯಂಡುಂಡ್.

2 ಪೇತ್ರ 2:2

ಈ ಕಳ್ಳ ಬೋದನೆಕಾರಡ ಕೆಟ್ಟ ನಡತೇಲ್ ದುಂಬ ಜನ ನಡ್‍ಪ, ಅನ್ನನೆ ಅಯಿಂಗಡಗುಂಡ್ ಸತ್ಯತ್‍ರ ಬಟ್ಟೇರ ಪೆದಕ್ ದೂಷಣೆ ಆಪ.

2 ಪೇತ್ರ 3:17

ಆನಗುಂಡ್, ನಾಡ ಪ್ರೀತಿರ ಜನಳೇ, ಇನ್ನತಾನದೆಲ್ಲ, ನಿಂಗಕ್ ಮಿಂಞಲೇ ಗೊತ್ತಾನಗುಂಡ್, ದುಷ್ಟಂಗಡ ವಂಚನೆಲ್ ನಿಂಗ ಜಾರಿತ್, ನಿಂಗಡ ಸ್ತಿರವಾನ ಸ್ತಾನತ್ಂಜ ಬುದ್ದಿತ್ ಪೋಕತನೆಕೆ ಎಚ್ಚರತ್‍ಲ್ ಇರಿ.

ಯೂದ ಒಳ್‍ದ್‍ನ ಕಾಗದ 1:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಮೇಲೆ ದಂಗೆ ಮಾಡ್‌ವ ಚೆನ್ನ ಜನ ನಿಂಗಕ್ ಗೊತ್ತಿಲ್ಲತೆ ನಿಂಗಡ ಸಬೇಲ್ ನುಗ್ಗಿತ್, ದೇವಡ ಕೃಪೆ ನಂಗಳ ಕಾಮಾಬಿಲಾಷೆ ಪಾಪ ಮಾಡ್‌ವಕ್ ಅನುಮತಿ ಕೊಡ್‍ತಿತುಂಡ್‍ೕಂದ್ ಎಣ್ಣಿಯಂಡ್, ಯೇಸು ಕ್ರಿಸ್ತ ಒಬ್ಬನೇ ನಂಗಡ ಮೇಲೆ ಎಲ್ಲಾ ಅದಿಕಾರ ಉಳ್ಳ ಒಡೆಯಾಂದ್ ಉಳ್ಳಾನ ಒತ್ತಂಡಿಲ್ಲೆ. ಅಯಿಂಗಡ ತೀರ್ಪ್‌ನ ಪಂಡೇ ದೇವ ಒಳ್‍ದಿ ಬೆಚ್ಚಿತುಂಡ್.