2 ಪೇತ್ರ 2:18 - ಕೊಡವ ಬೈಬಲ್

¹⁸ ಅಯಿಂಗಡ ಬಾಯಿಲ್ ಮುಠಾಳತನತ್‍ರ ಪಿಂಞ ಒಂದು ಇಲ್ಲತ ಬಡಾಯಿ ತಕ್ಕ್ ಮಾತ್ರ ಉಂಡ್. ಅಯಿಂಗಡ ಕಳ್ಳ ಬೋದನೆರ ಮೂಲಕ, ತಡೀರ ಇಚ್ಛೆರ ಆಸೆ, ಪಾಪ ಅಲ್ಲಾಂದ್ ಎಣ್ಣಿತ್, ಪಾಪ ಮಾಡ್‌ವ ಜನತ್‍ಂಜ, ಇಕ್ಕ ಬುಡ್‌ಗಡೆಯಾಯಿತ್ ಬಂದ ಯೇಸುನ ನಂಬ್‍ನಯಿಂಗಕ್ ಆಸೆ ಕಾಟಿತ್ ಅಯಿಂಗಳ ತಿರಿತ್ ಪೋಪಕ್ ಮಾಡಿಯಂಡುಂಡ್.

2 ಪೇತ್ರ 2:18 ပူးပေါင်းရင်းမြစ်များ

ಅಪೊಸ್ತಲ 2:40

ಪೇತ್ರ ಇಂಞು ದುಂಬ ಬುದ್ದಿ ಎಣ್ಣಿತ್ ಸಾಕ್ಷಿ ಎಣ್ಣಿತ್, ಈ ಕೆಟ್ಟ ಸಂತಾನತ್ಂಜ ನಿಂಗಳ ಕಾಪಾಡಿಯೊಳೀಂದ್ ಅಯಿಂಗಳ ಬೋಡಿಯಂಡತ್.

ಅಪೊಸ್ತಲ 8:9

ಆಚೇಂಗಿ, ಆ ಪಟ್ಟಣತ್‍ಲ್ ಸೀಮೋನ ಎಣ್ಣುವ ಒಬ್ಬ ಇಂಜತ್. ಅಂವೊ, ಚೆನ್ನ ಕಾಲತ್ಂಜ ಬಲ್ಯ ಬಲ್ಯ ಮಾಟಮಂತ್ರ ಮಾಡಿಯಂಡ್, ಅಲ್ಲಿಯತ್‍ರ ಜನ ಆಶ್ಚರ್ಯ ಪಡುವನೆಕೆ ಮಾಡಿತ್, ಅಂವೊ ಒರ್ ಬಲ್ಯ ಮನುಷ್ಯಾಂದ್ ಎಣ್ಣಿಯಂಡಿಂಜತ್.

ರೋಮ್ 13:13

ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

2 ಥೆಸಲೊನೀಕ 2:4

ಆ ಮನುಷ್ಯ ದೇವಕ್ ವಿರೋದವಾಯಿತ್ ನಿಂದಂಡ್, ಜನ ದೇವಾಂದ್ ಕಾಕುವ ಎಲ್ಲಾಂಗ್ ಬಲ್ಯದಾಯಿತ್, ಆರಾದನೆ ಮಾಡ್‌ವ ಎಲ್ಲಾಂಗ್ ಬಲ್ಯದಾಯಿತ್ ಅಂವೊ ಅಂವೊನನೇ ಕೊಚ್ಚ್‌ವ. ದೇವನ ಆರಾದನೆ ಮಾಡ್‌ವ ಜಾಗತ್‍ಲ್ ದೇವಡನೆಕೆ ಅಂವೊ ಅಳ್‌ತಂಡ್, ನಾನೇ ದೇವಾಂದ್ ಎಲ್ಲಾ ಜನಕು ಎಣ್ಣಿಯಂಡಿಪ್ಪ.

ಯಾಕೋಬ 5:5

ನಿಂಗ ಈ ಬೂಲೋಕತ್‍ಲ್ ಇಪ್ಪಕ, ನಿಂಗಡ ಕೆಲತ್‍ನ ದುಂಬ್‍ಚಿಡ್‍ವಕ್ ಪಿಂಞ ಆಡಿಕಳಿಪಕೇ ಗೇನಮಾಡಿಯಂಡಿಂಜಿರ. ಆಚೇಂಗಿ ಇಕ್ಕ ಗದ್ದಾಳ ದಿವಸಕಾಯಿತ್ ತಯಾರ್ ಮಾಡ್‍ನ ಬೊಳ್ಂದ ಎತ್ತ್‌ರನೆಕೆ ನಿಂಗ ಉಳ್ಳಿರ.

2 ಪೇತ್ರ 1:4

ಇದ್‍ನಗುಂಡ್, ಅಂವೊ ನಂಗಕ್ ದುಂಬ ಬಲ್ಯ ಬೆಲೆಯುಳ್ಳ ವಾಗ್ದಾನವೆಲ್ಲ ತಂದಿಯತ್. ಅನ್ನನೆ, ಇದ್ಂಡ ಮೂಲಕ ದೇವಡ ಗುಣತ್‍ಲ್ ನಂಗ ಪಾಲ್‍ದಾರಂಗಳಾಯಿತ್ ಈ ಲೋಕತ್‍ಲ್ ಉಳ್ಳ ಇಚ್ಛೆರ ಮೂಲಕ ಬಪ್ಪ ಕ್‍ೕಡ್‍ಕ್ ತಪ್ಪ್‌ಚಿಡ್‌ವನೆಕೆ ಮಾಡ್‍ಚಿ.

2 ಪೇತ್ರ 2:14

ಅಯಿಂಗ ವ್ಯಬಿಚಾರತ್‍ರ ಗೇನತ್‍ಲ್ ದುಂಬಿತ್, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡತಯಿಂಗಳಾಯಿತ್ ಬದ್‍ಕ್‍ವ; ಸ್ತಿರವಿಲ್ಲತ ದೇವಡ ಮಕ್ಕಳ ಪಾಪ ಮಾಡ್‌ವನೆಕೆ ಅಯಿಂಗಡ ಕೈಕ್ ಇಡ್‌ವ, ದುಡ್ಡ್‌ರ ಆಸೆಕಾಯಿತ್ ಅಯಿಂಗಡ ಹೃದಯತ್‍ನ ಚಾಯಿತೆ ಪಡಿಚಿಟ್ಟ ಶಾಪತ್‍ರ ಮಕ್ಕಳಾಯಿತ್ ಈಂಗ ಉಂಡಲ್ಲ!

2 ಪೇತ್ರ 2:2

ಈ ಕಳ್ಳ ಬೋದನೆಕಾರಡ ಕೆಟ್ಟ ನಡತೇಲ್ ದುಂಬ ಜನ ನಡ್‍ಪ, ಅನ್ನನೆ ಅಯಿಂಗಡಗುಂಡ್ ಸತ್ಯತ್‍ರ ಬಟ್ಟೇರ ಪೆದಕ್ ದೂಷಣೆ ಆಪ.

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.

2 ಪೇತ್ರ 2:7

ಆಚೇಂಗಿ, ಅದೇ ಸಮಯತ್‍ಲ್, ನೀತಿವಂತಂವೊನಾನ ಲೋಟ ಎಣ್ಣ್‌ವಂವೊ, ಲೈಂಗಿಕ ಪಾಪತ್‍ಲ್ ದುಷ್ಟಂಗಳಾಯಿತ್ ಬದ್‍ಕಿಯಂಡ್ ಇಂಜ ಜನಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತೇಂಗಿಯು,

2 ಪೇತ್ರ 3:17

ಆನಗುಂಡ್, ನಾಡ ಪ್ರೀತಿರ ಜನಳೇ, ಇನ್ನತಾನದೆಲ್ಲ, ನಿಂಗಕ್ ಮಿಂಞಲೇ ಗೊತ್ತಾನಗುಂಡ್, ದುಷ್ಟಂಗಡ ವಂಚನೆಲ್ ನಿಂಗ ಜಾರಿತ್, ನಿಂಗಡ ಸ್ತಿರವಾನ ಸ್ತಾನತ್ಂಜ ಬುದ್ದಿತ್ ಪೋಕತನೆಕೆ ಎಚ್ಚರತ್‍ಲ್ ಇರಿ.

ಯೂದ ಒಳ್‍ದ್‍ನ ಕಾಗದ 1:13

ಞಾಣ ಆಪನೆಕೆ ಕೆಟ್ಟ ಕಾರ್ಯ ಮಾಡ್‌ವ ಅಯಿಂಗ, ಕಡಲ್‍ರ ಅಲೆ, ಆಲೆ ಈಲೆ ಪೋಯಿತ್ ನೊರೆನ ತಳ್ಳ್‌ವನೆಕೆ ಪಿಂಞ ಎಲ್ಲಿ ಪೋಕಂಡೂಂದ್ ಗೊತ್ತಿಲ್ಲತೆ ಬಟ್ಟೆ ತಪ್ಪಿ ಪೋಯಂಡುಳ್ಳ ನಕ್ಷತ್ರನೆಕೆ ಉಂಡ್. ಈಂಗಕಾಯಿತ್ ಸದಾ ಇರ್‌ಟೇ ನಿತ್ಯವಾಯಿತ್ ಬೆಚ್ಚಿತುಂಡ್.

ಪ್ರಕಟನೆ 13:11

ಪಿಂಞ ಇಂಞೊರ್ ಮೃಗ ಬೂಮಿಯಿಂಜ ಬಪ್ಪದ್‍ನ ಕಂಡಿಯೆ; ಅದ್ ಒರ್ ಕೊರಿ ಕುಟ್ಟಿರನೆಕೆ ಇಂಜತ್. ಅದ್ಂಗ್ ದಂಡ್ ಕೊಂಬ್ ಇಂಜತ್. ಘಟಸರ್ಪ ಪಾಂಬ್‍ರನೆಕೆ ತಕ್ಕ್ ಪರ್ಂದತ್.