2 ಪೇತ್ರ 2:13 - ಕೊಡವ ಬೈಬಲ್

¹³ ಅಯಿಂಗ ಮಾಡ್‍ನ ಕೇಡ್‍ಕ್ ಅಯಿಂಗಕ್ ಬಪ್ಪ ಕೇಡೇ ಫಲವಾಯಿತ್‌ಪ್ಪ. ಪೋಲ್‍ರ ಬೊಳಿಲ್ ಕೂಟ್‍ಕಳೀಲ್ ಮುಳ್‍ಗಿತ್ ಇಪ್ಪದ್ ಕುಶೀಂದ್ ಗೇನ ಮಾಡ್‌ವ. ಅಯಿಂಗ ನಿಂಗಡಲ್ಲಿ ಲೆಜ್ಜೆಯಾಯಿತ್, ಞಾಣವಾಯಿತ್ ಇಪ್ಪ. ಅಯಿಂಗ, ನಿಂಗಡ ಕೂಡೆ ಐಕ್ಯತ್‍ರ ಗಾದ್ದಾಳತ್‍ಲ್ ಉಂಬಕ ಸಹ ಅಯಿಂಗ ಮಾಡ್‌ವ ವಂಚನೆಲ್ ಕುಶಿಪಟ್ಟಂಡ್ ಇಪ್ಪ.

2 ಪೇತ್ರ 2:13 ပူးပေါင်းရင်းမြစ်များ

ರೋಮ್ 13:13

ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು.

ಎಫೆಸ 5:27

ಕಲೆ, ಚುಕ್ಕ್, ಚುಳ್ಳ್ ಇಲ್ಲತೆ ಪವಿತ್ರವಾಯಿತ್ ಏದ್ ಕುತ್ತ ಇಲ್ಲತೆ ಮಹಿಮೆ ದುಂಬ್‍ನ ಸಬೇಯಾಯಿತ್ ತಾಂಡ ಮಿಂಞತ್ ನಿಪ್ಪ್‌ಚಿಡುವಕಾಯಿತೂ ತಾಂಗ್ ತಾನೆ ಅದ್ಂಗಾಯಿತ್ ಒಪ್ಪ್‌ಚಿಟ್ಟತ್.

ಫಿಲಿಪ್ಪಿ 3:19

ಕೆಲತ್‍ರ ಇಚ್ಛೆಯೇ ಅಯಿಂಗಡ ದೇವ. ಅಯಿಂಗಕ್ ಞಾಣ ಆಪಕುಳ್ಳ ವಿಷಯತ್ ಅಯಿಂಗ ಬಡಾಯಿ ಮಾಡಿಯಂಡುಳ್ಳಗುಂಡ್ ಅಯಿಂಗಳೇ ಪಾಳಾಯಿ ಪೋಪ. ದೇವನ ಗೊತ್ತಿಲ್ಲತಯಿಂಗ ಗೇನ ಮಾಡಿಯಂಡುಳ್ಳನೆಕೆ ಈಂಗಳು ಗೇನ ಮಾಡಿಯಂಡುಂಡ್.

2 ತಿಮೊಥೆಯ 4:14

ಕಚ್ಚಿ ಪಣಿಕಾರನಾನ ಅಲೆಕ್ಸಾಂದ್ರ ನಾಕ್ ದುಂಬ ಕ್‍ೕಡ್ ಮಾಡ್‍ಚಿ. ಅಂವೊ ಮಾಡ್‍ನ ಕಾರ್ಯಕ್ ದೇವ ಅಂವೊಂಗ್ ಶಿಕ್ಷೆ ತಪ್ಪ.

ಯಾಕೋಬ 5:5

ನಿಂಗ ಈ ಬೂಲೋಕತ್‍ಲ್ ಇಪ್ಪಕ, ನಿಂಗಡ ಕೆಲತ್‍ನ ದುಂಬ್‍ಚಿಡ್‍ವಕ್ ಪಿಂಞ ಆಡಿಕಳಿಪಕೇ ಗೇನಮಾಡಿಯಂಡಿಂಜಿರ. ಆಚೇಂಗಿ ಇಕ್ಕ ಗದ್ದಾಳ ದಿವಸಕಾಯಿತ್ ತಯಾರ್ ಮಾಡ್‍ನ ಬೊಳ್ಂದ ಎತ್ತ್‌ರನೆಕೆ ನಿಂಗ ಉಳ್ಳಿರ.

1 ಪೇತ್ರ 4:4

ಅಯಿಂಗಡ ಕೂಡೆ ಈ ತರ ತಡೀರ ಮೋಹತ್‍ಲ್ ನಿಂಗ ಮುಳ್‍ಂಗಿ ಪೋಕತನೆಕೆ ಉಳ್ಳಾಂಗ್ ಅಯಿಂಗ ಆಶ್ಚರ್ಯತ್‍ಲ್ ನಂಗಳ ದುಂಬ ದೂಷಣೆ ಮಾಡಿಯಂಡುಂಡ್.

2 ಪೇತ್ರ 2:15

ಈಂಗ ಸರಿಯಾನ ಬಟ್ಟೇನ ಬುಟ್ಟಿತ್, ತಪ್ಪ್‌ಚಿಟ್ಟಿತ್, ಬೆಯೋರ ಎಣ್ಣ್‌ವಂವೊಂಡ ಮೋಂವೊನಾನ ಬಿಳಾಮ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್‌ಂದಯಿಂಗ; ಈ ಬಿಳಾಮ ಅನೀತಿರ ಸಂಪಾದೆನೆಲ್ ಕುಶಿಪಟ್ಟತ್.

ಪ್ರಕಟನೆ 18:6

ಅವ ನಿಂಗಕ್ ಮಾಡ್‍ನನೆಕೆ ಅವಕ್ ನಿಂಗ ಬದ್‍ಲ್ ಮಾಡಿ; ಅವಡ ಕೆಲಸಕ್ ತಕ್ಕಂತದ್‍ನ ಅವಕ್ ದಂಡ್‍ರಚ್ಚಕ್ ಅಳ್‌ತೆಲ್ ನಿಂಗ ಮಾಡಂಡು; ಅವ ನಿಂಗಕ್ ಕಲ್‍ಕಿತ್ ಕೊಡ್‍ತ ಪಾತ್ರತ್‍ಲ್, ಅವಕ್ ದಂಡ್ ಪಾಲ್ ಜಾಸ್ತಿ ಕಲ್‍ಕಿತ್ ಕೊಡಿ.