2 ಪೇತ್ರ 2:12 - ಕೊಡವ ಬೈಬಲ್

¹² ಆಚೇಂಗಿ, ಈ ಕಳ್ಳ ಬೋದನೆ ಮಾಡ್‌ವಯಿಂಗ ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ದೇವ ದೂಷಣೆ ಎಣ್ಣಿಯಂಡುಂಡ್. ಈಂಗ ಮುಠಾಳರನೆಕೆ ಉಳ್ಳ ಪ್ರಾಣಿಯರನೆಕೆ, ಬುದ್ದಿಯಿಲ್ಲತ ಸೂನ್ಯ ಮೃಗತ್‍ರನೆಕೆ, ಪುಡ್‌ಚಿತ್ ಪಾಳಾಪಕಾಯಿತೇ ಪುಟ್ಟ್‌ನಯಿಂಗ. ಮೃಗತ್‍ರನೆಕೆ ಈಂಗಳು ಪಾಳಾಯಿ ಪೋಪ.

2 ಪೇತ್ರ 2:12 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:32

ದುಷ್ಟ ತಾನ್‌ ಮಾಡುವ ಕ್‍ೕಡ್‌ಯಿಂಜಲೇ ನಾಶ ಆಯಿ ಪೋಪ. ಆಚೇಂಗಿ ನೀತಿವಂತಂವೊಂಗ್‌ ಚಾವ್‌ರ ನೇರತು ನಂಬಿಕೇಲ್‌ ಇಪ್ಪ.

ಮಾರ್ಕ 7:22

ಬೋಂಡತಾಸೆ, ಎಲ್ಲಾ ಕೆಟ್ಟ ಕೆಲಸ, ಮೋಸ, ಅಯೋಗ್ಯತನ, ಒಟ್ಟೆಕಿಚ್ಚ್, ಬೈಗಳ, ಹಮ್ಮ್, ಬುದ್ದಿ ಕೆಟ್ಟ ಗುಣ ಎಲ್ಲಾ ಮನುಷ್ಯಂಗಡ ಹೃದಯತ್ಂಜೆ ಬಪ್ಪ.

ಯೋಹಾನ 8:21

ಯೇಸು ಇಂಞು ಅಯಿಂಗಳ ನೋಟಿತ್: ನಾನ್ ಪೋಪಿ, ನಿಂಗ ನನ್ನ ತ್‍ೕಡ್‌ವಿರ. ಆಚೇಂಗಿ ನಾನ್ ಪೋಪ ಜಾಗಕ್ ನಿಂಗ ಬಪ್ಪಕ್ ಕಯ್ಯುಲೆ; ನಿಂಗ ನಿಂಗಡ ಪಾಪತ್‍ಲ್ ಚತ್ತ್ ಪೋಪಿರಾಂದ್ ಎಣ್ಣ್‌ಚಿ.

ಗಲಾತ್ಯ 6:8

ತಾಂಡ ಸ್ವಂತ ಆಸೇನ ತೃಪ್ತಿ ಪಡ್‍ತ್‍ವಕಾಯಿತ್ ಮಾತ್ರ ಬದ್‍ಕ್‍ವಯಿಂಗ ಪಾಪ ಗುಣತ್‍ರ ಫಲವಾನ ಚಾವ್‍ನ ಕೊಯ್ಯುವ. ಆಚೇಂಗಿ ದೇವಡ ಆತ್ಮತ್‌ನ ಕುಶಿಪಡ್‍ತುವಕಾಯಿತ್ ಬದ್‍ಕ್‍ವಯಿಂಗ ಪವಿತ್ರಾತ್ಮ ತಪ್ಪ ನಿತ್ಯ ಜೀವತ್‍ನ ಕೊಯ್ಯುವ.

ಕೊಲೊಸ್ಸೆ 2:22

ಇದ್‍ನೆಲ್ಲಾ ಉಪಯೋಗಿಚಿಡ್‌ವಕ, ಪಾಳಾಯಿ ಪೋಪ ಅಲ್ಲ? ಎನ್ನಂಗೆಣ್ಣ್‌ಚೇಂಗಿ, ಇದೆಲ್ಲಾ ಮನುಷ್ಯಂಗಡ ಆಚಾರ ಪಿಂಞ ಬೋದನೆಯಾಯಿತ್ ಉಂಡ್.

2 ಪೇತ್ರ 1:4

ಇದ್‍ನಗುಂಡ್, ಅಂವೊ ನಂಗಕ್ ದುಂಬ ಬಲ್ಯ ಬೆಲೆಯುಳ್ಳ ವಾಗ್ದಾನವೆಲ್ಲ ತಂದಿಯತ್. ಅನ್ನನೆ, ಇದ್ಂಡ ಮೂಲಕ ದೇವಡ ಗುಣತ್‍ಲ್ ನಂಗ ಪಾಲ್‍ದಾರಂಗಳಾಯಿತ್ ಈ ಲೋಕತ್‍ಲ್ ಉಳ್ಳ ಇಚ್ಛೆರ ಮೂಲಕ ಬಪ್ಪ ಕ್‍ೕಡ್‍ಕ್ ತಪ್ಪ್‌ಚಿಡ್‌ವನೆಕೆ ಮಾಡ್‍ಚಿ.

2 ಪೇತ್ರ 2:19

ಅಯಿಂಗ ಕೇಡಾನ ಪಾಪಕ್ ಅಡಿಯಾಳಾಯಿತ್ಂಜತೇಂಗಿಯು, ಬೋರೆಯಿಂಗಕ್ ಬುಡ್‍ಗಡೇನ ವಾಗ್ದಾನಮಾಡಿಯಂಡುಂಡ್; ಏದ್ ವಿಷಯ ಒಬ್ಬನ ಗೆದ್ದ್‌ಚೋ ಅದ್ಂಗೇ ಅಂವೊ ಅಡಿಯಾಳಾಯಿತುಂಡ್.

ಯೂದ ಒಳ್‍ದ್‍ನ ಕಾಗದ 1:10

ಆಚೇಂಗಿ ನಿಂಗಡ ಮದ್ಯತ್‍ಲ್ ಕಳ್ಳ ಬೋದನೆ ಮಾಡಿಯಂಡುಳ್ಳ ಈ ಜನ ಅಯಿಂಗಕ್ ಅರ್ಥ ಆಕತ ವಿಷಯತ್‍ನ ಎಲ್ಲಾ ಕೆಟ್ಟದಾಯಿತ್ ತಕ್ಕ್ ಪರಿವ. ಪಿಂಞ ಬುದ್ದಿ ಇಲ್ಲತ ಪ್ರಾಣಿಯರನೆಕೆ ಅಯಿಂಗಕ್ ಗೊತ್ತುಳ್ಳ ವಿಷಯತ್‍ನ ಸ್ವಾಬಾವಿಕವಾಯಿತ್ ಕಳಿಚಿತ್, ಅದ್‍ಯಿಂಜ ಅಯಿಂಗಯಿಂಗಳೇ ಪಾಳ್ ಮಾಡಿಯೊವ.