2 ಪೇತ್ರ 1:19 - ಕೊಡವ ಬೈಬಲ್

¹⁹ ಈ ಅನುಬವ ನಂಗಕ್ ಕ್‍ಟ್ಟ್‌ನಗುಂಡ್, ಪ್ರವಾದಿಯಂಗ ಪ್ರವಾದನೆ ಮಾಡ್‍ನ ವಿಷಯತ್‍ಲ್ ನಂಗಕ್ ದುಂಬ ನಂಬಿಕೆ ಉಂಡ್. ಅಯಿಂಗ ಒಳ್‍ದಿ ಬೆಚ್ಚಿತುಳ್ಳದ್‍ನ ನಿಂಗ ಚಾಯಿ ನೋಟಂಡು. ಅಯಿಂಗಡ ವಾಕ್ಯವೆಲ್ಲ, ಇರ್‌ಟ್‌ಲ್ ಬೊಳಿ ತಪ್ಪ ಬೊಳ್‌ಚತ್‍ರನೆಕೆ ಉಂಡ್. ಪೊಲಾಕ ಆಪಕ ಬೊಳ್ಳಿ ಮೀನ್ ಬಪ್ಪನೆಕೆ, ಅಯಿಂಗಡ ವಾಕ್ಯ ನಿಂಗಡ ಹೃದಯತ್‍ಲ್ ಬೊಳಿಯುವಕತ್ತನೆ ಅದ್‍ನ ನೋಟಿಯಂಡ್ ಇಪ್ಪದ್ ನಲ್ಲದಾಯಿತಿಪ್ಪ.

2 ಪೇತ್ರ 1:19 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 6:23

ಎನ್ನಂಗೆಣ್ಣ್‌ಚೇಂಗಿ ಈ ಆಜ್ಞೆವೇ ನೀಕ್‌ ಬೊಳ್‌ಚವಾಯಿತು, ಈ ಬೋದನೆಯೇ ನೀಕ್‌ ಬೊಳಿಯಾಯಿತು, ಈ ಉಪದೇಶತ್‌ಂಜ ಬಪ್ಪ ತಿದ್ದುವಿಕೆಯೇ, ಬದ್‌ಕ್‌ ತಪ್ಪ ಬಟ್ಟೆಯಾಯಿತು ಇಪ್ಪ.

ಮತ್ತಾಯ 4:16

ಇರ್‌ಟ್‌ಲ್ ಉಳ್ಳ ಜನಯೆಲ್ಲ ಬಲ್ಯ ಬೊಳಿನ ಕಂಡತ್; ಚಾವ್‍ರ ದಿಕ್ಕ್‌ಲ್ ಉಳ್ಳಯಿಂಗಕ್ ಬೊಳಿ ಉದ್‍ಚಿತ್‍ೕಂದ್, ಯೆಶಾಯ ಪ್ರವಾದಿ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ಆಚಿ.

ಯೋಹಾನ 5:35

ಯೋಹಾನ ಕತ್ತಿಯಂಡ್ ಮಿನ್ನುವ ಬೊಳ್‍ಕ್‍ರನೆಕೆ ಇಂಜತ್; ನಿಂಗ ಸಹ ಚೆನ್ನ ಕಾಲ ಆ ಬೊಳಿರ ಬೋದನೆಲ್ ಕುಶಿ ಪಟ್ಟಂಡಿಂಜಿರ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 8:12

ಯೇಸು ಜನಳ ನೋಟಿತ್: ನಾನ್ ಲೋಕಕ್ ಬೊಳಿಯಾಯಿತ್ ಉಂಡ್, ದಾರ್ ನಾಡ ಬಯ್ಯಕ್ ಬಪ್ಪ, ಅಯಿಂಗ ಇರ್‌ಟ್‌ಲ್ ನಡ್‍ಪ್‍ಲೆ, ಆಚೇಂಗಿ ಜೀವ ತಪ್ಪ ಬೊಳಿಲ್ ನಡ್‌ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 17:11

ಆ ಪಟ್ಟಣತ್‍ರ ಸಬೇಲ್ ಉಳ್ಳಯಿಂಗ ತೊರ್‌ಂದ ಮನಸ್ಸ್‌ಲ್ ದೇವಡ ವಾಕ್ಯತ್‍ನ ಅಂಗಿಕಾರಮಾಡಿತ್, ಈಂಗಡ ಬೋದನೆಲ್ ಇನ್ನತೆಲ್ಲ ಸತ್ಯ ಉಂಡಾಂದ್, ದಿನಾಲು ದೇವಡ ವಾಕ್ಯತ್‍ಲ್ ತ್‍ೕಡಿಯಂಡಿಂಜಗುಂಡ್, ಥೆಸಲೊನೀಕ ಪಟ್ಟಣತ್‍ರ ದೇವಡ ಮಕ್ಕಕಿಂಜ ಚಾಯಿ ಗುಣಕಾರಂಗಳಾಯಿತ್ಂಜತ್.

ಇಬ್ರಿಯ 2:2

ಎನ್ನಂಗೆಣ್ಣ್‌ಚೇಂಗಿ, ದೇವದೂತಂಗಡ ಮೂಲಕ ಎಣ್ಣ್‌ನ ವಾಕ್ಯಕ್ ವಿರೋದವಾಯಿತ್ ಮಾಡ್‌ವ ಏದ್ ಪಾಪಕು, ತಗ್ಗಿತ್ ನಡ್‍ಕತ ವಿಷಯಕು, ದೇವ ನೀತಿಯಾಯಿತುಳ್ಳ ಶಿಕ್ಷೆ ತಪ್ಪಾಂದ್ ಅಂವೊಂಡ ವಾಕ್ಯ ದೃಡವಾಯಿತ್ ಎಣ್ಣಿಯಂಡುಂಡ್.

ಯಾಕೋಬ 2:8

ನಿಂಗ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‍ವಿರೋ ಅನ್ನನೆ ನೆರಮನೆಕಾರಳ ಪ್ರೀತಿ ಮಾಡ್‌ವಿರಾಂದ್ ಉಳ್ಳ ದೇವಡ ವಾಕ್ಯವಾನ ದೇವಡ ರಾಜ್ಯತ್‍ರ ಪ್ರಮಾಣತ್‍ನ ಮಾಡ್‍ಚೇಂಗಿ, ಅಕ್ಕ ನಿಂಗ ನಲ್ಲದ್ ಮಾಡ್‍ನನೆಕೆ.

1 ಪೇತ್ರ 1:10

ರಕ್ಷಣೆರ ವಿಷಯತ್, ನಿಂಗಕ್ ಕ್‍ಟ್ಟ್‌ವಾಂದ್ ಉಳ್ಳ ಈ ಕೃಪೇನ, ಪ್ರವಾದನೆಯಾಯಿತ್ ಎಣ್ಣ್‌ನ ಪ್ರವಾದಿಯಂಗ ಇದ್ಂಡ ಆಳತ್‍ನ ಗೊತ್ತ್‌ಮಾಡ್‍ವಕ್, ದುಂಬ ಶ್ರಮತ್‍ಲ್ ಪ್ರಯತ್ನಪಟ್ಟತ್.

1 ಯೋಹಾನ 5:10

ಆನಗುಂಡ್ ದೇವಡ ಮೋಂವೊಂಡಲ್ಲಿ ನಂಬಿಕೆ ಇಟ್ಟಿತುಳ್ಳಯಿಂಗಡ ಹೃದಯತ್‍ಲ್ ಈ ಸಾಕ್ಷಿ ಉಂಡ್. ಆಚೇಂಗಿ ದಾರೆಲ್ಲಾ ದೇವನ ನಂಬುಲೆಯೋ ಅಯಿಂಗ ಅಂವೊನ ಪೊಟ್ಟ್‌ಮಾರಿಯಾಯಿತ್ ಮಾಡಿಯಂಡುಂಡ್. ಎನ್ನನೆ ಎಣ್ಣ್‌ಚೇಂಗಿ ದೇವ ತಾಂಡ ಮೋಂವೊಂಡ ವಿಷಯತ್‍ಲ್ ಎಣ್ಣ್‌ನ ಸಾಕ್ಷಿನ ಅಯಿಂಗ ನಂಬಿತ್‌ಲ್ಲೆ.

3 ಯೋಹಾನ 1:6

ನೀನ್ ಕಾಟ್‍ನ ಪ್ರೀತಿನ ಅಯಿಂಗ ಇಲ್ಲಿ ಸಬೇಲ್ ಎಣ್ಣ್‌ಚಿ. ಇಂಞು ಅಯಿಂಗಳ ನೀನ್ ದೇವಡ ಸೇವಕಂಗಕ್ ಯೋಗ್ಯವಾನ ತರತ್‍ಲ್ ನೋಟಿತ್ ಅಯಿಚತೇಂಗಿ ಚಾಯಿಪ್ಪ.

ಪ್ರಕಟನೆ 2:28

ನಾನ್ ನಾಡ ಅಪ್ಪನಾನ ದೇವಡ ಕಡೇಯಿಂಜ ಅದಿಕಾರ ಪಡ್ಂದನೆಕೆ, ಅಂವೊಂಗ್ ಅದಿಕಾರ ಕೊಡ್‌ತಿತ್, ಪೊಲಾಕತ್‍ರ ನಕ್ಷತ್ರತ್‍ನ ಸಹ ತಪ್ಪಿ.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.