2 ಪೇತ್ರ 1:11 - ಕೊಡವ ಬೈಬಲ್

¹¹ ಇನ್ನನೆ ನಂಗಡ ಒಡೆಯನು ರಕ್ಷಕನುವಾಯಿತುಳ್ಳ ಯೇಸು ಕ್ರಿಸ್ತಂಡ ನಿತ್ಯ ರಾಜ್ಯತ್‍ರ ಒಳ್‍ಕ್ ಪೋಪಕುಳ್ಳ ಪೂರ್ತಿ ಸತ್ಕಾರ ನಿಂಗಕ್ ಕ್‍ಟ್ಟುವ.

2 ಪೇತ್ರ 1:11 ပူးပေါင်းရင်းမြစ်များ

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಯೋಹಾನ 10:10

ಕಳ್ಳ, ಬರಿ ಕಟ್ಟಂಡ್ ಪೋಪಕಾಯಿತು, ಕೊಲೆ ಮಾಡ್‌ವಕಾಯಿತು, ಪಾಳ್ ಮಾಡ್‌ವಕಾಯಿತು ಮಾತ್ರ ಬಪ್ಪ. ಆಚೇಂಗಿ, ನಾನ್ ಅಯಿಂಗಕ್ ನಿತ್ಯ ಜೀವ ಕ್‍ಟ್ಟ್‌ವಕು, ಆ ಜೀವತ್‍ನ ಅಯಿಂಗ ಪೂರ್ತಿಯಾಯಿತ್ ಅನುಬವಿಚಿಡುವಕು ಬಂದಿಯೆ.

ರೋಮ್ 2:4

ಅಥವ, ನಿಂಗ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಬಪ್ಪಕ್ ದೇವಡ ದಯೆ ನಿಂಗಳ ಕಾಕಿಯಂಡ್ ಉಂಡ್‍ೕಂದ್ ಗೊತ್ತಿಲ್ಲತೆ, ದೇವಡ ದಾರಾಳವಾಯಿತುಳ್ಳ ದಯೆ, ಸಯಿಸುವ ಗುಣ ಪಿಂಞ ತಾಳ್ಮೆ ಇನ್ನತಾನ ಐಶ್ವರ್ಯತ್‍ನ ಅಲ್ಲಗೆಳೆಯುವಿರ?

1 ಕೊರಿಂಥ 15:24

ಇದಾನ ಪಿಂಞ ಅಂತ್ಯಕಾಲ ಬಪ್ಪ, ಅಕ್ಕ ಕ್ರಿಸ್ತ, ಎಲ್ಲಾ ರಾಜ್ಯಬಾರತ್‍ನ, ಎಲ್ಲಾ ಅದಿಕಾರತ್‍ನ, ಎಲ್ಲಾ ಶಕ್ತಿಯಳ ನಾಶ ಮಾಡಿತ್, ಅಪ್ಪನಾನ ದೇವಕ್ ಒಪ್ಪ್‌ಚಿಡುವ.

2 ಕೊರಿಂಥ 5:1

ಇಕ್ಕ, ಈ ಲೋಕತ್‍ರ ಗುಡಾರವಾಯಿತುಳ್ಳ ಮಣ್ಣ್‌ರ ಮನೇರನೆಕೆ ಉಳ್ಳ ನಂಗಡ ತಡಿ ಪಾಳಾಯಿ ಪೋಚೇಂಗಿಯು, ಕೈಯಿಲ್ ಮಾಡತ, ದೇವ ಕೆಟ್ಟ್‌ನ ನಿತ್ಯ ಮನೆಲ್ ನಂಗಕಾಯಿತ್ ಮಾಡ್‍ನ ನಿತ್ಯ ತಡಿ ಪರಲೋಕತ್‍ಲ್ ಬೆಚ್ಚಿತುಂಡ್‍ೕಂದ್ ನಂಗಕ್ ಗೊತ್ತುಂಡ್.

ಎಫೆಸ 3:20

ಇಕ್ಕ, ನಂಗಡಲ್ಲಿ ಬಲ್ಯ ಶಕ್ತಿಲ್ ಕ್ರಿಯೆ ಮಾಡಿಯಂಡ್, ನಂಗ ಬೋಡ್‌ವಕು ಗೇನಮಾಡ್‌ವಕು ಜಾಸ್ತಿಯಾಯಿತ್ ದುಂಬ ಮಾಡ್‌ವಕ್ ಶಕ್ತಿವಂತನಾನ ಅಂವೊಂಗ್,

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

2 ತಿಮೊಥೆಯ 4:18

ಅಕ್ಕು, ದೇವ ನನ್ನ ಎಲ್ಲಾ ಸೈತಾನಂಡ ಕ್‍ೕಡಿಂಜ ಕಾಪಾಡಿತ್, ಅಂವೊಂಡ ಪಕ್ಕ ಪರಲೋಕ ರಾಜ್ಯಕ್ ಕೂಟಿಯೊವ. ನಿತ್ಯ ನಿತ್ಯಕೂ ಅಂವೊಂಗ್ ಮಹಿಮೆ ಕ್‍ಟ್ಟಡ್.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಇಬ್ರಿಯ 6:17

ಅನ್ನನೆ ದೇವ ಸಹ, ವಾಗ್ದಾನ ಮಾಡ್‍ನದ್‍ನ ಪಡೆಯುವಯಿಂಗಕ್, ತಾಂಡ ಆಲೋಚನೆರ ಬದ್‍ಲಾಕತ ನಿಶ್ಚಯತ್‍ನ ಪೂರ್ತಿಯಾಯಿತ್ ಕಾಂಬ್‍ಚಿಡುವಕ್ ಕುಶಿಪಟ್ಟಗುಂಡ್, ಒರೇ ಆಣೆರ ಮೂಲಕ ಸ್ತಿರಪಡ್‍ತ್‍ಚಿ.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

2 ಪೇತ್ರ 1:5

ಈ ಕಾರಣಕಾಯಿತ್, ನಿಂಗ ದುಂಬ ಜಾಗ್ರತೆಲ್, ನಿಂಗಡ ನಂಬಿಕೇರ ಕೂಡೆ ದುಂಬ ನಲ್ಲ ಗುಣತ್‍ನ, ನಲ್ಲ ಗುಣತ್‍ರ ಕೂಡೆ ದೈರ್ಯತ್‍ನ, ದೈರ್ಯತ್‍ರ ಕೂಡೆ ಜ್ಞಾನತ್‍ನ,

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.

ಪ್ರಕಟನೆ 3:21

ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.

ಪ್ರಕಟನೆ 5:10

ನಂಗಡ ದೇವಡ ಮಿಂಞತ್, ಅಯಿಂಗಳ ರಾಜಂಗಳಾಯಿತು, ಯಾಜಕಂಗಳಾಯಿತು ಮಾಡಿತ್: ಅಯಿಂಗ ಬೂಮಿಲ್ ರಾಜ್ಯಬಾರ ಮಾಡ್‌ವಾಂದ್, ಒರ್ ಪುದಿಯ ಪಾಟ್ ಪಾಡ್‌ಚಿ.