2 ಯೋಹಾನ 1:6 - ಕೊಡವ ಬೈಬಲ್

⁶ ನಂಗ ಅಂವೊಂಡ ಆಜ್ಞೆಕ್ ಬಗ್ಗಿತ್ ನಡ್‍ಪದೇ ಪ್ರೀತಿ. ನಿಂಗ ಆದಿಯಿಂಜಲೆ ಕ್‍ೕಟನೆಕೆ, ಮಾಡ್‍ವಕುಳ್ಳ ಆಜ್ಞೆ ಎಂತ ಎಣ್ಣ್‌ಚೇಂಗಿ ನಿಂಗ ಎಲ್ಲಾರು ಪ್ರೀತಿಲ್ ಬದ್‍ಕಂಡೂಂದ್ ಉಳ್ಳದೇ.

2 ಯೋಹಾನ 1:6 ပူးပေါင်းရင်းမြစ်များ

ಯೋಹಾನ 14:15

ನಿಂಗಕ್ ನಾಡ ಮೇಲೆ ಪ್ರೀತಿ ಉಂಡೇಂಗಿ ನಾಡ ಆಜ್ಞೆಂಗಕ್ ಬಗ್ಗಿತ್ ನಡ್‍ಪಿರ.

ಯೋಹಾನ 14:21

ನಾಡ ಆಜ್ಞೆನ ಪಡ್ಂದಿತ್ ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನನ್ನ ಪ್ರೀತಿ ಮಾಡ್‌ವಯಿಂಗ; ನನ್ನ ಪ್ರೀತಿ ಮಾಡ್‌ವಯಿಂಗಳ ನಾಡ ಅಪ್ಪ ಪ್ರೀತಿ ಮಾಡ್‌ವ. ನಾನ್ ಸಹ ಅಯಿಂಗಳ ಪ್ರೀತಿ ಮಾಡಿತ್, ನನ್ನ ಅಯಿಂಗಕ್ ಕಾಂಬ್‌ಚಿಡ್‍ವೀಂದ್ ಎಣ್ಣ್‌ಚಿ.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 15:10

ನಾನ್ ನಾಡ ಅಪ್ಪಂಡ ಆಜ್ಞೆರ ಪ್ರಕಾರ ನಡ್ಂದಂಡ್ ಅಂವೊಂಡ ಪ್ರೀತಿಲ್ ಸ್ತಿರವಾಯಿತ್ ಇಪ್ಪನೆಕೆ ನಿಂಗಳು ನಾಡ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇಪ್ಪಿರ.

ಯೋಹಾನ 15:14

ನಾನ್ ನಿಂಗಕ್ ಎಣ್ಣ್‌ನ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಿಂಗ ನಾಡ ಸ್ನೇಹಿತಂಗಳಾಯಿತಿಪ್ಪಿರ.

1 ಯೋಹಾನ 2:24

ನಿಂಗ ಏದ್ ಉಪದೇಶತ್‍ನ ಆದಿಯಿಂಜ ಕ್‍ೕಟಿತುಳ್ಳಿರ ಅದ್ ನಿಂಗಡಲ್ಲಿ ಎಕ್ಕಾಲು ಇರಂಡು. ಆದಿಯಿಂಜ ನಿಂಗ ಕ್‍ೕಟದ್, ನಿಂಗಡಲ್ಲಿ ಇಂಜತೇಂಗಿ, ನಿಂಗ ಅಪ್ಪನಾನ ದೇವಡ ಕೂಡೆ ಪಿಂಞ ಅಂವೊಂಡ ಮೋಂವೊಂಡ ಕೂಡೆ ಉಳ್ಳ ಐಕ್ಯತ್‍ಲ್ ಎಕ್ಕಾಲು ಬದ್‍ಕ್‍ವಿರ.

1 ಯೋಹಾನ 2:5

ಆಚೇಂಗಿ ದಾರ್ ಅಂವೊಂಡ ತಕ್ಕ್‌ನ ಮೀರತೆ ನಡ್‍ಪ, ನೇರಾಯಿತ್ ಅಂವೊಂಡಲ್ಲಿ ದೇವಡ ಪ್ರೀತಿ ಪೂರ್ತಿಯಾಯಿತ್‌ಪ್ಪ. ಅನ್ನನೆ ಮಾಡ್‍ಚೇಂಗಿ ಮಾತ್ರ ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 2:7

ಪ್ರೀತಿರ ಮಕ್ಕಳೇ, ನಾನ್ ನಿಂಗಕ್ ಒಳ್‍ದಿಯಂಡುಳ್ಳ ಈ ಆಜ್ಞೆ ಪುದಿಯದಲ್ಲ. ಇದ್ ಪಳೆಯದೇ. ಆದಿಯಿಂಜಲೆ ನಿಂಗಕ್ ಇಂಜದ್. ಪಳೆಯ ಆಜ್ಞೆನ ನಿಂಗ ಮಿಂಞಲೇ ಕ್‍ೕಟಿತುಳ್ಳಿರ.

1 ಯೋಹಾನ 5:15

ನಂಗ ಎಂತ ಕ್‍ೕಟತೇಂಗಿಯು ಅಂವೊ ನಂಗಕ್ ಕೆಮಿ ಕೊಡ್‍ಪಾಂದ್ ಗೊತ್ತ್‌ಂಜತೇಂಗಿ, ಅಂವೊಂಡಲ್ಲಿ ನಂಗ ಕ್‍ೕಟದೆಲ್ಲ ಕ್‌ಟ್ಟ್‌ಚೀಂದು ನಂಗಕ್ ಗೊತ್ತುಂಡ್.

1 ಯೋಹಾನ 5:3

ದೇವಡ ಆಜ್ಞೆರನೆಕೆ ನಡ್ಂದತೇಂಗಿ ಅಂವೊನ ಪ್ರೀತಿ ಮಾಡ್‌ವನೆಕೆ. ಪಿಂಞ ಅಂವೊಂಡ ಆಜ್ಞೆನ ಮಾಡ್‌ವಕ್ ನಂಗಕ್ ದುಂಬ ಕಷ್ಟವಾಯಿತ್‌ಪ್ಪುಲೆ.

2 ಯೋಹಾನ 1:5

ಇಕ್ಕಲು ಅವ್ವ, ನಂಗ ಒಬ್ಬೊಬ್ಬನ ಪ್ರೀತಿ ಮಾಡಂಡೂಂದ್, ನಿಂಗಕ್ ಪುದಿಯ ಆಜ್ಞೆಯಾಯಿತ್ ಒಳ್‍ದತೆ, ಆದಿಯಿಂಜಲೆ ನಂಗಕ್ ಇಂಜ ಆಜ್ಞೆನ ಒಳ್‍ದಿತ್ ನಿಂಗಳ ಬೋಡುವಿ.