2 ಯೋಹಾನ 1:10 - ಕೊಡವ ಬೈಬಲ್

¹⁰ ಈ ಉಪದೇಶಕ್ ಒತ್ತತೆ ನಿಂಗಡ ಪಕ್ಕ ದಾರಾಚೇಂಗಿ ಬಂದಕ, ಅಯಿಂಗಳ ನಿಂಗಡ ಮನೆರ ಒಳ್‍ಕ್ ಕೂಟ್‌ವಕ್ಕಾಗ; ಅಯಿಂಗಳ ಸತ್ಕಾರ ಸಹ ಮಾಡ್‌ವಕ್ಕಾಗ.

2 ಯೋಹಾನ 1:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:12

ಅಂವೊ ಅಲ್ಲಿಂಜ: ನಾಡ ಎಜಮಾನಂಗ್‌ ದೇವನಾಯಿತುಳ್ಳ ಯೆಹೋವನೇ, ಇಂದ್‌ ನಾನ್‌ ಇಲ್ಲಿಕ್‌ ಬಂದ ವಿಷಯತ್‌ನ ನೆರವೀರಿಚಿಟ್ಟಿತ್‌ ನಾಡ ಎಜಮಾನಂಗ್‌ ಕರುಣೆ ಕಾಟ್.

ಅಪೊಸ್ತಲ 15:23

ಅಯಿಂಗಡ ಕೈಯಿಲ್ ಕಾಗದ ಒಳ್‍ದಿತ್ ಕೊಡ್‍ತತ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಯಿಂಗಳಾತುಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ, ಅಂತಿಯೋಕ್ಯ, ಸಿರಿಯ ಪಿಂಞ ಕಿಲಿಕ್ಯ ಸೀಮೆಲ್ ವಾಸ ಮಾಡ್‌ವ ಯೇಸುನ ನಂಬ್‍ನ ಯೆಹೂದ್ಯ ಅಲ್ಲತಯಿಂಗಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಎಂತ ಎಣ್ಣ್‌ಚೇಂಗಿ:

1 ಕೊರಿಂಥ 16:22

ಒಬ್ಬ, ಒಡೆಯನ ಪ್ರೀತಿ ಮಾಡತೆ ಪೋಚೇಂಗಿ ಅಂವೊಂಡ ಮೇಲೆ ಶಾಪ ಬರಡ್. ಓ ನಂಗಡ ಒಡೆಯನೇ ಬಾ.

1 ಕೊರಿಂಥ 5:11

ನಾನ್ ನಿಂಗಕ್ ಎಂತ ಒಳ್‍ದಿಯೆ ಎಣ್ಣ್‌ಚೇಂಗಿ, ಯೇಸು ಕ್ರಿಸ್ತನ ನಂಬ್‍ವಂವೋಂದ್ ಎಣ್ಣಿಯಂಡ್, ಆಚೇಂಗಿ ವ್ಯಬಿಚಾರ ಮಾಡಿಯಂಡ್, ದುಡ್ಡ್‌ರ ಮೇಲೆ ಅತಿ ಆಸೆ ಬೆಚ್ಚಂಡ್, ವಿಗ್ರಹ ಆರಾದನೆ ಮಾಡಿಯಂಡ್, ಬಜ್ಜಂಡ್, ಕುಡ್‌ಚಂಡ್, ಜನಳ ವಂಚನೆ ಮಾಡಿಯಂಡ್ ಉಳ್ಳಯಿಂಗಡ ಕೂಡೆ ಕೂಟ್ ಕೂಡತೀಂದ್ ಎಣ್ಣಿಯೆ. ಅಂತ ಜನಡ ಕೂಡೆ ಉಂಬಕ್ ಸಹ ಅಳ್‌ಕತಿ.

2 ಥೆಸಲೊನೀಕ 3:14

ಈ ಕಾಗದತ್‍ಲ್ ಉಳ್ಳ ಬೋದನೆಕ್ ಒಬ್ಬ ತಗ್ಗಿತ್ ನಡ್‍ಕತೆ ಪೋನಕ, ಅಂವೊನ ಎಲ್ಲಾಡ ಮಿಂಞ ಕಂಡ್‍ಪುಡ್‌ಚಿತ್, ಅಂವೊನ ದೂರ ಮಾಡಂಡು. ಅಕ್ಕ ಅಂವೊ ಅನ್ನನೆ ಮಾಡ್‌ನಾಂಗ್ ಅಂವೊಂಗ್ ಞಾಣ ಆಪ.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:10

ಕಳ್ಳ ಬೋದನೆ ಮಾಡಿತ್, ದೇವಡ ಮಕ್ಕಳ ಬೋರೆ ಬೋರೆ ಮಾಡ್‌ವಯಿಂಗಕ್, ಒರು ಕುರಿ ಅಥವ ದಂಡ್ ಕುರಿ ಎಚ್ಚರ ಮಾಡ್. ಅದ್ಂಗ್ ಅಯಿಂಗ ಕೆಮಿ ಕೊಡ್‍ಕತೆ ಪೋನಕ, ಅಯಿಂಗಳ ತಿರಸ್ಕಾರ ಮಾಡ್.

2 ಯೋಹಾನ 1:11

ಅನ್ನನೆ ಸತ್ಕಾರ ಮಾಡ್‌ವಯಿಂಗ, ಅಯಿಂಗಡ ಕೆಟ್ಟ ಕೆಲಸತ್‍ಲ್ ಪಾಲ್‍ದಾರಂಗ ಆಪ.

3 ಯೋಹಾನ 1:10

ಅದ್ಂಗಾಯಿತ್ ನಾನ್ ನಿಂಗಡ ಪಕ್ಕ ಬಂದತೇಂಗಿ ಅಂವೊ ಮಾಡ್‌ವ ಕೆಟ್ಟ ಕೆಲಸತ್‍ನ ನಿಂಗಕ್ ಕಾಟಿತಪ್ಪಿ. ನಂಗಡ ವಿಷಯತ್‍ಲ್, ಎಣ್ಣುವಕ್ಕಾಗತ ಕೆಟ್ಟ ತಕ್ಕ್‌ನ ಅಂವೊ ಪರ್ಂದಂಡುಂಡ್. ಅದ್‍ಲ್ ಅಯಿಂಗ ತೃಪ್ತಿ ಆಕತನೆಕೆ, ಯೇಸುನ ನಂಬ್‍ನಯಿಂಗಳ ಸಬೇಕ್ ಸತ್ಕಾರ ಮಾಡತೆ, ಪಿಂಞ ಬೋರೆ ದಾರೇಂಗಿಯು ಅಯಿಂಗಳ ಸತ್ಕಾರ ಮಾಡ್‍ಚೇಂಗಿ ಅಯಿಂಗಳ ಸಹ ಸಬೇಕ್ ಪೊರಮೆ ಇಟ್ಟಂಡುಂಡ್.