2 ಕೊರಿಂಥ 9:14 - ಕೊಡವ ಬೈಬಲ್

¹⁴ ಆನಗುಂಡ್ ದೇವ ನಿಂಗಕ್ ದಾರಾಳವಾಯಿತ್ ಕೊಡ್‍ತ ಕೃಪೆಕಾಯಿತ್ ನಿಂಗಕ್ ಪ್ರಾರ್ಥನೆ ಮಾಡಿತ್, ನಿಂಗಡ ಮೇಲೆ ದುಂಬ ಪ್ರೀತಿಲ್ ಇಪ್ಪ.

2 ಕೊರಿಂಥ 9:14 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:26

ಬೆಲೆ ಜಾಸ್ತಿ ಆಂಡೂಂದ್‌ ಆಹಾರ ದಾನ್ಯತ್‌ನ ಕೆಟ್ಟಿ ಬೆಪ್ಪಂವೊಂಗ್‌ ಜನ ಶಾಪ ಇಡುವ. ಆಚೇಂಗಿ ಅದ್‌ನ ಮಾರ್ವಂವೊಂಗ್‌ ಆಶೀರ್ವಾದ ಕ್‌ಟ್ಟುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:9

ಆನಗುಂಡ್ ನಾನ್ ನಿಂಗಕ್ ಎಣ್ಣ್‌ವಿ: ಈ ಲೋಕತ್‍ಲ್ ಉಳ್ಳ ಪಾಳಾಯಿ ಪೋಪ ನಿಂಗಡ ದುಡ್ಡ್ ಪಿಂಞ ಐಶ್ವರ್ಯತ್‍ರ ಮೂಲಕ ಬೋರೆಯಿಂಗಕ್ ಪ್ರಯೋಜನ ಆಪನೆಕೆ ಮಾಡಿತ್, ಸ್ನೇಹಿತಂಗಳ ಕೂಟಿಯೊಳಿ. ಈ ಲೋಕತ್‍ರ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ಅಯಿಂಗ ನಿಂಗಳ ನಿತ್ಯ ವಾಸ ಮಾಡ್‍ವಕ್ಕುಳ್ಳ ಜಾಗತ್‍ಲ್ ಸ್ವೀಕಾರ ಮಾಡ್‌ವ.

ರೋಮ್ 1:11

ನಿಂಗಕ್ ಆತ್ಮೀಯ ವರತ್‍ನ ಪಾಲ್ ಮಾಡಿತ್, ನಿಂಗಳ ದೇವಡ ವಿಷಯತ್‍ಲ್ ಸ್ತಿರಪಡ್‌ತ್‍ವಕಾಯಿತ್, ನಿಂಗಳೆಲ್ಲ ಕಾಂಬಕ್ ನಾನ್ ದುಂಬ ಕುಶೀಲ್ ಉಳ್ಳ.

2 ಕೊರಿಂಥ 1:11

ನಿಂಗ ನಿಂಗಡ ಪ್ರಾರ್ಥನೆರ ಮೂಲಕ ನಂಗಕ್ ಸಹಾಯ ಮಾಡಂಡು. ಅಕ್ಕ, ನಂಗಡ ಬದ್ರತೆಕಾಯಿತ್ ಮಾಡ್‍ನ ಪ್ರಾರ್ಥನೆಕ್ ದೇವ ಉತ್ತರ ಕೊಡ್‌ತಿತ್ ನಂಗಳ ಆಶೀರ್ವಾದ ಮಾಡ್‍ಚೇಂದ್ ದುಂಬ ಜನ ನಂಗಕಾಯಿತ್ ವಂದನೆ ಎಣ್ಣುವ.

2 ಕೊರಿಂಥ 8:1

ನಾಡ ಅಣ್ಣತಮ್ಮಣಂಗಳೇ, ಮಕೆದೋನ್ಯ ಪ್ರಾಂತ್ಯತ್‍ರ ಸಬೇಕ್ ದೇವ ಕೊಡ್‍ತ ಕೃಪೇನ ನಿಂಗಕ್ ಅರಿಚಿಟ್ಟಂಡುಂಡ್.

2 ಕೊರಿಂಥ 9:13

ಅಯಿಂಗ ಈ ಪಣದಾನತ್‍ರ ಸಹಾಯತ್‍ನ ಅನುಬವಿಚಿಟ್ಟಿತ್, ನಿಂಗ ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗಿತ್ ಅರಿಕೆ ಮಾಡ್‍ನಗುಂಡ್, ಅಯಿಂಗಕು ಬೋರೆ ಎಲ್ಲಾರ್‌ಕು ನಿಂಗ ದಾರಾಳವಾಯಿತ್ ದಾನ ಮಾಡ್‍ನಂಗಾಯಿತ್ ದೇವನ ತುದಿಪ.

2 ಕೊರಿಂಥ 9:15

ದೇವ ಮಾಡ್‍ನ ಎಣ್ಣ್‌ವಕಯ್ಯತ ಅಂವೊಂಡ ಇನಾಮ್‍ಕಾಯಿತ್ ಅಂವೊಂಗ್ ವಂದನೆ.

ಫಿಲಿಪ್ಪಿ 1:8

ಕ್ರಿಸ್ತ ಯೇಸುರ ಪಕ್ಕ ಉಳ್ಳ ಕನಿಕರತ್ಂಜ ನಿಂಗಡ ಮೇಲೆ ನಾಕ್ ಎಚ್ಚಕ್ ಪ್ರೀತಿ ಉಂಡ್‍ೕಂದ್ ದೇವನೇ ನಾಕ್ ಸಾಕ್ಷಿ.

ಫಿಲಿಪ್ಪಿ 2:26

ಅಂವೊ ನಿಂಗಳ ಕಾಂಗಂಡೂಂದ್ ದುಂಬ ಆಸೇಲ್ ಇಂಜತ್. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ಸೌಕ್ಯ ಇಲ್ಲತದ್ ನಿಂಗಕ್ ಗೊತ್ತಾನಗುಂಡ್ ಅಂವೊ ದುಂಬ ವ್ಯಸನ ಪಟ್ಟತ್.

ಫಿಲಿಪ್ಪಿ 4:1

ಇದ್ಂಗಾಯಿತ್ ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಇಲ್ಲಿಕತ್ತನೆ ಎಣ್ಣ್‌ನದ್‍ನ ಗೇನ ಮಾಡಿಯಂಡ್ ಒಡೆಯಂಡ ವಿಷಯತ್‍ಲ್ ಸ್ತಿರವಾಯಿತ್ ಇರಿ. ನಾನ್ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‌ವಿ, ನಿಂಗಳ ಕಾಂಗಂಡೂಂದ್ ನಾಕ್ ದುಂಬ ಆಸೆ ಉಂಡ್. ನಿಂಗಳೇ ನಾಡ ಕುಶಿ, ನಿಂಗಳೇ ನಾಡ ಕಷ್ಟಕೆಲ್ಲ ಕ್‍ಟ್ಟ್‌ನ ಕಿರೀಟ.

1 ತಿಮೊಥೆಯ 1:14

ನಂಗಡ ಒಡೆಯಂಡ ಕೃಪೆ, ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ನಂಬಿಕೆ ಪಿಂಞ ಪ್ರೀತಿನ ನಾಡ ಮೇಲೆ ಪೂರ್ತಿಯಾಯಿತ್ ದುಂಬ್‍ಚಿಟ್ಟತ್.