2 ಕೊರಿಂಥ 8:9 - ಕೊಡವ ಬೈಬಲ್

⁹ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

2 ಕೊರಿಂಥ 8:9 ပူးပေါင်းရင်းမြစ်များ

ಮತ್ತಾಯ 17:27

ಆಚೇಂಗಿಯು, ನಂಗಡ ವಿಷಯತ್‍ಲ್ ಅಯಿಂಗ ಬೇಜಾರ್ ಮಾಡಂಡ. ನೀನ್ ಸಮುದ್ರಕ್ ಪೋಯಿತ್ ಮೀನ್‌ಕ್ ಗಾಣ ಇಡ್, ಅಕ್ಕ ಒರ್ ಮೀನ್ ಕ್‍ಟ್ಟುವ. ಅದ್ಂಡ ಬಾಯಿರ ಒಳ್‍ಲ್ ಒರ್ ಬೊಳ್ಳಿ ಉರುಪಿಯ ಕ್‍ಟ್ಟುವ; ಅದ್‍ನ ನಾಕಾಯಿತ್, ನೀಕಾಯಿತ್, ಈ ದೇವಾಲಯತ್‍ರ ಕಂದಾಯ ಎಡ್‌ಪಯಿಂಗಡ ಪಕ್ಕ ಕೊಡ್‍ೕಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಮತ್ತಾಯ 8:20

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಮಾರ್ಕ 6:3

ಇಂವೊ ಒರ್ ಆಚಾರಿಯಲ್ಲ? ಮರಿಯಂಡ ಮೋಂವೊನಲ್ಲಾ? ಇಂವೊ ಯಾಕೋಬ, ಯೋಸೆ, ಯೂದ ಪಿಂಞ ಸೀಮೋನ ಎಣ್ಣುವಯಿಂಗಡ ಅಣ್ಣನಲ್ಲಾ? ಅಂವೊಂಡ ತಂಗೆಯೆಲ್ಲ ಇಲ್ಲಿ ವಾಸಮಾಡಿಯಂಡುಂಡಲ್ಲಾಂದ್ ಎಣ್ಣಿಯಂಡ್ ಅಲ್ಲಿ ಉಳ್ಳಯಿಂಗ ಅಂವೊಂಡ ವಿಷಯತ್‍ಲ್ ಬೇಜಾರ್ ಮಾಡಿಯಂಡ್, ಅಂವೊ ಎಣ್ಣ್‌ವಾನ ಅಯಿಂಗಕ್ ನಂಬ್‍ವಕ್ ಕಯಿಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:11

ಇನ್ನನೆ ಇಪ್ಪಕಾಪಕ, ಈ ಲೋಕತ್‍ರ ಆಸ್ತಿಲ್ ನಂಬಿಕಸ್ತನಾಯಿತ್ ಇರತೆಪೋನಕ ನೇರಾನ ಆಸ್ತಿರ ವಿಷಯತ್‍ಲ್ ನಿಂಗಳ ದಾರ್ ನಂಬುವ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:7

ಅವ ಮೊದ ಕ್‍ಣ್ಣ ಕುಂಞಿನ ಪೆತ್ತತ್. ಅಯಿಂಗಕ್ ಚತ್ರತ್‌ಲ್ ಜಾಗ ಇಲ್ಲತ ಕಾರಣ ಅವ ಕುಂಞಿನ ಬಟ್ಟೇಲ್ ಸುತ್ತುವಂಜಿ ಒರ್ ಕೊಟ್ಟ್‌ಲ್ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:3

ಹೆರೋದ ರಾಜಂಡಲ್ಲಿ ಒರ್ ಮುಕ್ಯ ಅದಿಕಾರಿಯಾಯಿತ್ ಕೆಲಸ ಮಾಡಿಯಂಡಿಂಜ ಕೂಜ ಎಣ್ಣ್‌ವಂವೊಂಡ ಪೊಣ್ಣ್ ಯೊಹನ್ನ ಎಣ್ಣುವಯಿಂಗಳೇ. ಬೋರೆ ದುಂಬ ಪೊಣ್ಣಾಳುವಳು ಯೇಸುರ ಕೂಡೆ ಇಂಜತ್. ಈ ಪೊಮ್ಮಕ ಅಯಿಂಗಡ ಸ್ವಂತ ಆಸ್ತಿಯಿಂಜ ಯೇಸು ಪಿಂಞ ಅಂವೊಂಡ ಶಿಷ್ಯಂಗಕ್ ಸೇವೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:58

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 1:10

ಅಂವೊ ಈ ಲೋಕತ್‍ಲ್ ಇಂಜತ್, ಅಂವೊಂಡ ಮೂಲಕ ಲೋಕತ್‍ನ ದೇವ ಸೃಷ್ಟಿ ಮಾಡ್‍ಚಿ. ಆಚೇಂಗಿ ಅಯಿಂಗ ಅಂವೊನ ಅರ್ಥ ಮಾಡಿತ್‌ಲ್ಲೆ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಯೋಹಾನ 12:30

ಯೇಸು ಅಯಿಂಗಳ ನೋಟಿತ್: ಈ ವಾಣಿ ನಿಂಗಕಾಯಿತೇ ಬಾತ್, ನಾಕಾಯಿತ್ ಬಂದದಲ್ಲ.

ಯೋಹಾನ 16:15

ನಾಡ ಅಪ್ಪಂಡ ಪಕ್ಕ ಉಳ್ಳದೆಲ್ಲಾ ನಾಡದ್, ಆನಗುಂಡ್, ಪವಿತ್ರಾತ್ಮ ನನ್ನಿಂಜ ಎಡ್‍ತಿತ್ ನಿಂಗಕ್ ಕಾಂಬ್‍ಚಿಡುವಾಂದ್ ಎಣ್ಣಿಯೆ.

ಯೋಹಾನ 17:19

ಅಯಿಂಗಳಗುಂಡ್ ನನ್ನ ನಾನ್ ಪವಿತ್ರವಾಯಿತ್ ಮಾಡ್‌ವಿ, ಅಕ್ಕ ಈಂಗಳು ಸತ್ಯತ್‍ರಗುಂಡ್ ನೀಕ್ ಪವಿತ್ರವಾಯಿತ್ ಆಪ.

ರೋಮ್ 11:12

ಅಯಿಂಗ ಮೀರ್‍ನಗುಂಡ್ ಲೋಕಕ್ ಐಶ್ವರ್ಯವು, ಅಯಿಂಗಡ ನಷ್ಟ ಯೆಹೂದ್ಯ ಅಲ್ಲತಯಿಂಗಕ್ ಆಶೀರ್ವಾದವು ಆಯಿತ್ಂಜತೇಂಗಿ, ಅಯಿಂಗ ಎಲ್ಲಾರು ಸ್ವೀಕಾರ ಮಾಡ್‍ಚೇಂಗಿ ಎಚ್ಚಕ್ ಬಲ್ಯದಾಯಿತಿಪ್ಪ.

ರೋಮ್ 15:3

ಕ್ರಿಸ್ತ ಸಹ ಅಂವೊಂಡ ಕುಶಿಕಾಯಿತ್ ನಡ್‍ಕತೆ, ನಿಂಗಳ ದೂಷಣೆ ಮಾಡ್‌ವಯಿಂಗಡ ದೂಷಣೆ ನಾಡ ಮೇಲೆ ಬುದ್ದತ್‍ೕಂದ್ ಒಳ್‍ದಿತುಳ್ಳನೆಕೆ ಬದ್‍ಕ್‍ಚಿ.

ರೋಮ್ 5:8

ಆಚೇಂಗಿ, ನಂಗ ಪಾಪಿಯಳಾಯಿತ್ ಇಪ್ಪಕಲೆ ಕ್ರಿಸ್ತ ನಂಗಕಾಯಿತ್ ಚತ್ತಗುಂಡ್, ಅದ್, ದೇವ ನಂಗಡ ಮೇಲೆ ಬೆಚ್ಚಿತ್ಂಜ ಪ್ರೀತಿನ ಕಾಟುವ.

ರೋಮ್ 8:32

ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ?

1 ಕೊರಿಂಥ 1:4

ಕ್ರಿಸ್ತ ಯೇಸುರ ಮೂಲಕ ನಿಂಗಕ್ ಕ್‍ಟ್ಟ್‌ನ ದೇವಡ ಕೃಪೆಕಾಯಿತ್, ನಾನ್ ನಿಂಗಡ ವಿಷಯತ್‍ಲ್ ಎಕ್ಕಾಲು ದೇವನ ತುದಿಚಂಡುಂಡ್.

1 ಕೊರಿಂಥ 15:47

ಆದ್ಯ ಮನುಷ್ಯನಾನ ಆದಾಮ ಮಣ್ಣಿಂಜ ಬಂದಂವೊ, ದಂಡನೆಯಂವೊನಾನ ಕ್ರಿಸ್ತ ಪರಲೋಕತ್ಂಜ ಬಂದಂವೊ.

2 ಕೊರಿಂಥ 13:14

ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು, ದೇವಡ ಪ್ರೀತಿಯು, ಪವಿತ್ರಾತ್ಮಂಡ ಐಕ್ಯವು ನಿಂಗ ಎಲ್ಲಾಡ ಕೂಡೆ ಇಕ್ಕಡ್. ಆಮೆನ್.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

ಎಫೆಸ 3:19

ಮನುಷ್ಯಂಗಡ ಬುದ್ದಿಕ್ ಅರ್ಥ ಆಕತ ಆ ಪ್ರೀತಿನ ಗೊತ್ತಾಪಕುಳ್ಳ ಶಕ್ತಿ ಪಡ್ಂದಯಿಂಗಳಾಯಿತ್ ಇರಂಡೂಂದ್ ಪಿಂಞ ದೇವ ಅಂವೊಂಡ ಪರಿಪೂರ್ನತ್‍ರನೆಕೆ ನಿಂಗಳ ದುಂಬ್‍ಚಿಡಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

1 ತಿಮೊಥೆಯ 6:18

ನಲ್ಲದ್ ಮಾಡ್‌ವದ್‍ಲ್, ಸಹಾಯ ಮಾಡ್‌ವದ್‍ಲ್ ಐಶ್ವರ್ಯವಂತಂಗಳಾಯಿತ್, ಉದಾರ ಮನಸ್ಸ್‌ಲ್ ಕೊಡ್‍ಪಯಿಂಗಳಾಯಿತ್, ಅಯಿಂಗಡದ್‍ನ ಕಷ್ಟತ್‍ಲ್ ಉಳ್ಳಯಿಂಗಕ್ ಕೊಡ್‍ಪಕ್ ಎಣ್ಣ್.

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

ಪ್ರಕಟನೆ 2:9

ನೀಕುಳ್ಳ ಹಿಂಸೆನ ಪಿಂಞ ನೀನ್ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು ಗರೀಬನಾಯಿತ್ ಇಪ್ಪದ್ ನಾಕ್ ಗೊತ್ತುಂಡ್. ಪಿಂಞ ಯೆಹೂದ್ಯಂಗಾಂದ್ ಎಣ್ಣ್‌ಚೇಂಗಿಯು ಯೆಹೂದ್ಯ ಅಲ್ಲತಯಿಂಗಳಾಯಿತ್ ಅಯಿಂಗ ಎಣ್ಣುವ ದೂಷಣೆ ನಾಕ್ ಗೊತ್ತುಂಡ್. ಅಯಿಂಗ ಸೈತಾನಂಡ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತುಂಡ್.

ಪ್ರಕಟನೆ 21:7

ದಾರೆಲ್ಲಾ ಗೆಲ್ಲುವ ಅಯಿಂಗ, ಎಲ್ಲಾಂಗು ಬಾದ್ಯಕಾರಂಗಳಾಯಿತ್ ಇಪ್ಪ. ನಾನ್ ಅಂವೊಂಡ ದೇವನಾಯಿತಿಪ್ಪಿ ಅಂವೊ ನಾಡ ಮೋಂವೊನಾಯಿತ್‌ಪ್ಪ.

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.