2 ಕೊರಿಂಥ 8:8 - ಕೊಡವ ಬೈಬಲ್

⁸ ನಾನ್ ಇದ್‍ನ ಆಜ್ಞೆಯಾಯಿತ್ ಎಣ್ಣತೆ, ಬೋರೆಯಿಂಗಡ ಜಾಗ್ರತೆನ ಎಣ್ಣಿತ್, ನಿಂಗ ಪ್ರೀತಿಲ್ ಸತ್ಯವಂತಯಿಂಗಳಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಇನ್ನನೆ ಎಣ್ಣಿಯಂಡುಂಡ್.

2 ಕೊರಿಂಥ 8:8 ပူးပေါင်းရင်းမြစ်များ

ರೋಮ್ 12:9

ನಿಂಗಡ ಪ್ರೀತಿ ಕಪಟ ಇ‍ಲ್ಲತದಾಯಿತ್ ಇರಡ್, ಕೆಟ್ಟದ್‍ನ ದ್ವೇಶ ಮಾಡಿತ್, ನಲ್ಲದ್‍ನ ಪುಡ್‍ಚೊಳಿ.

1 ಕೊರಿಂಥ 7:12

ಮಂಗಲ ಆನ ಪಿಂಞ ಕ್ರಿಸ್ತಂಗಳಾನ ಜನಕ್, ಒಡೆಯಂಡದ್ ಅಲ್ಲ, ನಾಡ ಅಬಿಪ್ರಾಯ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಗ್ ಕೂಡ್‍ನ ಒಬ್ಬಂಡ ಪೊಣ್ಣ್, ಕ್ರಿಸ್ತನ ನಂಬತ ಪೊಣ್ಣಾಳಾಯಿತ್ಂಜತೇಂಗಿಯು, ಅವ ಅಂವೊಂಡ ಕೂಡೆ ಬದ್‌ಕ್‌ವೀಂದ್ ಒತ್ತಂಡಕ ಅವಳ ಅಂವೊ ಬುಡ್‌ವಕ್ಕಾಗ.

1 ಕೊರಿಂಥ 7:25

ಇಕ್ಕ ಮಂಗಲ ಕಯಿಕತೆ ಉಳ್ಳ ಕನ್ನಿ ಮೂಡಿಯಂಗಡ ವಿಷಯತ್‍ಲ್, ನಾಕ್ ಒಡೆಯಂಡ ಆಜ್ಞೆ ಕ್‍ಟ್ಟಿತ್ತ್‌ಲ್ಲೆ. ಆಚೇಂಗಿ, ನಾನ್ ಎಣ್ಣ್‌ವದ್ ಸತ್ಯವಾಯಿತ್ ಇಪ್ಪನೆಕೆ, ನಾಕ್ ದೇವ ಕರುಣೆ ಕಾಟಿಯಂಡ್ ಉಳ್ಳಾಂಗ್, ನಾಡ ಅಬಿಪ್ರಾಯತ್‍ನ ಎಣ್ಣ್‌ವಿ.

1 ಕೊರಿಂಥ 7:6

ನಾನ್ ನಿಂಗಕ್ ಇದ್‍ನ ಒರ್ ಆಲೋಚನೆಯಾಯಿತ್ ಎಣ್ಣಿಯಂಡ್ ಉಂಡ್, ಇದ್ ಒರ್ ಆಜ್ಞೆ ಅಲ್ಲ.

2 ಕೊರಿಂಥ 6:6

ನಂಗ ನಂಗಳ ಪವಿತ್ರತ್‍ಲ್, ಅರ್ಥಮಾಡ್‌ವದ್‍ಲ್, ಪೊರುಮೇಲ್, ದಯೇಲ್, ನಂಗಡ ಒಳ್‍ಲ್ ಉಳ್ಳ ಪವಿತ್ರಾತ್ಮತ್‍ರಗುಂಡ್ ಕಪಟ ಇಲ್ಲತ ಪ್ರೀತಿಲ್ ನಿರೂಬಿಚಿಟ್ಟಂಡುಂಡ್.

2 ಕೊರಿಂಥ 8:10

ಈ ವಿಷಯತ್‍ಲ್ ನಾಡ ಆಲೋಚನೆನ ಎಣ್ಣ್‌ವಿ; ಇದ್‍ನ ಮಾಡಂಡೂಂದ್ ಒರ್ ಕಾಲಕ್ ಮಿಂಞ ಸುರು ಮಾಡ್‍ನದ್‍ಲ್ ಪಿಂಞ ಅದ್‍ನ ಮಾಡಂಡೂಂದ್ ಮಿಂಞಕ್ ಎಡ್‍ತಂಡ್ ಪೋಪದ್‍ಲ್ ಕುಶಿಪಡ್‌ವಕು ನಿಂಗಕ್ ಯೋಗ್ಯವಾಯಿತ್‌ಪ್ಪ.

2 ಕೊರಿಂಥ 8:24

ಆನಗುಂಡ್, ನಿಂಗಡ ಪ್ರೀತಿನ ಪಿಂಞ ನಿಂಗಡ ವಿಷಯವಾಯಿತ್ ನಂಗ ಕೊಂಡಾಡ್‍ನದ್‍ನ, ಸಬೆರ ಮಿಂಞತ್ ಅಯಿಂಗಕ್ ಕಾಂಬ್‍ಚಿಡಿ.

2 ಕೊರಿಂಥ 9:2

ನಿಂಗಡ ಮನಸ್ಸ್‌ರ ಆಸೆ ನಾಕ್ ಗೊತ್ತುಂಡ್; ಅಖಾಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಮಕ್ಕ ಇದ್‍ನ ಮಾಡ್‌ವಕ್ ಒರ್ ಕಾಲತ್ಂಜ ತಯಾರಾಯಿತ್ ಉಂಡ್‍ೕಂದ್, ಮಕೆದೋನ್ಯ ಪಟ್ಟಣತ್‍ರ ಮಕ್ಕಕ್ ಎಣ್ಣಿತ್ ನಿಂಗಳ ಹೊಗಳ್‍ಚಿಟ್ಟಿಯೆ; ನಿಂಗಡ ಅಪೇಕ್ಷೆ ದುಂಬ ಜನಕ್ ಪುರ್‌ಡ್ ಕೊಡ್‍ತತ್.

2 ಕೊರಿಂಥ 9:7

ಒಬ್ಬೊಬ್ಬನು ಮನಸ್ಸ್ ಕಷ್ಟಪಟ್ಟಿತೋ ಒತ್ತಾಯ ಮಾಡಿತೋ ಅಲ್ಲ, ತಾಂಡ ಮನಸ್ಸ್‌ಲ್ ತೀರ್ಮಾನ ಮಾಡ್‍ನನೆಕೆ ಕೊಡ್‌ಕಡ್; ಕುಶೀಲ್ ಕೊಡ್‍ಪಂವೊನ ದೇವ ಪ್ರೀತಿಚಿಡುವ.

ಎಫೆಸ 4:15

ಅದ್ಂಡ ಬದ್‍ಲ್, ಪ್ರೀತಿಲ್ ಸತ್ಯತ್‍ನ ಪುಡ್‍ಚಂಡ್, ಮಂಡೆಯಾಯಿತುಳ್ಳ ಕ್ರಿಸ್ತಂಡಲ್ಲಿ ಎಲ್ಲಾ ವಿಷಯತ್‍ಲು, ನಂಗ ಬೊಳ್ಂದಂಡ್ ಇಪ್ಪಯಿಂಗಳಾಯಿತ್ ಇರಂಡು.

ಎಫೆಸ 6:24

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ಕಾಲಕಾಲಕು ಪಾಳಾಕತ ಪ್ರೀತಿ ಮಾಡ್‌ವ ಎಲ್ಲಾಡ ಕೂಡೆ ಕೃಪೆ ಇಕ್ಕಡ್. ಆಮೆನ್.

ಇಬ್ರಿಯ 10:24

ನಂಗ ಒಬ್ಬೊಬ್ಬಂಗ್ ಪ್ರೀತಿಲ್ ಪಿಂಞ ನಲ್ಲ ಕೆಲಸ ಮಾಡ್‌ವದ್‍ಲ್ ಎನ್ನನೆ ಸಹಾಯ ಮಾಡ್‌ವಕ್ ಕಯ್ಯೂಂದ್ ಗೇನ ಮಾಡಿಯಂಡ್ ಇರಂಡು.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.