2 ಕೊರಿಂಥ 8:6 - ಕೊಡವ ಬೈಬಲ್

⁶ ಆನಗುಂಡ್, ತೀತ ಈ ದಾನತ್‍ರ ಸೇವೇನ ನಿಂಗಡಲ್ಲಿ ಸುರು ಮಾಡ್‍ನನೆಕೆ, ಅದ್‍ನ ಪೂರ್ತಿ ಮಾಡಂಡೂಂದ್ ನಂಗ ಅಂವೊನ ಬೋಡ್‍ಚಿ.

2 ಕೊರಿಂಥ 8:6 ပူးပေါင်းရင်းမြစ်များ

ಅಪೊಸ್ತಲ 24:17

ದುಂಬ ಕಾಲ ಕಯಿಂಜ ಪಿಂಞ ನಾನ್ ಯೆರೂಸಲೇಮ್‌ಕ್ ಬಂದಿಯೆ. ಅಲ್ಲಿ ಕಷ್ಟಪಟ್ಟಂಡುಳ್ಳ ನಾಡ ಜನಕ್ ದಾನ ಪಣತ್‍ನ ಕೊಡ್‌ಪಕು, ಕಾಣಿಕೆನ ಒಪ್ಪ್‌ಚಿಡ್‍ವಕು ನಾನ್ ಬಂದಿಯೆ.

ರೋಮ್ 15:25

ಆಚೇಂಗಿ ಇಕ್ಕ, ದೇವಡ ಮಕ್ಕಕ್ ಸಹಾಯ ಮಾಡ್‌ವ ವಿಷಯಕಾಯಿತ್ ಯೆರೂಸಲೇಮ್ ಪಟ್ಟಣಕ್ ಪ್ರಯಾಣ ಮಾಡ್‌ವಕ್ ಗೇನ ಮಾಡಿಯಂಡುಂಡ್.

2 ಕೊರಿಂಥ 12:18

ತೀತ ನಿಂಗಡ ಪಕ್ಕ ಬಪ್ಪಕ್ ನಾನ್ ಅಂವೊನ ಕ್‍ೕಟಿಯೆ, ಅಂವೊಂಡ ಕೂಡೆ ಇಂಞೊಬ್ಬನ ಅಯಿಚಿಯೆ; ತೀತಂಗ್ ನಿಂಗಡಿಂಜ ಎಂತಾಚು ಲಾಬ ಕ್‍ಟ್ಟ್‌ಚಾ? ನಂಗ ಒರೇ ಆತ್ಮ ಉಳ್ಳಯಿಂಗಳಾಯಿತ್ ಒರೇ ಕಾಲ್‍ರ ಗುರ್‌ತ್‌ಲ್ ನಡ್ಂದಂಡುಂಡಲ್ಲಾ?

2 ಕೊರಿಂಥ 2:13

ಆಚೇಂಗಿಯು, ಅಲ್ಲಿ ನಾಡ ಪ್ರೀತಿರ ತಮ್ಮಣನಾನ ತೀತನ ಕಾಂಗತಗುಂಡ್, ನಾಡ ಮನಸ್ಸ್‌ಕ್ ಸಮಾದಾನ ಇಲ್ಲತಾಚಿ. ಆನಗುಂಡ್, ನಾನ್ ಪೊರಟಿತ್ ಪೋಪೀಂದ್ ಅಯಿಂಗಕ್ ಎಣ್ಣಿತ್, ಮಕೆದೋನ್ಯ ಪ್ರಾಂತ್ಯಕ್ ಪೋಯೆ.

2 ಕೊರಿಂಥ 8:10

ಈ ವಿಷಯತ್‍ಲ್ ನಾಡ ಆಲೋಚನೆನ ಎಣ್ಣ್‌ವಿ; ಇದ್‍ನ ಮಾಡಂಡೂಂದ್ ಒರ್ ಕಾಲಕ್ ಮಿಂಞ ಸುರು ಮಾಡ್‍ನದ್‍ಲ್ ಪಿಂಞ ಅದ್‍ನ ಮಾಡಂಡೂಂದ್ ಮಿಂಞಕ್ ಎಡ್‍ತಂಡ್ ಪೋಪದ್‍ಲ್ ಕುಶಿಪಡ್‌ವಕು ನಿಂಗಕ್ ಯೋಗ್ಯವಾಯಿತ್‌ಪ್ಪ.

2 ಕೊರಿಂಥ 8:19

ಅದಲ್ಲತೆ, ಒಡೆಯಂಗ್ ಮಹಿಮೆ ಕ್‍ಟ್ಟುವಕಾಯಿತ್, ನಿಂಗಡ ಮನಸ್ಸ್‌ರ ಆಸೆ ಗೊತ್ತಾಪಕು, ನಂಗಡ ಸೇವೇರ ಮೂಲಕ ಕೂಟ್‍ನ ದಾನತ್‍ರ ಪಣತ್‍ನ ಕೊಂಡ್ ಪೋಪಕ, ನಂಗಡ ಕೂಡೆ ಬಟ್ಟೇಲ್ ಬಪ್ಪಕಾಯಿತು, ಅಂವೊನ ಸಬೆ ಗೊತ್ತ್ ಮಾಡಿತ್ ನೇಮಿಚಿಟ್ಟತ್.

2 ಕೊರಿಂಥ 8:23

ತೀತಂಡ ವಿಷಯತ್ ದಾರ್ ಒಬ್ಬ ಕ್‍ೕಟತೇಂಗಿ, ಅಂವೊ ನಾಡ ಕೂಟ್‍ಕಾರಾಂದೂ, ನಿಂಗಕಾಯಿತ್ ನಾಡ ಕೂಡೆ ದೇವಡ ಸೇವೆ ಮಾಡ್‌ವಂವೊನಾಯಿತ್ ಉಂಡ್‍ೕಂದು ಗೊತ್ತಿರಡ್. ನಂಗಡ ಅಣ್ಣತಮ್ಮಣಂಗಡ ವಿಷಯತ್ ಕ್‍ೕಟತೇಂಗಿ: ಅಯಿಂಗ ಸಬೆರ ಸೇವಕಂಗಳು, ಕ್ರಿಸ್ತಂಗ್ ಮಹಿಮೆಯಾಯಿತು ಉಂಡ್‍ೕಂದ್ ಗೊತ್ತಿರಡ್.

2 ಕೊರಿಂಥ 8:4

ಅಯಿಂಗಡ ಸಹಾಯತ್‍ನ ಪಿಂಞ ದೇವಡ ಮಕ್ಕಕ್ ದಾನ ಮಾಡ್‌ವಕ್ ಕ್‍ಟ್ಟ್‌ನ ಐಕ್ಯತ್‍ಲ್ ಪಾಲ್‍ದಾರಂಗಳಾನದ್‌ನ, ಸ್ವೀಕಾರ ಮಾಡಂಡೂಂದ್ ಅಯಿಂಗ ನಂಗಳ ದುಂಬ ಬೋಡಿಯಂಡತ್.

2 ಕೊರಿಂಥ 9:5

ಆನಗುಂಡ್, ನಿಂಗ ವಾಗ್ದಾನ ಮಾಡ್‍ನ ಈ ಪಣದಾನ ಒತ್ತಾಯ ಮಾಡ್‍ನಗುಂಡ್ ಅಲ್ಲ, ನಿಂಗಡ ಉದಾರ ಮನಸ್ಸ್‌ಲ್ ಕೊಡ್‍ಪನೆಕೆ, ನಿಂಗಳ ತಯಾರ್ ಮಾಡ್‌ವಕಾಯಿತ್ ಈಂಗಳ ನಾನ್ ನಿಂಗಡ ಪಕ್ಕ ಮಿಂಞಲೇ ಅಯಿಕಂಡೂಂದ್ ನಾಕ್ ಗೇನ ಆಚಿ.

ಫಿಲಿಪ್ಪಿ 4:18

ನಾಕ್ ಬೋಂಡಿಯಚ್ಚಕು ಅದ್ಂಗಿಂಜ ಜಾಸ್ತಿಯಾಯಿತು ಕ್‍ಟ್ಟ್‌ಚೀಂದ್ ಎಣ್ಣ್‌ವಿ. ನಿಂಗ ಅಯಿಚ ಇನಾಮ್‍ನ ಎಪಫ್ರೋದೀತನಿಂಜ ಎಡ್‍ತಂಡಿಯೆ. ಅದ್ ದೇವಡ ಮಿಂಞತ್ ದೇವಕ್ ಕೊಡ್‌ಪ ಸುಗಂದ ವಾಸನೆಯಾಯಿತು ಅಂವೊಂಡ ಪ್ರೀತಿರ ಅರ್ಪಣೆಯಾಯಿತು ಉಳ್ಳಾಂಗ್ ನಾಕ್ ತೃಪ್ತಿಯಾಚಿ.

1 ಪೇತ್ರ 4:10

ಒಬ್ಬ ಒಬ್ಬಂಗ್ ಚಾಯಿತೆ ಸಹಾಯ ಮಾಡ್‌ವನೆಕೆ, ಅಯಿಂಗಯಿಂಗಕ್ ದೇವ ಎಂತ ವರ ಕೊಡ್‍ತಿತುಂಡೋ ಅದ್ಂಡರನೆಕೆ ನಲ್ಲ ಜವಾಬ್ದಾರಂಗಳಾಯಿತ್ ಪಾಲ್ ಮಾಡಿತ್, ಸತ್ಯವಂತಂವೊನಾಯಿತ್, ಅಂವೊಂಡ ಕೃಪೇರ ನಾನಾ ತರತ್‍ರ ಪ್ರಕಾರ ಮಾಡಂಡು.