2 ಕೊರಿಂಥ 8:3 - ಕೊಡವ ಬೈಬಲ್

³ ಅದಲ್ಲತೆ, ಅಯಿಂಗ ಅಯಿಂಗಡ ಶಕ್ತಿಕ್ ತಕ್ಕಂತೆ ಪಿಂಞ ಅಯಿಂಗಡ ಶಕ್ತಿಕ್ ಜಾಸ್ತಿಯಾಯಿತು ಕೊಡ್‍ಪಕ್ ಮನಸ್ಸ್ ಉಳ್ಳಯಿಂಗಳಾಯಿತ್ ಇಂಜಾಂಗ್ ನಾನ್ ಸಾಕ್ಷಿಯಾಯಿತುಳ್ಳ.

2 ಕೊರಿಂಥ 8:3 ပူးပေါင်းရင်းမြစ်များ

ಮಾರ್ಕ 14:8

ಅವಕ್ ಎಂತ ಕಯ್ಯುವ ಅದ್‍ನ ಅವ ಮಾಡ್‍ಚಿ. ನನ್ನ ಪೂಪಂಗ್ ಮಿಂಞಲೇ ಅವ ಈ ತರ ಸುಗಂದ ತೈಲತ್‌ನ ಬೂಕಿತ್ ನನ್ನ ತಯಾರ್ ಮಾಡ್‍ಚಿ.

ಅಪೊಸ್ತಲ 11:29

ಅಕ್ಕ ಯೇಸುನ ನಂಬ್‍ನ ಓರೋರ್ ಅಣ್ಣತಮ್ಮಣಂಗಳು ಅಯಿಂಗಯಿಂಗಕ್ ಕಯ್ಯುವಚ್ಚಕ್ ಯೂದಾಯ ಪ್ರಾಂತ್ಯತ್‍ಲ್ ವಾಸ ಮಾಡಿಯಂಡುಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕ್ ತೀರ್ಮಾನ ಎಡ್‍ತತ್.

ರೋಮ್ 10:2

ದೇವಡ ಮೇಲೆ ಅಯಿಂಗಕ್ ಬಾರಿ ಬಕ್ತಿ ಉಂಡ್‍ೕಂದ್ ನಾನ್ ಅಯಿಂಗಡ ವಿಷಯತ್ ಸಾಕ್ಷಿ ಎಣ್ಣ್‌ವಿ; ಆಚೇಂಗಿ ಅದ್ ಬುದ್ದಿವಂತ ಬಕ್ತಿ ಅಲ್ಲ.

1 ಕೊರಿಂಥ 16:2

ಓರೋರ್ ವಾರತ್‍ರ ಆದ್ಯ ದಿವಸತ್‍ಲ್ ನಿಂಗ ಕೂಡಿ ಬಪ್ಪಕ, ಆ ವಾರತ್‍ಲ್ ನಿಂಗ ನಯಿಚ ದುಡ್ಡ್‌ಲ್, ಚೆನ್ನ ದುಡ್ಡ್‌ನ ಬೋರೆ ಮಾಡಿತ್ ಬೆಕ್ಕಂಡು. ನಾನ್ ನಿಂಗಡಲ್ಲಿಕ್ ಬಪ್ಪಕತ್ತನೆ ನಿಂಗ ಪಾರಕಾತಂಡಿಪ್ಪಕ್ಕಾಗ. ಅಕ್ಕ ನಾನ್ ಬಪ್ಪಕ, ಪಣತ್‍ನ ಕೂಟಿತ್ ಬೆಪ್ಪ ಕೆಲಸ ನಿಂಗಕ್ ಇಪ್ಪುಲೆ.

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

ಗಲಾತ್ಯ 4:15

ನಿಂಗ ಅಚ್ಚಕ್ ಕುಶೀಲ್ ಇಂಜಿರ! ನಿಂಗಕ್ ಇಕ್ಕ ಎಂತ ಆಚಿ? ಆ ದಿವಸತ್‍ಲ್, ನಿಂಗಕ್ ಕಯ್ಯುವೇಂಗಿ ಇಲ್ಲೆ, ನಾನ್ ಕ್‍ೕಟತೇಂಗಿ ನಿಂಗಡ ಕಣ್ಣ್‌ನ ಕೂಡೆ ನಾಕಾಯಿತ್ ಬಲ್‍ಚಿತ್ ಕೊಡ್‍ಪಕಿಂಜಿರಾಂದ್, ನಿಂಗಡ ವಿಷಯತ್‍ಲ್ ಸಾಕ್ಷಿ ಎಣ್ಣ್‌ವಿ.

ಫಿಲಿಪ್ಪಿ 2:13

ಎನ್ನಂಗೆಣ್ಣ್‌ಚೇಂಗಿ ದೇವ ಅಂವೊಂಗ್ ಕುಶಿಯಾನದ್‌ನ ಮಾಡ್‌ವಕ್, ನಿಂಗಕ್ ಆಸೆ ಪಿಂಞ ಶಕ್ತಿ ತಂದಿತ್ ನಿಂಗಡ ಬದ್‍ಕ್‍ಲ್ ಕ್ರಿಯೆ ಮಾಡಿಯಂಡುಂಡ್.

ಕೊಲೊಸ್ಸೆ 4:13

ಅಂವೊ ನಿಂಗಕಾಯಿತ್, ಲವೊದಿಕೆಯ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತ್ ಪಿಂಞ ಹಿರಿಯಾಪೊಲಿ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತ್ ದುಂಬ ಕಠಿಣವಾಯಿತ್ ಕೆಲಸ ಮಾಡಿಯಂಡ್ ಉಂಡ್‍ೕಂದ್ ನಾನ್ ದೈರ್ಯವಾಯಿತ್ ಸಾಕ್ಷಿ ಎಣ್ಣ್‌ವಕ್ ಕಯ್ಯು.

1 ಥೆಸಲೊನೀಕ 2:8

ನಂಗ ನಿಂಗಳ ಅಚ್ಚಕ್ ಪ್ರೀತಿ ಮಾಡಿತ್, ನಿಂಗಕ್ ದೇವಡ ನಲ್ಲ ಸುದ್ದಿರ ಬೋದನೆ ಮಾತ್ರ ಅಲ್ಲತೆ, ನಂಗಡ ಜೀವತ್‍ನ ಸಹ ಕೊಡ್‍ಪಕ್ ನಂಗ ಕುಶೀಲ್ ಇಂಜತ್.

ಫಿಲೆಮೋನ 1:14

ಆಚೇಂಗಿಯು ನೀನ್ ಮಾಡ್‌ವ ನಲ್ಲ ಸೇವೇನ ಒತ್ತಾಯ ಮಾಡಿತ್ ಅಲ್ಲ, ಕುಶಿಯಿಂಜ ಮಾಡಂಡೂಂದ್ ಪಿಂಞ ನೀಡ ಒಪ್ಪಿಗೆ ಇಲ್ಲತೆ ಏದ್ ಮಾಡ್‌ವಕು ನಾಕ್ ಮನಸ್ಸಿಲ್ಲೆ.

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.

1 ಪೇತ್ರ 5:2

ನಿಂಗಡಲ್ಲಿ ಉಳ್ಳ ದೇವಡ ಮಕ್ಕಳ ನಿಂಗ ಚಾಯಿತೆ ಒರ್ ಕೊರಿ ಗುಂಪ್‍ನ ನೋಟ್‍ವನೆಕೆ ಪೆರಿಯಯಿಂಗಡ ಸೇವೇನ ಮಾಡಂಡು. ಒತ್ತಾಯತ್‌ಲ್ ಅಲ್ಲ, ದೇವ ಕುಶಿಪಡ್‌ವನೆಕೆ ಮನಪೂರ್ವವಾಯಿತ್ ಪಿಂಞ ಕೆಟ್ಟ ಆದಾಯಕಾಯಿತ್ ಅಲ್ಲ, ಪುರ್‌ಡುಳ್ಳ ಮನಸ್ಸ್‌ಲ್ ಮಾಡಂಡು.