2 ಕೊರಿಂಥ 8:10 - ಕೊಡವ ಬೈಬಲ್

¹⁰ ಈ ವಿಷಯತ್‍ಲ್ ನಾಡ ಆಲೋಚನೆನ ಎಣ್ಣ್‌ವಿ; ಇದ್‍ನ ಮಾಡಂಡೂಂದ್ ಒರ್ ಕಾಲಕ್ ಮಿಂಞ ಸುರು ಮಾಡ್‍ನದ್‍ಲ್ ಪಿಂಞ ಅದ್‍ನ ಮಾಡಂಡೂಂದ್ ಮಿಂಞಕ್ ಎಡ್‍ತಂಡ್ ಪೋಪದ್‍ಲ್ ಕುಶಿಪಡ್‌ವಕು ನಿಂಗಕ್ ಯೋಗ್ಯವಾಯಿತ್‌ಪ್ಪ.

2 ಕೊರಿಂಥ 8:10 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಮತ್ತಾಯ 10:42

ಎಲ್ಲಾ ಶಿಷ್ಯಂಗಕಿಂಜ ಸಾದುವಾನ ಒರ್ ಶಿಷ್ಯಂಗ್, ನಾಡ ಶಿಷ್ಯಾಂದ್ ಗೊತ್ತಾನಗುಂಡ್, ನಿಂಗ, ಒರ್ ಲೋಟ ನೀರ್ ಕೊಡ್‍ತಕ, ಕಂಡಿತವಾಯಿತ್ ಅದ್ಂಡ ಫಲ ಕ್‍ಟ್ಟತೆ ಪೋಪ್‌ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 11:50

ನಂಗಡ ಜನ ನಾಶ ಆಕತನೆಕೆ ಇಪ್ಪಕಾಯಿತ್, ಒರೇ ಮನುಷ್ಯ ಚಾವದ್ ಎಚ್ಚಕ್ ನಲ್ಲದ್‍ೕಂದ್ ನಿಂಗ ಎನ್ನಂಗ್ ಗೇನಮಾಡಿಯಂಡಿಲ್ಲೇಂದ್ ಕ್‍ೕಟತ್.

ಯೋಹಾನ 16:7

ಆಚೇಂಗಿ, ನಾನ್ ನಿಂಗಕ್ ಒರ್ ಸತ್ಯ ಎಣ್ಣಿ ತಪ್ಪಿ: ನಾನ್ ಪೋಪದ್ ನಿಂಗಕ್ ಪ್ರಯೋಜನವಾಪ, ಎನ್ನಂಗೆಣ್ಣ್‌ಚೇಂಗಿ, ನಾನ್ ಪೋಕತ ಪೋನಕ ಆಲೋಚನೆ ತಪ್ಪ ಪವಿತ್ರಾತ್ಮ ನಿಂಗಡ ಪಕ್ಕ ಬಪ್ಪ್‌ಲೆ. ನಾನ್ ಪೋಚೇಂಗಿ, ಅಂವೊನ ನಿಂಗಡ ಪಕ್ಕ ಅಯಿಪಿ.

ಯೋಹಾನ 18:14

ಈ ಕಾಯಫನೇ ಮಿಂಞ ಯೆಹೂದ್ಯ ಅದಿಕಾರಿಯಂಗಳ ನೋಟಿತ್: ಎಲ್ಲಾ ಜನಕಾಯಿತ್ ಒರೇ ಮನುಷ್ಯ ಚಾವದ್ ನಲ್ಲದ್‍ೕಂದ್ ಆಲೋಚನೆ ಕೊಡ್‍ತಂವೊ.

1 ಕೊರಿಂಥ 10:23

ಎಂತ ಬೋಂಡ್‍ಚೇಂಗಿಯು ಮಾಡ್‌ವಕ್ ನಂಗಕ್ ಹಕ್ಕ್ ಉಂಡ್, ಆಚೇಂಗಿ ನಂಗ ಮಾಡ್‌ವದೆಲ್ಲ ನಂಗಕ್ ಸಹಾಯ ಆಪುಲೆ. ಎಂತ ಬೋಂಡ್‍ಚೇಂಗಿಯು ಮಾಡ್‌ವಕ್ ನಂಗಕ್ ಹಕ್ಕ್ ಉಂಡ್, ಆಚೇಂಗಿ ನಂಗ ಮಾಡ್‌ವದೆಲ್ಲ, ಬೋರೆಯಿಂಗ ದೇವಡಲ್ಲಿ ಬೊಳಿಯುವಕ್ ಸಹಾಯ ಮಾಡುಲೆ.

1 ಕೊರಿಂಥ 16:2

ಓರೋರ್ ವಾರತ್‍ರ ಆದ್ಯ ದಿವಸತ್‍ಲ್ ನಿಂಗ ಕೂಡಿ ಬಪ್ಪಕ, ಆ ವಾರತ್‍ಲ್ ನಿಂಗ ನಯಿಚ ದುಡ್ಡ್‌ಲ್, ಚೆನ್ನ ದುಡ್ಡ್‌ನ ಬೋರೆ ಮಾಡಿತ್ ಬೆಕ್ಕಂಡು. ನಾನ್ ನಿಂಗಡಲ್ಲಿಕ್ ಬಪ್ಪಕತ್ತನೆ ನಿಂಗ ಪಾರಕಾತಂಡಿಪ್ಪಕ್ಕಾಗ. ಅಕ್ಕ ನಾನ್ ಬಪ್ಪಕ, ಪಣತ್‍ನ ಕೂಟಿತ್ ಬೆಪ್ಪ ಕೆಲಸ ನಿಂಗಕ್ ಇಪ್ಪುಲೆ.

1 ಕೊರಿಂಥ 6:12

ಈ ಲೋಕತ್‍ಲ್ ಎಲ್ಲಾನ ಅನುಬವಿಚಿಡುವಕ್ ನಾಕ್ ಅನುಮತಿ ಉಂಡ್, ಆಚೇಂಗಿ ಎಲ್ಲಾ ನಾಕ್ ಪ್ರಯೋಜನ ಆಪುಲೆ. ಎಲ್ಲಾನ ಮಾಡ್‌ವಕ್ ನಾಕ್ ಅದಿಕಾರ ಉಂಡ್, ಆಚೇಂಗಿಯು ಒಂದಾಂಗ್ ಸಹ ನಾನ್ ಗುಲಾಮನಾಯಿತ್‌ಪ್ಪುಲೆ.

1 ಕೊರಿಂಥ 7:25

ಇಕ್ಕ ಮಂಗಲ ಕಯಿಕತೆ ಉಳ್ಳ ಕನ್ನಿ ಮೂಡಿಯಂಗಡ ವಿಷಯತ್‍ಲ್, ನಾಕ್ ಒಡೆಯಂಡ ಆಜ್ಞೆ ಕ್‍ಟ್ಟಿತ್ತ್‌ಲ್ಲೆ. ಆಚೇಂಗಿ, ನಾನ್ ಎಣ್ಣ್‌ವದ್ ಸತ್ಯವಾಯಿತ್ ಇಪ್ಪನೆಕೆ, ನಾಕ್ ದೇವ ಕರುಣೆ ಕಾಟಿಯಂಡ್ ಉಳ್ಳಾಂಗ್, ನಾಡ ಅಬಿಪ್ರಾಯತ್‍ನ ಎಣ್ಣ್‌ವಿ.

1 ಕೊರಿಂಥ 7:40

ನಾಡ ಅಬಿಪ್ರಾಯತ್‌ರನೆಕೆ, ಅವ ಪುನಃ ಮಂಗಲ ಕಯಿಕತೆ ಇಂಜತೇಂಗಿ, ಅದ್ ನಲ್ಲದ್‍ೕಂದ್ ನಾಕ್ ಆಪ. ನಾನ್ ಇನ್ನನೆ ಎಣ್ಣ್‌ವಕ್ ದೇವಡ ಆತ್ಮವೇ ನನ್ನ ನಡ್‍ತಿಯಂಡುಂಡ್‍ೕಂದ್ ನಂಬ್‌ವಿ.

2 ಕೊರಿಂಥ 12:1

ಹೊಗಳಿಚಿಡುವದ್‍ಲ್ ಒರ್ ಪ್ರಯೋಜನವು ನಾಕ್ ಇಲ್ಲೆ ಆಚೇಂಗಿಯು, ಅದ್ಂಗ್ ಅವಸ್ಯ ಉಂಡ್. ಒಡೆಯ ನಾಕ್ ಕಾಂಬ್‍ಚಿಟ್ಟ ದರ್ಶನತ್‍ನ ಪಿಂಞ ಪ್ರಕಟನೆರ ವಿಷಯತ್‍ನ ಎಣ್ಣ್‌ವಿ.

2 ಕೊರಿಂಥ 8:6

ಆನಗುಂಡ್, ತೀತ ಈ ದಾನತ್‍ರ ಸೇವೇನ ನಿಂಗಡಲ್ಲಿ ಸುರು ಮಾಡ್‍ನನೆಕೆ, ಅದ್‍ನ ಪೂರ್ತಿ ಮಾಡಂಡೂಂದ್ ನಂಗ ಅಂವೊನ ಬೋಡ್‍ಚಿ.

2 ಕೊರಿಂಥ 8:8

ನಾನ್ ಇದ್‍ನ ಆಜ್ಞೆಯಾಯಿತ್ ಎಣ್ಣತೆ, ಬೋರೆಯಿಂಗಡ ಜಾಗ್ರತೆನ ಎಣ್ಣಿತ್, ನಿಂಗ ಪ್ರೀತಿಲ್ ಸತ್ಯವಂತಯಿಂಗಳಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಇನ್ನನೆ ಎಣ್ಣಿಯಂಡುಂಡ್.

2 ಕೊರಿಂಥ 9:2

ನಿಂಗಡ ಮನಸ್ಸ್‌ರ ಆಸೆ ನಾಕ್ ಗೊತ್ತುಂಡ್; ಅಖಾಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಮಕ್ಕ ಇದ್‍ನ ಮಾಡ್‌ವಕ್ ಒರ್ ಕಾಲತ್ಂಜ ತಯಾರಾಯಿತ್ ಉಂಡ್‍ೕಂದ್, ಮಕೆದೋನ್ಯ ಪಟ್ಟಣತ್‍ರ ಮಕ್ಕಕ್ ಎಣ್ಣಿತ್ ನಿಂಗಳ ಹೊಗಳ್‍ಚಿಟ್ಟಿಯೆ; ನಿಂಗಡ ಅಪೇಕ್ಷೆ ದುಂಬ ಜನಕ್ ಪುರ್‌ಡ್ ಕೊಡ್‍ತತ್.

ಫಿಲಿಪ್ಪಿ 4:17

ನಾನ್ ನಿಂಗಡಗುಂಡ್ ಸಹಾಯ ಮಾತ್ರ ನೋಟಿಯಂಡ್ ಇರತೆ, ನಿಂಗ ಮಾಡ್‍ನ ಸಹಾಯಕ್ ದೇವ ನಿಂಗಕ್ ದುಂಬ ಫಲ ತರಂಡೂಂಡ್ ಬೋಡುವಿ.

ಇಬ್ರಿಯ 13:16

ಅದಲ್ಲತೆ, ನಲ್ಲದ್ ಮಾಡ್‌ವಕು, ದಾನದರ್ಮ ಮಾಡ್‌ವಕು ಮರ್ಂದ್ ಪೋಕತಿ; ಇನ್ನನೆ ಮಾಡ್‌ವ ಬಲೀಲ್ ದೇವ ಕುಶಿಪಡ್‍ವಂವೊನಾಯಿತುಂಡ್.