2 ಕೊರಿಂಥ 7:9 - ಕೊಡವ ಬೈಬಲ್

⁹ ಆಚೇಂಗಿಯು ನಿಂಗಕ್ ದುಃಖ ಆಚೀಂದ್ ಕುಶಿ ಪಡತೆ, ನಿಂಗ ದುಃಖ ಪಟ್ಟಿತ್ ಪಶ್ಚಾತಾಪ ಪಟ್ಟಗುಂಡ್ ಇಕ್ಕ ಕುಶಿ ಪಡುವಿ. ಎನ್ನಂಗೆಣ್ಣ್‌ಚೇಂಗಿ ದೇವಡ ಚಿತ್ತತ್‍ರನೆಕೆ ದುಃಖ ಪಟ್ಟಗುಂಡ್, ನಂಗಡಗುಂಡ್ ನಿಂಗಕ್ ಏದ್ ನಷ್ಟವು ಆಯಿತಿಲೆಲ್ಲ.

2 ಕೊರಿಂಥ 7:9 ပူးပေါင်းရင်းမြစ်များ

ಮತ್ತಾಯ 3:8

ನಿಂಗ ನೇರಾಯಿತ್ ಪಶ್ಚಾತಾಪ ಪಟ್ಟಿತ್ ಬದ್‍ಲಾಯಿತ್ ಉಳ್ಳಿರಾಂದ್, ನಿಂಗಡ ಬದ್‍ಕ್‍ಲ್ ಪಿಂಞ ಕ್ರಿಯೇಲ್ ಕಾಟಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10

ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:32

ಆಚೇಂಗಿ ಇಕ್ಕ ಕುಶಿಪಡ್‍ವದ್ ನ್ಯಾಯ, ಎನ್ನಂಗೆಣ್ಣ್‌ಚೇಂಗಿ ನೀಡ ತಮ್ಮಣ ಚತ್ತ್ ಪೋಯಿತ್ಂಜತ್, ಪುನಃ ಎದ್ದಿತ್ ಬಾತ್, ಅಂವೊ ಕಾಂಗತೆ ಪೋಯಿತ್ಂಜತ್, ಆಚೇಂಗಿ ಇಕ್ಕ ಕ್‍ಟ್ಟ್‌ಚೀಂದ್ ಅಂವೊಂಡ ಅಪ್ಪ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:7

ಅನ್ನನೆ, ಪಶ್ಚಾತಾಪ ಪಡಂಡೂಂದ್ ಇಲ್ಲತ ತೊಂಬತ್‌ತೊಯಿಂಬದ್ ನೀತಿವಂತಯಿಂಗಕಿಂಜ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ತಿರ್‌ಗ್‌ವ ಒರ್ ಪಾಪಿರ ವಿಷಯತ್ ಪರಲೋಕತ್‍ಲ್ ದುಂಬ ಕುಶಿ ಇಪ್ಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

2 ಕೊರಿಂಥ 2:16

ನಂಗ ಪಾಳಾಯಿ ಪೋಪಯಿಂಗಡ ಮದ್ಯತ್‍ಲ್ ಚಾವ್‍ರ ವಾಸನೆಯಾಯಿತು, ರಕ್ಷಣೆ ಕ್‍ಟ್ಟ್‌ವಯಿಂಗಡ ಮದ್ಯತ್‍ಲ್ ಜೀವತ್‍ರ ಸುಗಂದ ವಾಸನೆಯಾಯಿತು ಉಂಡ್. ಇನ್ನನೆ ಮಾಡ್‌ವಕ್ ಯೋಗ್ಯನಾಯಿತುಳ್ಳಂವೊ ದಾರ್?

2 ಕೊರಿಂಥ 7:8

ಆನಗುಂಡ್ ನಾನ್ ನಾಡ ಕಾಗದತ್‍ರ ಮೂಲಕ ನಿಂಗಳ ದುಃಖ ಪಡ್‍ತ್‍ಚೇಂಗಿಯು, ಅದ್ಂಗಾಯಿತ್ ನಾನ್ ಪಶ್ಚಾತಾಪ ಪಟ್ಟಿತ್‌ಲ್ಲೆ. ನಾನ್ ಪಶ್ಚಾತಾಪ ಪಟ್ಟತೇಂಗಿಯು, ಚೆನ್ನ ಸಮಯಕ್ ಮಾತ್ರ ಅದ್ ನಿಂಗಳ ದುಃಖಪಡ್‍ತ್‍ಚೀಂದ್ ನಾಕ್ ಗೊತ್ತುಂಡ್.