2 ಕೊರಿಂಥ 7:7 - ಕೊಡವ ಬೈಬಲ್

⁷ ಅಂವೊ ನಂಗಡ ಪಕ್ಕ ಬಂದಗುಂಡ್ ಮಾತ್ರ ಅಲ್ಲತೆ, ನಿಂಗ ಅಂವೊಂಗ್ ಪುರ್‌ಡ್ ಕೊಡ್‍ತದ್‍ನ ನಾಕ್ ಎಣ್ಣ್‌ಚಿ. ನಿಂಗ ನಂಗಡ ಮೇಲೆ ಬೆಚ್ಚಿತುಳ್ಳ ಆಸೇನ, ನಿಂಗಡ ದುಃಖತ್‍ನ, ನಾಡ ವಿಷಯತ್ ನಿಂಗಡ ಬಲ್ಯ ಕನಿಕರತ್‍ನ ಅಂವೊ ಎಣ್ಣುವಕ, ನಾಡ ಕುಶಿ ಇಂಞು ಜಾಸ್ತಿ ಆಚಿ.

2 ಕೊರಿಂಥ 7:7 ပူးပေါင်းရင်းမြစ်များ

ಮತ್ತಾಯ 26:75

ಅಕ್ಕ ಪೇತ್ರಂಗ್: ಮಲ್ಲಂಗೋಳಿ ಕೂವಕ್ ಮಿಂಞ ನೀನ್ ನನ್ನ ಗೊತ್ತ್‌ಲೇಂದ್ ಮೂಂದ್ ಕುರಿ ಎಣ್ಣುವಿಯಾಂದ್ ಯೇಸು ಎಣ್ಣ್‌ನದ್ ಗೇನ ಬಾತ್. ಅಂವೊ ಪೊರಮೆ ಪೋಯಿತ್ ದುಂಬ ಬೇಜಾರತ್‍ಲ್ ಮೊರಟತ್.

ಮತ್ತಾಯ 5:4

ದುಃಖ ಪಟ್ಟಂಡುಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ದೇವ ಅಯಿಂಗಳ ಸಮಾದಾನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:44

ಅಂವೊ ದುಂಬ ಮನಸ್ಸ್ ಕಷ್ಟಪಟ್ಟಿತ್ ಬೇಜಾರತ್‍ಲ್ ಪ್ರಾರ್ಥನೆ ಮಾಡ್‌ವಕಾಪಕ, ಯೇಸುರ ಬೆವರ್ ಚೋರೆರ ತುಳಿಯಾಯಿತ್ ನೆಲಕ್ ಬುದ್ದಂಡಿಂಜತ್.

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ರೋಮ್ 1:12

ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನ ನಾನ್ ಕಾಂಬಕ ನಾಕ್ ಪುರ್‌ಡ್ ಕ್‍ಟ್ಟುವನೆಕೆ, ನಿಂಗಕು ಸಹ ನಾನ್ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನೆ ಕಂಡಿತ್ ಪುರ್‌ಡ್ ಕ್‍ಟ್ಟುವ. ಇನ್ನನೆ ದಂಡಾಳ್‍ಕು ಆಶೀರ್ವಾದ ಆಪ.

1 ಕೊರಿಂಥ 5:2

ನಿಂಗ ಇದ್‍ನೆಲ್ಲ ಕಂಡಿತ್ ಎನ್ನನೆ ಬಲ್ಯರಿಕೇಲ್ ಕಳಿಪಿರ? ಆಂಡ ಬದ್‍ಲ್ ನಿಂಗ ಈ ವಿಷಯತ್‍ನ ಕ್‍ೕಟಿತ್ ದುಂಬ ಬೇಜಾರ್ ಆಯಿತ್ ಮೊರಟಂಡ್ ಇಕ್ಕಂಡು. ಅಂತ ಮನುಷ್ಯನ ನಿಂಗಡ ಐಕ್ಯತ್ಂಜ ಪೊರಮೆ ಬೆಚ್ಚಿತಿಕ್ಕಂಡು.

2 ಕೊರಿಂಥ 1:14

ಒಡೆಯನಾನ ಯೇಸು ಪುನಃ ಬಪ್ಪ ದಿವಸತ್‍ಲ್, ನಿಂಗಡ ವಿಷಯತ್ ನಂಗ ಹೆಮ್ಮೆ ಪಡ್‌ವನೆಕೆ, ನಿಂಗಳು ಸಹ ನಂಗಡ ವಿಷಯತ್ ಹೆಮ್ಮೆ ಪಡ್‍ವಿರಾಂದ್ ಚೆನ್ನಮಟ್ಟಕ್ ನಿಂಗ ಒತ್ತಂಡುಳ್ಳಿರಲ್ಲ.

2 ಕೊರಿಂಥ 1:4

ಎಂತ ಕಷ್ಟತ್‍ಲ್ ಇಂಜತೇಂಗಿಯು ಅಯಿಂಗಳ ಸಮಾದಾನ ಮಾಡ್‌ವಕ್ ಬಲ ಉಳ್ಳಯಿಂಗಳಾಯಿತ್ ನಂಗ ಬೊಳಿಯುವನೆಕೆ, ನಂಗಕ್ ಬಪ್ಪ ಎಲ್ಲಾ ಕಷ್ಟತ್‍ಲು, ದೇವ ಮಾತ್ರ ನಂಗಕ್ ಸಮಾದಾನ ತಂದಂಡುಂಡ್.

2 ಕೊರಿಂಥ 2:9

ನಿಂಗ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್ಂದಂಡುಳ್ಳಿರಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಅನ್ನನೆ ಒಳ್‍ದಿಯೆ.

2 ಕೊರಿಂಥ 5:2

ನಂಗ ಪರಲೋಕತ್‍ರ ಮನೆನ ಇಡಂಡೂಂದ್, ಇಕ್ಕ ದುಂಬ ಏಂಗಿಯಂಡ್ ಈ ಗುಡಾರತ್‍ಲ್ ನೆರ್‍ಂಗಿಯಂಡುಂಡ್.

2 ಕೊರಿಂಥ 7:6

ಆಚೇಂಗಿಯು, ತಳ್ಂದ್ ಪೋಪಯಿಂಗಕ್ ಪುರ್‌ಡ್ ಕೊಡ್‍ಪ ದೇವ, ತೀತ ಬಂದ ಮೂಲಕ ನಂಗಕ್ ಪುರ್‌ಡ್ ಕೊಡ್‍ತತ್.

2 ಕೊರಿಂಥ 7:8

ಆನಗುಂಡ್ ನಾನ್ ನಾಡ ಕಾಗದತ್‍ರ ಮೂಲಕ ನಿಂಗಳ ದುಃಖ ಪಡ್‍ತ್‍ಚೇಂಗಿಯು, ಅದ್ಂಗಾಯಿತ್ ನಾನ್ ಪಶ್ಚಾತಾಪ ಪಟ್ಟಿತ್‌ಲ್ಲೆ. ನಾನ್ ಪಶ್ಚಾತಾಪ ಪಟ್ಟತೇಂಗಿಯು, ಚೆನ್ನ ಸಮಯಕ್ ಮಾತ್ರ ಅದ್ ನಿಂಗಳ ದುಃಖಪಡ್‍ತ್‍ಚೀಂದ್ ನಾಕ್ ಗೊತ್ತುಂಡ್.

2 ಕೊರಿಂಥ 8:16

ಆಚೇಂಗಿ, ನಿಂಗಕಾಯಿತ್ ತೀತಂಡ ಹೃದಯತ್‍ಲ್ ಈ ಪುರಡ್‍ನ ಉಂಟ್‍ಮಾಡ್‍ನ ದೇವಕ್ ವಂದನೆ.

ಫಿಲಿಪ್ಪಿ 1:20

ಆನಗುಂಡ್, ನಾನ್ ಆಸೇಲ್ ಪಾರಕಾತಂಡ್ ದೇವಡ ಮೇಲೆ ದುಂಬ ನಂಬಿಕೆ ಬೆಚ್ಚಿತುಳ್ಳಗುಂಡ್, ನಾಕ್ ಇದ್ಂಡ ವಿಷಯತ್‍ಲ್ ಞಾಣ ಆಪುಲೆ, ಅದ್ಂಡ ಬದ್‍ಲ್ ನಾನ್ ಮಿಂಞ ಇಂಜನೆಕೆ ಇಕ್ಕಲು ಯೇಸುರ ವಿಷಯತ್‍ಲ್ ದೈರ್ಯತ್‍ಲ್ ಇಪ್ಪಿ. ನಾನ್ ಬದ್‍ಕ್‍ಚೇಂಗಿಯು ಚತ್ತತೇಂಗಿಯು ಯೇಸು ಕ್ರಿಸ್ತನ ಮಹಿಮೆ ಪಡ್‍ತ್‍ವೀಂದ್ ನಾಕ್ ನಂಬಿಕೆ ಉಂಡ್.

ಕೊಲೊಸ್ಸೆ 2:5

ನಾನ್ ನಿಂಗಡ ಕೂಡೆ ತಡೀಲ್ ಇಲ್ಲತ ಪೋಚೇಂಗಿಯು, ನಾಡ ಆತ್ಮತ್‍ಲ್ ನಿಂಗಡ ಕೂಡೆ ಉಳ್ಳ. ನಿಂಗ ಎನ್ನನೆ ಬದ್‍ಕಂಡುವೊ ಅನ್ನನೆ ನಿಂಗ ಬದ್‍ಕಿಯಂಡ್ ಉಳ್ಳಾಂಗು, ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಂಬಿಕೆ ದೃಡವಾಯಿತ್ ಉಳ್ಳಾಂಗು ನಾನ್ ದುಂಬ ಕುಶಿಪಟ್ಟಂಡುಳ್ಳ.

1 ಥೆಸಲೊನೀಕ 3:6

ಇಕ್ಕ ತಿಮೊಥೆಯ ನಿಂಗಡಲ್ಲಿಂಜ ನಂಗಡ ಪಕ್ಕ ಬಂದಿತ್, ನಿಂಗ ನಂಬಿಕೇಲ್ ಸ್ತಿರವಾಯಿತ್ ಇಪ್ಪಾನ ಪಿಂಞ ಒಬ್ಬೊಬ್ಬಂಡ ಮೇಲೆ ಉಳ್ಳ ನಿಂಗಡ ಪ್ರೀತಿನ, ನಲ್ಲರಿಕೆಯಾಯಿತ್ ನಂಗಕ್ ಎಣ್ಣ್‌ಚಿ. ನಿಂಗ ನಂಗಳ ಎಕ್ಕಾಲು ಕುಶೀಲ್ ಗೇನ ಮಾಡಿಯಂಡ್, ನಂಗ ನಿಂಗಳ ಕಾಂಗಂಡೂಂದ್ ಆಸೇಲ್ ಗೇನ ಮಾಡ್‌ವನೆಕೆ, ನಿಂಗಳು ನಂಗಳ ಕಾಂಗಂಡೂಂದ್ ಆಸೆಯಾಯಿತ್ ಉಳ್ಳಿರಾಂದ್ ಅಂವೊ ನಂಗಕ್ ಎಣ್ಣ್‌ಚಿ.

1 ಥೆಸಲೊನೀಕ 3:8

ದೇವಡ ಪಕ್ಕ ಉಳ್ಳ ನಂಬಿಕೇಲ್ ನಿಂಗ ಸ್ತಿರವಾಯಿತ್ ಉಳ್ಳಿರಾಂದ್ ಕ್‍ೕಟಿತ್, ನಂಗಕ್ ಬದ್‌ಕ್‍ವಕುಳ್ಳ ಪುದಿಯ ಶಕ್ತಿ ಕ್‍ಟ್ಟ್‌ಚಿ.

ಇಬ್ರಿಯ 2:1

ಆನಗುಂಡ್, ನಂಗ ಕ್‍ೕಟಿತುಳ್ಳ ವಿಷಯತ್ಂಜ ಜಾರತನೆಕೆ, ಅದ್‍ನ ದುಂಬ ಎಚ್ಚರತ್‍ಲ್ ನೋಟಂಡು.

ಯಾಕೋಬ 5:17

ಪಂಡತ್‌ರ ಪ್ರವಾದಿಯಾನ ಎಲೀಯ, ನಂಗಡೆನೆಕೆ ಕಷ್ಟ ಉಳ್ಳ ಒರ್ ಮನುಷ್ಯನಾಯಿತ್ಂಜತ್. ಮಳೆ ಬಪ್ಪಕ್ಕಾಗಾಂದ್ ನಂಬಿಕೇಲ್ ಪ್ರಾರ್ಥನೆ ಮಾಡ್‍ಚಿ. ಅಕ್ಕ ಮೂಂದರೆ ಕಾಲ ಮಳೆ ಬಂದಿತ್‌ಲ್ಲೆ.

2 ಯೋಹಾನ 1:4

ಅಪ್ಪ ನಂಗಕ್ ಆಜ್ಞೆ ತಂದನೆಕೆ, ನೀಡ ಮಕ್ಕಡಲ್ಲಿ ಚೆನ್ನ ಮಕ್ಕ ಸತ್ಯತ್‍ಲ್ ಬದ್‍ಕಿಯಂಡುಂಡ್‍ೕಂದ್ ಗೊತ್ತಾನಗುಂಡ್ ನಾಕ್ ದುಂಬ ಕುಶಿ ಆಚಿ.

ಯೂದ ಒಳ್‍ದ್‍ನ ಕಾಗದ 1:3

ನಾಡ ಪ್ರೀತಿರ ಜನಳೇ, ನಂಗಕೆಲ್ಲಾರ್‌ಕು ಕ್‍ಟ್ಟ್‌ನ ರಕ್ಷಣೆರ ವಿಷಯತ್‍ನ ನೇರಾಯಿತ್ ಒಳ್‍ದ್‍ವಕ್ ಇಂಜ, ಆಚೇಂಗಿ ಇಕ್ಕ, ದೇವ ಅಂವೊಂಡ ಮಕ್ಕಳಾಯಿತ್ ಮಾಡ್‍ನಯಿಂಗಕ್ ಒಮ್ಮಕೆ ಒಪ್ಪ್‌ಚಿಟ್ಟ ನಂಬಿಕೆಕಾಯಿತ್ ನಿಂಗ ದೈರ್ಯತ್‍ಲ್ ಪೊರಾಡಂಡೂಂದ್ ಎಚ್ಚರ ಮಾಡಿತ್ ಒಳ್‍ದ್‍ವಕ್ ಅವಸ್ಯ ಉಂಡ್‍ೕಂದ್ ನಾಕ್ ತೋಂದ್‍ಚಿ.