2 ಕೊರಿಂಥ 7:14 - ಕೊಡವ ಬೈಬಲ್

¹⁴ ನಿಂಗಡ ವಿಷಯತ್‍ಲ್ ಹೆಮ್ಮೆ ಪಟ್ಟಿತ್ ತೀತಂಡ ಪಕ್ಕ ನಾನ್ ಎಣ್ಣ್‌ನ ಏದ್ ವಿಷಯತ್ ನಾಕ್ ಞಾಣ ಇಲ್ಲೆ; ನಂಗ ನಿಂಗಡ ಪಕ್ಕ ಎಲ್ಲಾನ ನೇರಾಯಿತ್ ಎಣ್ಣ್‌ನನೆಕೆ, ತೀತಂಡ ಪಕ್ಕ ಹೆಮ್ಮೆಯಾಯಿತ್ ಎಣ್ಣ್‌ನದು ನೇರ್‌ಂದ್ ಆಚಿ.

2 ಕೊರಿಂಥ 7:14 ပူးပေါင်းရင်းမြစ်များ

ಯೋಹಾನ 17:19

ಅಯಿಂಗಳಗುಂಡ್ ನನ್ನ ನಾನ್ ಪವಿತ್ರವಾಯಿತ್ ಮಾಡ್‌ವಿ, ಅಕ್ಕ ಈಂಗಳು ಸತ್ಯತ್‍ರಗುಂಡ್ ನೀಕ್ ಪವಿತ್ರವಾಯಿತ್ ಆಪ.

2 ಕೊರಿಂಥ 10:8

ಒಡೆಯ ನಂಗಕ್ ಕೊಡ್‍ತಿತುಳ್ಳ ಅದಿಕಾರತ್‍ರ ವಿಷಯತ್, ನಾನ್ ಇಂಞು ದುಂಬ ಹೊಗಳಿಚಿಟ್ಟತೇಂಗಿಯು ನಾಕ್ ಞಾಣ ಆಪುಲೆ. ನಿಂಗಳ ಪಾಳ್ ಮಾಡ್‌ವಕಾಯಿತಲ್ಲ, ನಿಂಗಳ ಚಾಯಿ ಬೊಳ್‌ತಿತ್ ಕೆಟ್ಟುವಕಾಯಿತ್ ಈ ಅದಿಕಾರತ್‍ನ ನಂಗಕ್ ಕೊಡ್‍ತತ್.

2 ಕೊರಿಂಥ 12:6

ಹೊಗಳಿಚಿಡ್‌ವಕ್ ನಾಕ್ ಮನಸ್ಸ್ ಇಂಜತೇಂಗಿಯು, ನಾನ್ ಬುದ್ದಿ ಇಲ್ಲತಂವೊ ಅಲ್ಲ, ನಾನ್ ಸತ್ಯತ್‍ನ ಎಣ್ಣ್‌ವಿ. ಆಚೇಂಗಿಯು, ಒಬ್ಬನು ನಾಡಲ್ಲಿ ಕಾಂಬ ಪಿಂಞ ನನ್ನಿಂಜ ಕ್‍ೕಪ ವಿಷಯಕ್ ಜಾಸ್ತಿಯಾಯಿತ್ ನನ್ನ ಗೇನಮಾಡತನೆಕೆ ಅನ್ನನೆ ಮಾಡತೆ ಇಪ್ಪಿ.

2 ಕೊರಿಂಥ 2:13

ಆಚೇಂಗಿಯು, ಅಲ್ಲಿ ನಾಡ ಪ್ರೀತಿರ ತಮ್ಮಣನಾನ ತೀತನ ಕಾಂಗತಗುಂಡ್, ನಾಡ ಮನಸ್ಸ್‌ಕ್ ಸಮಾದಾನ ಇಲ್ಲತಾಚಿ. ಆನಗುಂಡ್, ನಾನ್ ಪೊರಟಿತ್ ಪೋಪೀಂದ್ ಅಯಿಂಗಕ್ ಎಣ್ಣಿತ್, ಮಕೆದೋನ್ಯ ಪ್ರಾಂತ್ಯಕ್ ಪೋಯೆ.

2 ಕೊರಿಂಥ 7:13

ಅನ್ನನೆ, ನಿಂಗಕ್ ಪುರ್‌ಡ್ ಕ್‍ಟ್ಟ್‌ನಗುಂಡ್ ನಂಗಕ್ ಪುರ್‌ಡ್ ಕ್‍ಟ್ಟ್‌ಚಿ; ವಿಶೇಷವಾಯಿತ್ ತೀತಂಡ ಆತ್ಮಕ್ ನಿಂಗ ಎಲ್ಲಾಡಗುಂಡ್ ಪುರ್‌ಡ್ ಕ್‍ಟ್ಟ್‌ನಗುಂಡ್, ಅಂವೊಂಡ ಕುಶೀಲ್ ನಂಗ ದುಂಬ ಕುಶಿಪಟ್ಟತ್.

2 ಕೊರಿಂಥ 7:4

ನಿಂಗಡ ವಿಷಯತ್ ನಾಕ್ ದುಂಬ ದೈರ್ಯ ಉಂಡ್; ನಿಂಗಡ ವಿಷಯತ್ ದುಂಬ ಹೆಮ್ಮೆ ಪಟ್ಟಂಡುಳ್ಳ. ನಾಕ್ ದುಂಬ ಪುರ್‌ಡ್ ಕ್‍ಟ್ಟಿತುಂಡ್, ನಂಗಕ್ ಆನ ಎಲ್ಲಾ ಹಿಂಸೆಲು ನಿಂಗ ನನ್ನ ದುಂಬ ಕುಶಿಪಡ್‍ತಿತುಳ್ಳಿರ.

2 ಕೊರಿಂಥ 7:6

ಆಚೇಂಗಿಯು, ತಳ್ಂದ್ ಪೋಪಯಿಂಗಕ್ ಪುರ್‌ಡ್ ಕೊಡ್‍ಪ ದೇವ, ತೀತ ಬಂದ ಮೂಲಕ ನಂಗಕ್ ಪುರ್‌ಡ್ ಕೊಡ್‍ತತ್.

2 ಕೊರಿಂಥ 8:24

ಆನಗುಂಡ್, ನಿಂಗಡ ಪ್ರೀತಿನ ಪಿಂಞ ನಿಂಗಡ ವಿಷಯವಾಯಿತ್ ನಂಗ ಕೊಂಡಾಡ್‍ನದ್‍ನ, ಸಬೆರ ಮಿಂಞತ್ ಅಯಿಂಗಕ್ ಕಾಂಬ್‍ಚಿಡಿ.

ಫಿಲಿಪ್ಪಿ 1:26

ಅನ್ನನೆ ನಾನ್ ಇಂಞೊಮ್ಮ ಬಪ್ಪಕ, ನಾಡ ಮೂಲಕ ಯೇಸು ಕ್ರಿಸ್ತ ಮಾಡ್‍ನ ಕಾರ್ಯತ್‍ನ ನೋಟಿತ್ ನಿಂಗ ಯೇಸು ಕ್ರಿಸ್ತಂಡ ವಿಷಯತ್‍ಲ್ ಇಂಞು ಹೆಮ್ಮೆ ಪಡ್‌ವಿರ.

2 ಥೆಸಲೊನೀಕ 1:4

ಆನಗುಂಡ್, ನಿಂಗಕ್ ಬಪ್ಪ ಎಲ್ಲಾ ಹಿಂಸೆನೆ ಪಿಂಞ ತೊಂದರೇನ ಸಹಿಸಿಯಂಡ್, ನಿಂಗಡ ತಾಳ್ಮೆನ ಪಿಂಞ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನ ಗಟ್ಟಿಯಾಯಿತ್ ಪುಡ್‌ಚಂಡುಳ್ಳಾಂಗ್, ನಿಂಗಡ ವಿಷಯತ್‍ನ ಬೋರೆ ಜಾಗತ್‍ಲ್ ಉಳ್ಳ ದೇವಡ ಸಬೇಲ್ ಎಣ್ಣಿತ್ ನಂಗ ಹೊಗಳಿಯಂಡ್ ಉಂಡ್.