2 ಕೊರಿಂಥ 6:9 - ಕೊಡವ ಬೈಬಲ್

⁹ ಚಾಯಿತೆ ಗೊತ್ತುಳ್ಳಯಿಂಗಳಾಯಿತ್ ಇಂಜತೇಂಗಿಯು, ಗೊತ್ತ್‌ಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಚಾವನೆಕೆ ಇಂಜತೇಂಗಿಯು ಬದ್‍ಕಿಯಂಡುಳ್ಳಯಿಂಗಳಾಯಿತ್, ಶಿಕ್ಷೆಕ್ ಯೋಗ್ಯರಾಯಿತ್ ಇಂಜತೇಂಗಿಯು, ಕೊಲೆ ಆಕತಯಿಂಗಳಾಯಿತ್ ಉಂಡ್.

2 ಕೊರಿಂಥ 6:9 ပူးပေါင်းရင်းမြစ်များ

ಅಪೊಸ್ತಲ 17:18

ಅಕ್ಕ, ಎಪಿಕೂರಿಯ ಪಿಂಞ ಸ್ತೋಯಿಕ ಎಣ್ಣುವ ತತ್ವ ಜ್ಞಾನಿಯಂಗಡ ಗುಂಪಿಂಜ ಚೆನ್ನ ಜನ, ಅಂವೊಂಡ ಕೂಡೆ ಚರ್ಚೆ ಮಾಡ್‍ಚಿ. ಅಯಿಂಗಡಲ್ಲಿ ಚೆನ್ನ ಜನ, ನಿಪ್ಪ್‌ಚಿಡತೆ ತಕ್ಕ್ ಪರಿವ ಮಾತ್‍ಮಲ್ಲ, ಇಂವೊ ಎಂತ ಎಣ್ಣ್‌ವಾಂದ್ ಕ್‍ೕಟತ್. ಪೌಲ ಯೇಸುರ ನಲ್ಲ ಸುದ್ದಿನ ಪಿಂಞ ಅಂವೊ ಚಾವ್‍ಯಿಂಜ ಜೀವವಾಯಿತ್ ಬಂದ ವಿಷಯತ್‍ನ ಪ್ರಚಾರ ಮಾಡ್‍ನಗುಂಡ್, ಚೆನ್ನ ಜನ: ಇಂವೊ ಬೋರೆ ದೇವನ ಎಣ್ಣಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 19:26

ಆಚೇಂಗಿ, ಕೈಯಿಂಜ ಮಾಡ್‍ನ ಮೂರ್ತಿಯೆಲ್ಲಾ ದೇವ ಅಲ್ಲಾಂದ್ ಆ ಪೌಲ ಎಣ್ಣಿತ್ ಇಲ್ಲಿ ಎಫೆಸತ್‍ಲ್ ಮಾತ್ರ ಅಲ್ಲತೆ ಆಸ್ಯ ಸೀಮೆರ ಎಲ್ಲಾ ಜಾಗತ್‍ಲು ದುಂಬ ಜನಳ ಅಂವೊಂಡ ಕಡೇಕ್ ಕೂಟಿಯಂಡತ್. ಇದ್‍ನೆಲ್ಲ ನಿಂಗ ನೋಟಿತು ಕ್‍ೕಟಿತು ಉಳ್ಳಿರ.

ಅಪೊಸ್ತಲ 25:19

ಅದ್ಂಗ್ ಬದ್‍ಲ್ ಅಯಿಂಗ ಪರ್ಂದ ಕುತ್ತನೆಲ್ಲ ಅಯಿಂಗಡ ಮಾರ್ಗತ್‍ರ ವಿಷಯವಾಯಿತು, ಚತ್ತ್‌ಪೋನ ಯೇಸು ಇಕ್ಕ ಜೀವವಾಯಿತ್ ಉಂಡ್‍ೕಂದ್ ಪೌಲ ತರ್ಕ ಮಾಡ್‌ವದೇ ಅಯಿಂಗ ಅಂವೊಂಡ ಮೇಲೆ ಎಣ್ಣುವ ಕುತ್ತವಾಯಿತ್ಂಜತ್.

ಅಪೊಸ್ತಲ 25:26

ಆಚೇಂಗಿ, ಇಂವೊಂಡ ವಿಷಯತ್‍ಲ್ ಚಕ್ರವರ್ತಿರ ಗೌರವಕ್ ಯೋಗ್ಯವಾಯಿತ್ ಒಳ್‍ದ್‍ವಕ್ ದೃಡವಾಯಿತ್ ಒಂದು ಇಲ್ಲೆ. ಆನಗುಂಡ್, ಚಕ್ರವರ್ತಿಕ್ ದೃಡವಾಯಿತ್ ಎಂತಾಂಚು ಒಳ್‍ದ್‌ವಕಾಯಿತ್, ಇಂವೊನ ನಿಂಗಡ ಮಿಂಞ ಮುಕ್ಯವಾಯಿತ್ ಅಗ್ರಿಪ್ಪ ರಾಜನೇ ನೀಡ ಮಿಂಞಕ್ ವಿಚಾರಣೆಕ್ ಕೊಂಡ್ ಬಂದಿಯೆ.

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

ರೋಮ್ 8:36

ಒಳ್‍ದಿತುಳ್ಳನೆಕೆ, ನೀಡಗುಂಡ್ ಜನ ನಂಗಳ ಕೊಲ್ಲುವಕ್ ಎಕ್ಕಾಲು ಬಂದಂಡುಂಡ್; ಕೊಲ್ಲುವಕ್ ಕಾಕಿಯಂಡ್ ಪೋಪ ಆಡ್‍ರನೆಕೆ ನಂಗಳ ನೋಟಿಯಂಡುಂಡ್‍ೕಂದ್ ಆಚಿ.

1 ಕೊರಿಂಥ 11:32

ಆಚೇಂಗಿಯು, ಒಡೆಯ ನಂಗಳ ನ್ಯಾಯತೀರ್ಪ್ ಮಾಡಿತ್ ಶಿಕ್ಷನೆ ತಪ್ಪಗುಂಡ್, ಈ ಲೋಕತ್‍ರ ಕೂಡೆ ನಂಗಳ ಅಂವೊ ಕಂಡನೆ ಮಾಡುಲೆ.

1 ಕೊರಿಂಥ 15:31

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಕ್ಕ ಬೋಂಡ್‍ಚೇಂಗಿಯು ಚಾವನೆಕೆ ಉಂಡ್; ಒಡೆಯನಾನ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‌ರಗುಂಡ್, ಇದ್‍ಲ್ ನಾನ್ ಹೆಮ್ಮೆ ಪಡ್‌ವಿ, ಇದ್ಂಗಾಯಿತ್ ನಾನ್ ಇನ್ನನೆ ಎಣ್ಣ್‌ವಿ.

1 ಕೊರಿಂಥ 4:9

ನಾಕ್ ಇನ್ನನೆ ಗೇನ ಆಪ, ಒರ್ ರಾಜ ಒರ್ ರಾಜ್ಯತ್‍ನ ಗೆಲ್ಲ್‌ವಕ, ಕಡೇಲ್ ಆ ರಾಜ್ಯತ್‍ರ ಜನಳ ಕೊಲ್ಲುವಕ್ ಕೊಂಡ್ ಪೋಪನೆಕೆ, ಅಪೊಸ್ತಲಂಗಳಾನ ನಂಗಳ ಎಲ್ಲಾರ್‌ಕು ಕಾಂಬನೆಕೆ ಕಡೇಕ್ ಚಾವಯಿಂಗಳಾಯಿತ್ ಮಾಡಿತುಂಡ್. ಈ ಲೋಕ, ದೇವದೂತಂಗ ಪಿಂಞ ಮುನುಷ್ಯಂಗ ನಂಗಳ ನೋಟಿತ್ ತೆಳಿಪನೆಕೆ ಆಚಿ.

2 ಕೊರಿಂಥ 11:6

ನಾನ್ ಚಾಯಿ ತಕ್ಕ್ ಪರಿಯುವಕ್ ಪಡಿಕತೆ ಇಂಜತೇಂಗಿಯು, ಬುದ್ದಿಲ್ ಅನ್ನನೆ ಇಲ್ಲೆ; ಆಚೇಂಗಿ ಈ ವಿಷಯತ್‍ನ ಎಲ್ಲಾ ವಿದತ್‍ಲ್ ನಂಗ ನಿಂಗಕ್ ಚಾಯಿತೆ ಎಣ್ಣಿತುಂಡ್.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

2 ಕೊರಿಂಥ 5:11

ಆನಗುಂಡ್, ಒಡೆಯಂಗ್ ಬೊತ್ತಿಯಂಡ್ ಬದ್‍ಕ್‍ವದ್ ಎಂತದ್‍ೕಂದ್ ಗೊತ್ತುಳ್ಳಗುಂಡ್, ನಂಗ ಜನಕ್ ಬುದ್ದಿ ಎಣ್ಣಿಯಂಡುಂಡ್; ನಂಗ ಎನ್ನನೆ ಉಂಡ್‍ೕಂದ್ ದೇವಕ್ ಗೊತ್ತುಂಡ್, ನಿಂಗಡ ಮನಸಾಕ್ಷಿಕು ಇದ್ ಗೊತ್ತುಂಡ್‍ೕಂದ್ ನಂಬುವಿ.