2 ಕೊರಿಂಥ 6:5 - ಕೊಡವ ಬೈಬಲ್

⁵ ನಂಗಳ ಜನ ಪೊಜ್ಜಿತುಂಡ್, ಜೈಲ್‍ಲ್ ಇಟ್ಟಿತುಂಡ್, ಕಲಹ ಮಾಡ್‌ವ ಗುಂಪ್‌ಲ್ ನಂಗಳ ಚಿಕ್ಕಿಚಿಟ್ಟಿತುಂಡ್, ಕಷ್ಟವಾಯಿತುಳ್ಳ ಕೆಲಸತ್‍ನ ಮಾಡಿತುಂಡ್, ಬಯಿಟ್ ವರಿಯಕ್ ಕಯ್ಯತೆ ಇಂಜಿತುಂಡ್, ಕೆಲ ಪಯಿಚಿತ್ ಇಂಜಿತುಂಡ್.

2 ಕೊರಿಂಥ 6:5 ပူးပေါင်းရင်းမြစ်များ

ಮತ್ತಾಯ 14:10

ಅಕ್ಕ, ಆಳ್‍ವಳ ಅಯಿಚಿತ್ ಯೋಹಾನಂಡ ಮಂಡೆನ ಕೆತ್ತ್‌ಚಿ.

ಮತ್ತಾಯ 14:3

ಹೆರೋದ, ಅಂವೊಂಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯಳಗುಂಡ್ ಯೋಹಾನನ ಬಂದಿಚಿಟ್ಟಿತ್ ಜೈಲ್‌ಕ್ ಇಟ್ಟಿತ್ಂಜತ್.

ಮತ್ತಾಯ 9:15

ಅದ್ಂಗ್ ಯೇಸು: ಮಂಗಲತ್‍ರ ಮನೆಲ್, ಮಂಗಲಕಾರ ಕೂಡೆ ಇಪ್ಪಕ, ಎನ್ನನೆ ಅಂವೊಂಡ ಚಂಙಾದಿಯ ಬೇಜಾರತ್‍ಲ್ ಇಪ್ಪ. ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಪಟ್ಟಣಿ ನಿಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 13:3

ಬಯ್ಯ, ಅಯಿಂಗ ಪಟ್ಟಣಿ ನಿಂದಿತ್, ಪ್ರಾರ್ಥನೆ ಮಾಡಿತ್, ಅಯಿಂಗಡ ಮೇಲೆ ಕೈ ಬೆಚ್ಚಿತ್ ಅಯಿಂಗಳ ಅಯಿಚತ್.

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 17:5

ಇದ್‍ನ ನಂಬತ ಚೆನ್ನ ಯೆಹೂದ್ಯಂಗ, ಒಟ್ಟೆಕಿಚ್ಚ್ ಪಟ್ಟಿತ್ ಅಲ್ಲಿ ಚತ್ತೆಲ್ ಇಂಜ ಚೆನ್ನ ಕೆಟ್ಟ ಜನಳ ಕಾಕಿತ್, ಗುಂಪ್‍ಕೂಡಿತ್, ಪಟ್ಟಣತ್‍ಲ್ ಕಲಹ ಮಾಡಿತ್, ಪೌಲ ಪಿಂಞ ಸೀಲನ ಪಟ್ಟಣತ್‍ಲ್ ಎಲ್ಲಾಡ ಮಿಂಞತ್ ಬಲ್‍ಚಂಡ್ ಬರಂಡೂಂದ್ ತ್‍ೕಡಿಯಂಡ್ ಬಾತ್. ಅನ್ನನೆ ಪೌಲ ಪಿಂಞ ಸೀಲ ವಾಸ ಮಾಡಿಯಂಡಿಂಜ ಯಾಸೋನ ಎಣ್ಣ್‌ವಂವೊಂಡ ಮನೆಕ್ ಬಾತ್.

ಅಪೊಸ್ತಲ 20:31

ಆನಗುಂಡ್, ನಾನ್ ಮೂಂದ್ ಕಾಲ ಪೊಲಾಕ ಬಯಿಟ್ ಕಣ್ಣೀರ್ ಇಟ್ಟಂಡ್ ಎಡೆಬುಡತೆ ಪ್ರತಿಯೊಬ್ಬಂಗ್ ಬುದ್ದಿ ಎಣ್ಣಿಯಂಡ್ ಇಂಜದ್‍ನ ನಿಂಗ ಗೇನ ಬೆಚ್ಚಂಡ್ ಎಚ್ಚಾರವಾಯಿತಿರಿ.

ಅಪೊಸ್ತಲ 23:10

ಇನ್ನನೆ ಗಲಾಟೆ ಜೋರಾಯಂಡೇ ಇಪ್ಪಕ, ಅಯಿಂಗ ಪೌಲನ ಬಲ್‍ಚಿ ಕಳಿಚಿತ್ ತುಂಡ್ ತುಂಡ್ ಮಾಡಿರ್‌ವಾಂದ್ ಸೇನೆರ ಅದಿಕಾರಿಕ್ ಪೋಡಿ ಆಚಿ. ಅಕ್ಕ ಅಂವೊ ಸಿಪಾಯಿಯಂಗಕ್, ನಿಂಗ ಪೋಯಿತ್ ಅಯಿಂಗಡ ಮದ್ಯತ್ಂಜ ಅಂವೊನ ಒತ್ತಾಯ ಮಾಡಿತ್ ಕೋಟೆಕ್ ಪುಡ್‌ಚಿತ್ ಬಾರೀಂದ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 23:35

ನೀಡ ಮೇಲೆ ಕುತ್ತ ಪರಿಯುವಯಿಂಗ ಬಪ್ಪಕ ನೀಡ ವಿಷಯತ್‍ನ ವಿವರವಾಯಿತ್ ವಿಚಾರಣೆ ಮಾಡ್‌ವೀಂದ್ ಎಣ್ಣಿತ್, ಪೌಲನ ಹೆರೋದಂಡ ಅರಮನೇಲ್ ಉಳ್ಳ ಜೈಲ್‍ಲ್ ಬೆಚ್ಚಿತ್ ಕಾಪಕಾಯಿತ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 24:27

ಇನ್ನನೆ ದಂಡ್ ಕಾಲ ಕಯಿಂಜಿರ್‌ತ್. ಫೇಲಿಕ್ಸಂಡ ಸ್ತಾನಕ್ ಪೋರ್ಕಿಯ ಫೆಸ್ತ ಎಣ್ಣ್‌ವಂವೊ ಬಾತ್; ಅಕ್ಕ, ಫೇಲಿಕ್ಸ ಯೆಹೂದ್ಯಂಗಡ ದಯೇನ, ಸಂಪಾದನೆ ಮಾಡ್‌ವಕಾಯಿತ್, ಪೌಲನ ಅನ್ನನೆ ಜೈಲ್‍ಲ್ಲೆ ಬುಟ್ಟಿತ್ ಪೋಚಿ.

ಅಪೊಸ್ತಲ 26:10

ಅನ್ನನೆ ಯೆರೂಸಲೇಮ್‍ಲು ಮಾಡಿಯೆ. ಮುಕ್ಯ ಯಾಜಕಂಗಯಿಂಜ ಅದಿಕಾರತ್‍ನ ಪಡ್ಂದಿತ್, ಯೇಸುನ ನಂಬ್‍ನ ದುಂಬ ದೇವಡ ಮಕ್ಕಳ ಜೈಲ್‌ಕ್ ಇಟ್ಟಿತ್, ಅದಲ್ಲತೆ ಅಯಿಂಗಕ್ ಮರಣ ಶಿಕ್ಷೇರ ತೀರ್ಪ್ ಕ್‍ಟ್ಟ್‌ವಕ, ನಾಡ ಒತ್ತಾಸೆನೆ ಸಹ ಕೊಡ್‌ತಿಯೆ.

ಅಪೊಸ್ತಲ 26:29

ಅದ್ಂಗ್ ಪೌಲ: ಚೆನ್ನ ಪ್ರಯತ್ನನತ್ಂಜ ಆಡ್, ಅಥವ ದುಂಬ ಪ್ರಯತ್ನನತ್ಂಜ ಆಡ್, ನಿಂಗ ಮಾತ್ರ ಅಲ್ಲತೆ, ಇಂದ್ ನಾಡ ಈ ಸತ್ಯತ್‍ನ ಕ್‍ೕಪಯಿಂಗೆಲ್ಲಾರು, ನಾಡ ಮೇಲೆ ಉಳ್ಳ ಈ ಕೈದಿರ ಸರ್ಪಣಿನ ಬುಟ್ಟಿತ್, ಪೂರ್ತಿಯಾಯಿತ್ ನನ್ನನೆಕೆ ಆಂಡೂಂದ್ ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 28:30

ಅಲ್ಲಿಂಜ ಅಂವೊ ತಾನ್ ಮಾಡ್‍ನ ಬಾಡಿಗೆ ಮನೆಲ್, ದಂಡ್ ಕಾಲ ಇಂಜಿತ್, ತಾಂಡ ಪಕ್ಕ ಬಪ್ಪಯಿಂಗಳೆಲ್ಲಾ ಸ್ವೀಕಾರ ಮಾಡ್‍ಚಿ.

ಅಪೊಸ್ತಲ 5:18

ಅಯಿಂಗ ಅಪೊಸ್ತಲಂಗಳ ಪುಡ್‌ಚಿತ್ ಪಟ್ಟಣತ್‍ರ ಸೆರೆಮನೆಕ್ ಇಟ್ಟತ್.

1 ಕೊರಿಂಥ 15:10

ಆಚೇಂಗಿ ನಾನ್ ಇಕ್ಕ ಇಪ್ಪದ್ ದೇವ ನಾಡ ಮೇಲೆ ಕಾಟ್‍ನ ಕೃಪೆ ಮಾತ್ರ. ಅಂವೊ ನಾಡ ಮೇಲೆ ಕಾಟ್‍ನ ಕನಿಕರ ಪಾಳಾಯಿ ಪೋಯಿತ್ತ್‌ಲ್ಲೆ. ಅದ್ಂಡ ಬದ್‍ಲ್ ಅಯಿಂಗ ಎಲ್ಲಾಕಿಂಜ ನಾನ್ ದುಂಬ ಕೆಲಸ ಮಾಡಿಯೆ, ಆಚೇಂಗಿಯು ನನ್ನಗುಂಡ್ ಅನ್ನನೆ ಆಪಕಿಂಜಿಲೆ. ನಾಡ ಮೇಲೆ ಉಳ್ಳ ದೇವಡ ಕೃಪೇನಗುಂಡ್ ನಾನ್ ಅನ್ನನೆ ಮಾಡ್‍ವಕಾಚಿ.

1 ಕೊರಿಂಥ 4:11

ಇಕ್ಕಲು ನಂಗ ಕೆಲ ಪಯಿಚಂಡುಳ್ಳಯಿಂಗಳಾಯಿತು, ಬಾಯಾರಿಕೆ ಆನಯಿಂಗಳಾಯಿತು, ನಂಗಡ ತಡಿಕ್ ಇಡ್‌ವಕ್ ಸರಿಯಾನ ಬಟ್ಟೆ ಇಲ್ಲತಯಿಂಗಳಾಯಿತು, ನಂಗಳ ಜನ ಪೊಯ್ಯುವಯಿಂಗಳಾಯಿತು, ವಾಸ ಮಾಡ್‌ವಕ್ ಒರ್ ಮನೆ ಇಲ್ಲತಯಿಂಗಳಾಯಿತು ಬದ್‍ಕಿಯಂಡುಂಡ್.

1 ಕೊರಿಂಥ 7:5

ಪ್ರಾರ್ಥನೆಲ್ ಚೆನ್ನ ಕಾಲ ಇರಂಡೂಂದ್ ನಿಂಗ ದಂಡಾಳು ತೀರ್ಮಾನ ಮಾಡಿತ್ ದಂಡಾಳು ಒತ್ತತೇಂಗಿ ಮಾತ್ರ ಚೆನ್ನ ಕಾಲ ಬೋರೆ ಬೋರೆಯಾಯಿತ್ ಇಪ್ಪಕ್ ಆಪ. ನಿಂಗಕ್ ತನ್ನಡಕ ಇಲ್ಲತಗುಂಡ್ ಬೋರೆಯಿಂಗಡ ಕೂಡೆ ತಪ್ಪ್ ಮಾಡ್‌ವನೆಕೆ ಸೈತಾನ ನಿಂಗಳ ಸೋದನೆ ಮಾಡತನೆಕೆ ಪುನಃ ಕೂಡಿ ಬಂದಿತ್ ಒಕ್ಕಚೆ ಇರಂಡು.

2 ಕೊರಿಂಥ 11:27

ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.

ಎಫೆಸ 3:1

ಇದ್ಂಗಾಯಿತ್ ಪೌಲನಾನ ನಾನ್, ಯೆಹೂದ್ಯಂಗಲ್ಲತಯಿಂಗಳಾನ ನಿಂಗಳಗುಂಡ್, ಕ್ರಿಸ್ತ ಯೇಸುಕಾಯಿತ್ ಕೈದಿಯಾಯಿತ್ ಉಳ್ಳ.

ಫಿಲಿಪ್ಪಿ 1:13

ನಾನ್ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಎಣ್ಣ್‌ನಗುಂಡ್ ಕೈದಿಯಾಯಿತ್ ಉಳ್ಳ್‌ಂದ್, ಮುಕ್ಯವಾಯಿತ್ ಇಲ್ಲಿ ವಾಸ ಮಾಡಿಯಂಡುಳ್ಳ ಅರಮನೆರ ಎಲ್ಲಾ ಸೇವಕಂಗಕ್ ಪಿಂಞ ಇಲ್ಲಿಯತ್‍ರ ಜನಕ್ ಚಾಯಿತೆ ಗೊತ್ತುಂಡ್.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.

1 ತಿಮೊಥೆಯ 4:10

ಇದ್ಂಗಾಯಿತ್ ನಂಗ ನಯಿಪ ಪಿಂಞ ನೊಂಬಲ ತಿಂಬ; ಎನ್ನಂಗೆಣ್ಣ್‌ಚೇಂಗಿ ಎಲ್ಲಾ ಜನಕ್, ಮುಕ್ಯವಾಯಿತ್ ಯೇಸುನ ನಂಬ್‍ನಯಿಂಗಕ್, ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಚ್ಚಿತುಂಡ್.

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

2 ತಿಮೊಥೆಯ 2:9

ಈ ನಲ್ಲ ಸುದ್ದಿರಗುಂಡ್, ನನ್ನ ಕೊಲೆಗಾರನೆಕೆ ಸರ್ಪಣಿಲ್ ಕೆಟ್ಟಿತ್, ನಾನ್ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ದೇವಡ ವಾಕ್ಯ ಬಂದನೆ ಆಯಿತ್‌ಲ್ಲೆ.

2 ತಿಮೊಥೆಯ 4:5

ಆಚೇಂಗಿ ನೀನ್ ಎಲ್ಲಾ ವಿಷಯತ್‍ಲು ಮನಸ್ಸ್ ತೆಳ್ಂಗ್‍ನಂವೊನಾಯಿತ್ ಇರ್, ಕಷ್ಟ ಅನುಬವಿಚಿಡ್‍ವಕ್ ಕುಶಿ ಪಡ್, ನಲ್ಲ ಸುದ್ದಿರ ಬೋದನೆಕಾರಂಡ ಕರ್ತವ್ಯತ್‍ನ ಮಾಡ್, ದೇವ ನೀಕ್ ತಂದ ಸೇವೇನ ಪೂರ್ತಿಮಾಡ್.

ಇಬ್ರಿಯ 11:36

ಬೋರೆ ಚೆನ್ನ ಜನ, ಅವಮಾನ ಪಟ್ಟಂಡ್, ಜನಡ ಕೈಯಿಂಜ ಪೊಯಿತ್ ಕ್‌ಟ್ಟಿಯಂಡ್, ಸರ್ಪಣಿಲ್ ಕೈದಿಯಾಯಿತ್ ಇಂಜಂಡ್ ಜೈಲ್‌ಕ್ ಪೋಚಿ.

ಇಬ್ರಿಯ 13:17

ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

ಇಬ್ರಿಯ 13:23

ನಾಡ ತಮ್ಮಣನಾನ ತಿಮೊಥೆಯಂಗ್ ಬುಡುಗಡೆ ಕ್‍ಟ್ಟ್‌ಚೀಂದ್ ಗೊತ್ತಿರಡ್; ಅಂವೊ ಬೆರಿಯ ಬಾತೇಂಗಿ, ಅಂವೊಂಡ ಕೂಡೆ ಬಂದಿತ್, ನಿಂಗಳ ಕಾಂಬಿ.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.