2 ಕೊರಿಂಥ 6:3 - ಕೊಡವ ಬೈಬಲ್

³ ಈ ಸೇವೇನ ದಾರೂ ಕುತ್ತ ಪರಿಯತನೆಕೆ, ನಂಗಡಗುಂಡ್ ಒಬ್ಬನು ಬೂವತನೆಕೆ ಎಲ್ಲಾ ವಿಷಯತ್‍ಲು ದೇವಡ ಸೇವಕಂಗಳಾಯಿತ್ ಬದ್‍ಕಿಯಂಡುಂಡ್.

2 ಕೊರಿಂಥ 6:3 ပူးပေါင်းရင်းမြစ်များ

ಮತ್ತಾಯ 17:27

ಆಚೇಂಗಿಯು, ನಂಗಡ ವಿಷಯತ್‍ಲ್ ಅಯಿಂಗ ಬೇಜಾರ್ ಮಾಡಂಡ. ನೀನ್ ಸಮುದ್ರಕ್ ಪೋಯಿತ್ ಮೀನ್‌ಕ್ ಗಾಣ ಇಡ್, ಅಕ್ಕ ಒರ್ ಮೀನ್ ಕ್‍ಟ್ಟುವ. ಅದ್ಂಡ ಬಾಯಿರ ಒಳ್‍ಲ್ ಒರ್ ಬೊಳ್ಳಿ ಉರುಪಿಯ ಕ್‍ಟ್ಟುವ; ಅದ್‍ನ ನಾಕಾಯಿತ್, ನೀಕಾಯಿತ್, ಈ ದೇವಾಲಯತ್‍ರ ಕಂದಾಯ ಎಡ್‌ಪಯಿಂಗಡ ಪಕ್ಕ ಕೊಡ್‍ೕಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 18:6

ಆಚೇಂಗಿ ನಾಡ ಮೇಲೆ ನಂಬಿಕೆಯುಳ್ಳ ಈ ಚೆರಿಯಯಿಂಗಳ ದಾರ್ ನಾಡ ಮೇಲೆ ನಂಬಿಕೆ ಇಲ್ಲತ್ತನೆಕೆ ಮಾಡ್‌ವ, ಅಯಿಂಗಡ ಬೋಳೆಕ್ ಬಲ್ಯೊರ್ ಬೀಜುವ ಕಲ್ಲ್‌ನ ಕೆಟ್ಟಿತ್ ಸಮುದ್ರತ್‍ರ ಆಳತ್‍ಲ್ ಅಂವೊನ ಮುಳ್‍ಕ್‍ವದ್ ಅಂವೊಂಗ್ ನಲ್ಲದಾಯಿತ್‌ಪ್ಪ.

ಅಪೊಸ್ತಲ 19:27

ಇದ್‍ನಗುಂಡ್, ನಂಗಡ ವ್ಯಾಪಾರತ್‍ರ ಪೆದ ಒಂದು ಇಲ್ಲತನೆಕೆ ಆಯಂಡುಂಡ್. ಇದ್‍ಲ್ಲತೆ, ಮಹಾ ದೇವಿ ಅರ್ತೆಮಿರ ದೇವಸ್ತಾನಕ್ ಮರ್ಯಾದೆ ಇಲ್ಲತೆ ಪೋಪ, ಆಸ್ಯ ಸೀಮೆ ಪಿಂಞ ಇಡೀ ಲೋಕ ಪೂಜೆ ಮಾಡ್‌ವ ಈ ದೇವಿರ ವೈಬವ ಇಲ್ಲತನೆಕೆ ಆಪಾಂದ್ ಎಣ್ಣ್‌ಚಿ.

ರೋಮ್ 14:13

ಆನಗುಂಡ್ ಇಂಞು ಮಿಂಞಕ್ ನಂಗ ದಾರ್‌ನು ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ಒಬ್ಬನು ತಾಂಡ ಅಣ್ಣತಮ್ಮಣಂಗ ಬುದ್ದ್‌ಪೋಪನೆಕೆಯು, ಬೊಳಿಯುವದ್‍ನ ತಡ್‍ಪನೆಕೆ ಮಾಡ್‌ವಕ್ಕಾಗ.

1 ಕೊರಿಂಥ 9:12

ಬೋರೆ ಜನಕ್ ನಿಂಗಡ ಮೇಲೆ ಇಚ್ಚಕ್ ಹಕ್ಕ್ ಉಂಡೇಂಗಿ, ನಂಗಕ್ ಇಂಞು ಎಚ್ಚಕ್ ಹಕ್ಕ್ ಉಂಡ್! ಆಚೇಂಗಿಯು, ಕ್ರಿಸ್ತಂಡ ನಲ್ಲ ಸುದ್ದಿ ಎಣ್ಣುವಕ್ ಏದ್ ತಡೆಯು ಬರತನೆಕೆ, ನಂಗಕ್ ಉಳ್ಳ ಅದಿಕಾರತ್‍ನ ಉಪಯೋಗಿಚಿಡತೆ, ಎಲ್ಲಾ ಕಷ್ಟತ್‍ನ ನಂಗ ಸಹಿಸಿಯಂಡುಂಡ್.

1 ಕೊರಿಂಥ 9:22

ದೇವಡ ನಂಬಿಕೇಲ್ ಬಲಹೀನಯಿಂಗಳಾಯಿತ್ ಉಳ್ಳಯಿಂಗ, ದೇವಡ ಮೇಲೆ ನಂಬಿಕೆ ಇಡ್‌ವಕಾಯಿತ್, ಒರ್ ತಡೆಯು ಮಾಡತಂವೊನಾಯಿತ್ ಆನ. ಎನ್ನನೆ ಆಚೇಂಗಿಯು, ಚೆನ್ನ ಜನಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ನಾನ್ ಎಂತೆಲ್ಲಾ ಆಪಕ್ ಕಯ್ಯುವೋ ಅನ್ನನೆಲ್ಲಾ ಆನ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

2 ಕೊರಿಂಥ 8:20

ನಂಗಡ ಸೇವೇರ ಮೂಲಕ ದಾರಾಳವಾಯಿತ್ ಕೂಟ್‍ನ ಈ ದಾನ ಪಣತ್‍ರ ವಿಷಯತ್ ಒಬ್ಬನು ನಂಗಳ ಕುತ್ತ ಪರಿಯತನೆಕೆ, ನಂಗ ಎಚ್ಚರತ್‍ಲ್ ಉಂಡ್.