2 ಕೊರಿಂಥ 6:15 - ಕೊಡವ ಬೈಬಲ್

¹⁵ ಕ್ರಿಸ್ತಂಗು ಸೈತಾನಂಗು ಎಂತ ಐಕ್ಯ? ಯೇಸುನ ನಂಬಿತ್ ದೇವಡ ಮಕ್ಕ ಆನಯಿಂಗಕು, ಕ್ರಿಸ್ತನ ನಂಬತಯಿಂಗಕು ಎಂತ ಬಾದ್ಯತೆ?

2 ಕೊರಿಂಥ 6:15 ပူးပေါင်းရင်းမြစ်များ

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಅಪೊಸ್ತಲ 5:14

ಆಚೇಂಗಿಯು ಇಂಞು ದುಂಬ ಆಣಾಳು ಪೊಣ್ಣಾಳು ಒಡೆಯನ ನಂಬಿತ್ ಅಯಿಂಗಡ ಕೂಟ್‍ಕ್ ಕೂಡಿಯಂಡೇ ಇಂಜತ್.

ಅಪೊಸ್ತಲ 8:20

ಅದ್ಂಗ್ ಪೇತ್ರ ಅಂವೊನ ನೋಟಿತ್: ದೇವಡ ವರತ್‍ನ ದುಡ್ಡ್‌ಕ್ ಎಡ್‍ಪಕ್ ನೀನ್ ಗೇನ ಮಾಡಿಯ? ಆನಗುಂಡ್, ನೀಡ ದುಡ್ಡ್ ನೀಡ ಕೂಡೆ ನಾಶ ಆಯಿ ಪೋಡ್.

1 ಕೊರಿಂಥ 6:6

ಅದ್ಂಡ ಬದ್‍ಲ್ ಯೇಸುನ ನಂಬ್‍ನ ಒರ್ ಅಣ್ಣತಮ್ಮಣನ ಇಂಞೊರ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ವಿರೋದವಾಯಿತ್ ದೇವಡ ಮಕ್ಕಳಾಯಿತ್ ಇಲ್ಲತಯಿಂಗಡ ಮಿಂಞತ್‍ ಜಗಳ ಮಾಡ್‍ವಿರಲ್ಲ.

1 ತಿಮೊಥೆಯ 5:8

ಆಚೇಂಗಿ ಒಬ್ಬ ತಾಂಡ ಬೆಂದ್‍ಕಕ್, ಮುಕ್ಯವಾಯಿತ್ ಅಂವೊಂಡ ಸ್ವಂತ ಕುಟುಂಬಕ್ ಸಹಾಯ ಮಾಡತೆ ಪೋಚೇಂಗಿ, ಅಂವೊ ದೇವಡ ನಂಬಿಕೇಕ್ ಮೋಸ ಮಾಡ್‍ನನೆಕೆ ಪಿಂಞ ದೇವಡ ನಂಬಿಕೇಲ್ ಇಲ್ಲತಯಿಂಗಕಿಂಜ ಕ್‍ೕಳಾನಂವೊ.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.