2 ಕೊರಿಂಥ 6:14 - ಕೊಡವ ಬೈಬಲ್

¹⁴ ಕ್ರಿಸ್ತನ ನಂಬತಯಿಂಗಡ ಕೂಟ್‌ಲ್ ಕೂಡಿತ್ ಸಮವಲ್ಲತ ನೊಗತ್‌ನ ಪೊರ್‍ಕತೆ ಇರಿ. ನೀತಿಕು ಅನೀತಿಕು ಎಂತ ಸಂಬಂದ? ಬೊಳಿಕು ಇರ್‌ಟ್‌ಕು ಎಂತ ಸಂಬಂದ?

2 ಕೊರಿಂಥ 6:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:3

ನೀನ್, ನಾಡ ಮೋಂವೊಂಗ್‌ ನಾನ್‌ ವಾಸಮಾಡಿಯಂಡುಳ್ಳ ಕಾನಾನ್‌ ದೇಶತ್‌ಂಜ ಮೂಡಿನ ಕೊಂಡ ಬಪ್ಪ್‌ಲೇಂದ್, ಬಾನಕು ಬೂಮಿಕು ದೇವನಾಯಿತುಳ್ಳ ಯೆಹೋವಂಡ ಮೇಲೆ ಆಣೆ ಮಾಡ್‍ೕಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 22:24

ಮುಂಜೆಡಿಗಾರಂಗ್‌ ಸ್ನೇಹಿತನಾಯಿತ್‌ ಇರತೆ. ತಟ್ಟನೆ ಬಲ್ಯ ಚೆಡಿಬಪ್ಪಂವೊಂಡ ಕೂಡೆ ಸಹವಾಸ ಮಾಡತೆ.

ಜ್ಞಾನತ್‌ರ ಪಡಿಮ 29:27

ನೀತಿವಂತಂವೊ ದುಷ್ಟನ ಅಸಹ್ಯವಾಯಿತ್‌ ಕಾಂಬ. ದುಷ್ಟ ಸತ್ಯವಂತಂವೊನ ಅಸಹ್ಯವಾಯಿತ್‌ ಕಾಂಬ.

ಮಲಾಕಿ 2:11

ಯೆಹೂದ ಜನ ದ್ರೋಹ ಮಾಡಿತ್, ಇಸ್ರಾಯೇಲ್‌ಲ್‌ ಪಿಂಞ ಯೆರೂಸಲೇಮ್‌ಲ್‌ ಅಸಹ್ಯವಾನ ಕಾರ್ಯ ಮಾಡ್‌ಚಿ; ಒಡೆಯನಾನ ಯೆಹೋವ ಕುಶಿಪಡುವ ಪವಿತ್‌ರತ್‌ನ ದೇವಾಲಯತ್‌ನ, ಯೆಹೂದ ಜನ ಅಶುದ್ದ ಮಾಡಿತ್, ಪರದೇಶಿಯಡ ದೇವಳ ಆರಾದನೆ ಮಾಡುವ ಮೂಡಿ ಮಕ್ಕಳ ಮಂಗಲ ಕಯಿಚತ್.

ಮಲಾಕಿ 2:15

ಒಡೆಯನಾನ ಯೆಹೋವ ನಿನ್ನ ಪಿಂಞ ನೀಡ ಪೊಣ್ಣ್‌ನ ಒಂದಾಯಿತ್‌ ಮಾಡ್‌ಚಲ್ಲಾ? ತಡಿಲ್‌ ಪಿಂಞ ಆತ್ಮತ್‌ಲ್‌ ನಿಂಗ ಅಂವೊಂಗ್‌ ಸ್ವಂತವಾನಯಿಂಗ. ಅಂವೊಂಗ್‌ ಎಂತ ಬೋಂಡು? ನಿಂಗ ಒಂದಾಯಿತ್‌ ಕೂಡಿತ್‌ ನಿಂಗಡಯಿಂಜ ದೇವಡ ಪೋಡಿ ಉಳ್ಳ ಮಕ್ಕಳ ಪುಟ್ಟ್‌ಚಿಡುವದ್‌ ತಾನೆ ಅಂವೊಂಗ್‌ ಬೋಂಡು. ಆನಗುಂಡ ನಿಂಗ ದಾರೂ ತಾಂಡ ಪ್ರಾಯತ್‌ರ ಪೊಣ್ಣ್‌ಕ್ ದ್ರೋಹ ಮಾಡತೆ ನಿಂಗಡ ಆತ್ಮತ್‌ರ ವಿಷಯತ್‌ ಎಚ್ಚರ ಎಡತೊಳಿ.

ಯೋಹಾನ 7:7

ಈ ಲೋಕತ್‍ರ ಜನ ನಿಂಗಳ ವಿರೋದಿಚಿಡುಲೆ, ಅಯಿಂಗ ಮಾಡ್‌ವ ಕಾರ್ಯವೆಲ್ಲಾ ಕೆಟ್ಟದ್‍ೕಂದ್ ನಾನ್ ಸಾಕ್ಷಿ ಎಣ್ಣಿಯಂಡುಳ್ಳಗುಂಡ್, ನನ್ನ ವಿರೋದಿಚಿಡುವ.

ಅಪೊಸ್ತಲ 4:23

ಈಂಗ ಬುಡ್‍ಗಡೆ ಆನ ಪಿಂಞ, ಅಯಿಂಗಡ ಸ್ವಂತ ಜನಡ ಪಕ್ಕ ಪೋಯಿತ್, ಮುಕ್ಯ ಯಾಜಕಂಗ ಪಿಂಞ ಪೆರಿಯಯಿಂಗ ಈಂಗಕ್ ಎಣ್ಣ್‌ನದೆಲ್ಲ ಅಯಿಂಗಕ್ ಎಣ್ಣ್‌ಚಿ.

1 ಕೊರಿಂಥ 10:21

ನಿಂಗ, ಕ್ರಿಸ್ತಂಡ ಚೋರೆನ ಗೇನ ಮಾಡಿತ್ ಕುಡಿಪ ಪಾತ್ರತ್‌ಲು, ಜನ ಕೂಳಿಯಂಗಕ್ ಕೊಡ್‍ಪ ಪಾತ್ರತ್‌ಲು ಕುಡಿಪಕ್ಕಾಗಾಲ್ಲಾ? ನಿಂಗ ಕ್ರಿಸ್ತಂಡ ತಡೀನ ಗೇನ ಮಾಡಿತ್ ತಿಂಬ ಗದ್ದಾಳತ್‌ಲು, ಕೂಳಿಯಂಗಕ್ ಕೊಡ್‍ಪ ಗದ್ದಾಳತ್‌ಲು ತಿಂಬಕ್ಕಾಗಲ್ಲಾ?

1 ಕೊರಿಂಥ 15:33

ಈ ವಿಷಯತ್‍ಲ್ ಮೋಸ ಪೋಕತಿ, ಬೋಂಡತ ಜನಡ ಕೂಟ್, ನಿಂಗಡ ನಲ್ಲ ಗುಣತ್‍ನ ಪಾಳ್ ಮಾಡಿರ್‌ವ.

1 ಕೊರಿಂಥ 5:9

ನಾನ್ ನಿಂಗಕ್ ಒಳ್‍ದ್‍ನ ಕಾಗದತ್‍ಲ್ ವ್ಯಬಿಚಾರ ಮಾಡ್‌ವಯಿಂಗಡ ಕೂಡೆ ಕೂಟ್ ಕೂಡತೀಂದ್ ಒಳ್‍ದಿಯೆ.

1 ಕೊರಿಂಥ 6:6

ಅದ್ಂಡ ಬದ್‍ಲ್ ಯೇಸುನ ನಂಬ್‍ನ ಒರ್ ಅಣ್ಣತಮ್ಮಣನ ಇಂಞೊರ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ವಿರೋದವಾಯಿತ್ ದೇವಡ ಮಕ್ಕಳಾಯಿತ್ ಇಲ್ಲತಯಿಂಗಡ ಮಿಂಞತ್‍ ಜಗಳ ಮಾಡ್‍ವಿರಲ್ಲ.

1 ಕೊರಿಂಥ 7:39

ಒರ್ ಪೊಣ್ಣ್‌ರ ವಡಿಯ ಬದ್‌ಕಿತ್ ಇಪ್ಪಕತ್ತನೆ, ಮಂಗಲತ್‍ರ ಪ್ರಮಾಣಕ್ ಅವ ಒಳಪಟ್ಟಿತುಂಡ್. ಆಚೇಂಗಿ ಅವಡ ವಡಿಯ ಚತ್ತ್ ಪೋಪಕ, ಅವಕ್ ಪುನಃ ಮಂಗಲ ಕಯಿಪಕ್ ಕುಶಿ ಇಂಜತೇಂಗಿ ಮಂಗಲ ಕಯಿಕಡ್. ಅನ್ನನೆ ಮಾಡ್‌ವದಾಚೇಂಗಿ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಒಬ್ಬನ ಮಾಡಂಡು.

ಫಿಲಿಪ್ಪಿ 2:15

ಅಕ್ಕ, ದಾರೂ ನಿಂಗಳ ಕುತ್ತ ಪರಿಯುಲೆ. ಮೋಸ ಪಿಂಞ ನೀಚ ಜನ ದುಂಬಿತುಳ್ಳ ಈ ಲೋಕತ್‍ಲ್, ಪಳಪಳಾಂದ್ ಬೊಳಿರನೆಕೆ ಮಿನ್ನಿಯಂಡ್, ಒರ್ ಕಳಂಗ ಪಿಂಞ ಕಪಟತನ ಇಲ್ಲತೆ, ದೇವಡ ಮಕ್ಕಳಾಯಿತ್ ಬದ್‍ಕಂಡು.

ಯಾಕೋಬ 4:4

ನಿಯತಿ ಇಲ್ಲತ ಜನಳೇ, ಈ ಬೂಲೋಕತ್‌ರ ಕೂಡೆ ಕೂಟ್ ಉಂಡೇಂಗಿ ದೇವನ ಅಲ್ಲಗೆಳೆದಿತ್, ದೂರ ಮಾಡ್‌ನನೆಕೇಂದ್ ಗೊತ್ತ್‌ಲ್ಲೆಯ? ಆನಗುಂಡ್ ಈ ಬೂಲೋಕತ್‌ರ ಕೂಡೆ ಕೂಟ್ ಬೆಪ್ಪಕ್ ಕುಶಿ ಉಳ್ಳಯಿಂಗ ದೇವಕ್ ಶತ್ರು ಆಯಿಪೋಪ.