2 ಕೊರಿಂಥ 6:13 - ಕೊಡವ ಬೈಬಲ್

¹³ ಆಂಡ ಬದ್‍ಲ್ ನಿಂಗಡ ಮನಸ್ಸ್‌ನ ತೊರಕಂಡೂಂದ್ ಒರ್ ಅಪ್ಪ ಮಕ್ಕಕ್ ಎಣ್ಣುವನೆಕೆ ನಿಂಗಕ್ ಎಣ್ಣಿಯಂಡುಂಡ್.

2 ಕೊರಿಂಥ 6:13 ပူးပေါင်းရင်းမြစ်များ

ಮಾರ್ಕ 11:24

ಅದ್ಂಗಾಯಿತ್, ಪ್ರಾರ್ಥನೆ ಮಾಡ್‌ವಕ, ನಿಂಗ ಎಂತ ಕ್‍ೕಪಿರ ಅದ್ ನಂಗಕ್ ಕ್‍ಟ್ಟ್‌ಚೀಂದ್ ನಂಬಿತ್ ಪ್ರಾರ್ಥನೆ ಮಾಡಿ. ಅಕ್ಕ ಅದ್ ನಿಂಗಕ್ ಆಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಗಲಾತ್ಯ 4:12

ನಾಡ ಅಣ್ಣತಮ್ಮಣಂಗಳೇ, ನಾನ್ ಇಕ್ಕ ಎನ್ನನೆ ಬದ್‍ಕಿಯಂಡುಂಡೋ, ಅನ್ನನೆ ನಿಂಗಳು ಸಹ ಬದ್‍ಕಂಡೂಂದ್ ನಾನ್ ಬೋಡುವಿ. ನಾನು ನಿಂಗಡನೆಕೆ ಇಂಜಿತ್‌ಲ್ಲೆಯಾ? ನಾನ್ ನಿಂಗಡ ಪಕ್ಕ ಬಪ್ಪಕ ನಿಂಗ ನಾಕ್ ನೊಂಬಲ ಏದು ಕೊಡ್‍ತಿತ್‌ಲ್ಲೆ.

ಗಲಾತ್ಯ 4:19

ನಾಡ ಪ್ರೀತಿರ ಮಕ್ಕಳೇ, ನಿಂಗಡ ಬದ್‍ಕ್‍ಲ್ ಕ್ರಿಸ್ತ ಪೂರ್ತಿಯಾಯಿತ್ ಬೊಳಿಯುವಕತ್ತನೆ ನಾನ್ ನಿಂಗಕಾಯಿತ್, ಒರ್ ಅವ್ವ ತಾಂಡ ಕುಂಞಿನ ಪೆರುವಕ ಬಪ್ಪ ನೊಂಬಲತ್‍ರನೆಕೆ ನಾನ್ ಪುನಃ ನೊಂಬಲತ್‍ನ ಎಡ್‍ತೊವಿ.

1 ಥೆಸಲೊನೀಕ 2:11

ಒರ್ ಅಪ್ಪ ತಾಂಡ ಸ್ವಂತ ಮಕ್ಕಳ ಎನ್ನನೆ ನಡ್‍ತ್‍ವ, ಅನ್ನನೆ ನಂಗ ನಿಂಗಳ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್.

1 ಯೋಹಾನ 2:1

ನಾಡ ಪ್ರೀತಿರ ಮಕ್ಕಳೇ, ನಿಂಗ ಪಾಪ ಮಾಡತೆ ಇಪ್ಪಕಾಯಿತ್ ನಾನ್ ನಿಂಗಕ್ ಇದ್‍ನ ಒಳ್‍ದ್‍ವಿ. ಅನ್ನನೆ ದಾರೇಂಗಿ ಪಾಪ ಮಾಡ್‍ಚೇಂಗಿ, ನಂಗಕಾಯಿತ್ ಅಪ್ಪನಾನ ದೇವಡ ಪಕ್ಕ ಬೋಡ್‍ವಕ್ ಮದ್ಯಸ್ತ ಒಬ್ಬ ಉಂಡ್. ಆ ಮದ್ಯಸ್ತ, ನೀತಿವಂತಂವೊನಾನ ಯೇಸು ಕ್ರಿಸ್ತ.

1 ಯೋಹಾನ 3:18

ನಾಡ ಪ್ರೀತಿರ ಮಕ್ಕಳೇ, ನಂಗಡ ಪ್ರೀತಿ ಬರಿ ತಕ್ಕ್‌ಬಾಕ್‍ಲ್ ಮಾತ್ರ ಇಪ್ಪಕ್ಕಾಗ, ಆಚೇಂಗಿ ಸತ್ಯತ್‍ಲ್ ಪಿಂಞ ಕ್ರಿಯೇಲ್ ಕಾಟಂಡು.

1 ಯೋಹಾನ 3:7

ಪ್ರೀತಿರ ಮಕ್ಕಳೇ ದಾರೂ ನಿಂಗಳ ಈ ವಿಷಯತ್‍ಲ್ ವಂಚನೆ ಮಾಡ್‌ವಕ್ ಅವಕಾಶ ಕೊಡ್‌ಕತಿ. ನೀತಿಲ್ ನಡ್‌ಪಂವೊ, ಕ್ರಿಸ್ತ ನೀತಿವಂತಂವೊನಾಯಿತ್ ಉಳ್ಳನೆಕೆ ತಾನು ನೀತಿವಂತಂವೊನಾಯಿತುಂಡ್.

3 ಯೋಹಾನ 1:4

ನಾಡ ಮಕ್ಕ ಸತ್ಯತ್‍ಲ್ ನಡ್‍ದಂಡುಂಡ್‍ೕಂದ್ ಕ್‍ೕಪಕಿಂಜ ಬಲ್ಯ ಕುಶಿ ನಾಕ್ ಬೋರೆ ಏದು ಇಲ್ಲೆ.