2 ಕೊರಿಂಥ 5:9 - ಕೊಡವ ಬೈಬಲ್

⁹ ಆನಗುಂಡ್, ನಂಗ ತಡೀಲ್ ವಾಸಮಾಡಿಯಂಡಿಂಜತೇಂಗಿಯು ಸರಿ, ವಾಸ ಮಾಡತೆ ಇಂಜತೇಂಗಿಯು ಸರಿ, ಒಡೆಯನ ಕುಶಿಪಡ್‍ತ್‍ವಯಿಂಗಳಾಯಿತ್ ಇಪ್ಪಕ್ ಪ್ರಯತ್ನಪಟ್ಟಂಡುಂಡ್.

2 ಕೊರಿಂಥ 5:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:7

ನೀನ್‌ ಸರಿಯಾನದ್‌ನ ಮಾಡಿತ್‌ಂಜಕ, ನಿನ್ನ ಸ್ವೀಕಾರ ಮಾಡ್‌ವಕಿಂಜಿತ್‌ಲ್ಲೆಯ? ಆಚೇಂಗಿ ನೀನ್‌ ನಲ್ಲದ್‌ ಮಾಡ್‌ವಕ್‌ ತ್‌ಕ್ಕಾರ ಮಾಡಿಚೇಂಗಿ, ಪಾಪ ನಿನ್ನ ಆಳ್‌ವಿಕೆ ಮಾಡ್‌ವಕ್‌ ಪಿಂಞ ನಾಶ ಮಾಡ್‌ವಕ್‌ ಪಡಿರ ಪಕ್ಕ ಪಾರಕಾತಂಡಿಪ್ಪ, ಆಚೇಂಗಿ ನೀನ್‌ ಅದನ ಆಳಂಡು.

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

ಅಪೊಸ್ತಲ 10:35

ಅಯಿಂಗ ಏದ್ ದೇಶತ್‍ರ ಜನವಾಯಿತ್ಂಜತೇಂಗಿಯು ಆಡ್, ಆಚೇಂಗಿ ಅಯಿಂಗ ದೇವಕ್ ಬೊತ್ತಿತ್, ನೀತಿರ ಬಟ್ಟೇಲ್ ನಡ್ಂದತೇಂಗಿ ಅಂವೊ ಸ್ವೀಕಾರ ಮಾಡ್‌ವ.

ರೋಮ್ 14:18

ಈ ವಿಷಯತ್‍ಲ್ ಎಚ್ಚರ ಎಡ್‍ತಂಡ್ ಕ್ರಿಸ್ತನ ಸೇವೆ ಮಾಡ್‌ವಂವೊಂಡ ಮೇಲೆ ದೇವನು ಕುಶಿ ಪಡುವ, ಮನುಷ್ಯಂಗಡಿಂಜ ಅಂಗಿಕಾರವು ಕ್‍ಟ್ಟುವ.

ರೋಮ್ 14:8

ನಂಗ ಬದ್‍ಕಿಯಂಡಿಂಜತೇಂಗಿ ಒಡೆಯಂಗಾಯಿತ್ ಬದ್‍ಕಿಯಂಡುಂಡ್. ನಂಗ ಚತ್ತತೇಂಗಿಯು ಒಡೆಯಂಗಾಯಿತ್ ಚತ್ತ್ ಪೋಪ; ಆನಗುಂಡ್, ನಂಗ ಬದ್‍ಕಿಯಂಡಿಂಜತೇಂಗಿಯು, ಚತ್ತತೇಂಗಿಯು ಒಡೆಯಂಗ್ ಕೂಡ್‍ನಯಿಂಗಳಾಯಿತುಂಡ್.

ರೋಮ್ 15:20

ನಾನ್ ಬೋರೆ ಒಬ್ಬ ಇಟ್ಟಿತುಳ್ಳ ಅಡಿಪಾಯತ್‍ರ ಮೇಲೆ ಕೆಟ್ಟತನೆಕೆ, ನಲ್ಲ ಸುದ್ದಿ ಅರಿಚಿಡತ ಜಾಗತ್‍ಲ್ ಕ್ರಿಸ್ತಂಡ ಪೆದತ್‍ನ ಪ್ರಚಾರ ಮಾಡ್‍ವದ್ ನಾಡ ಆಸೆ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

2 ಕೊರಿಂಥ 5:6

ಆನಗುಂಡ್ ತಡೀಲ್ ಬದ್‍ಕಿಯಂಡಿಪ್ಪಕತ್ತನೆ, ನಂಗ ಒಡೆಯಂಡಿಂಜ ದೂರವಾಯಿತ್ ಉಂಡ್‍ೕಂದ್ ಗುತ್ತುಂಡೇಂಗೀಯು, ಎಕ್ಕಾಲು ದೈರ್ಯವಾಯಿತುಂಡ್.

2 ಕೊರಿಂಥ 5:8

ನಂಗ ದೈರ್ಯವಾಯಿತ್ ಇಂಜಿತ್, ಈ ತಡೀನ ಬುಟ್ಟಿತ್ ಪೋಯಿತ್, ಒಡೆಯಂಡ ಕೂಡೆ ವಾಸ ಮಾಡ್‌ವಕ್ ದುಂಬ ಆಸೆ ಪಟ್ಟಂಡುಂಡ್.

ಎಫೆಸ 1:6

ಅನ್ನನೆ, ದೇವ ಪ್ರೀತಿ ಮಾಡ್‌ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್‌ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್‍ಚಿ.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

ಕೊಲೊಸ್ಸೆ 1:29

ಅದ್ಂಗಾಯಿತೇ, ನಾನ್ ನಾಡ ಒಳ್‍ಲ್ ಬಲ್ಯ ಶಕ್ತಿಲ್ ಕ್ರಿಯೆ ಮಾಡಿಯಂಡುಳ್ಳ ಅಂವೊಂಡ ಶಕ್ತಿಯಿಂಜ ಕ್ರಿಯೆ ಮಾಡಿತ್, ದುಂಬ ಪ್ರಯತ್ನ ಪಟ್ಟಂಡುಳ್ಳ.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ಥೆಸಲೊನೀಕ 4:11

ಇದ್ ನಿಂಗಡ ನೋಕವಾಯಿತ್ ಇರಂಡು. ನಿಂಗ ಸಮಾದಾನತ್‍ರ ಬದ್‍ಕ್ ಬದ್‍ಕ್‍ವಕ್, ಪೊರಮೆ ಉಳ್ಳಯಿಂಗಡ ಬದ್‍ಕ್‍ರ ವಿಷಯತ್ ನುಗ್ಗ್‌ವಕ್ಕಾಗ. ನಿಂಗ ನಿಂಗಡ ಸ್ವಂತ ಕೆಲಸ ಮಾಡಂಡೂಂದ್ ನಿಂಗಕ್ ನಂಗ ಮಿಂಞಲೇ ಎಣ್ಣಿತುಂಡ್.

1 ತಿಮೊಥೆಯ 4:10

ಇದ್ಂಗಾಯಿತ್ ನಂಗ ನಯಿಪ ಪಿಂಞ ನೊಂಬಲ ತಿಂಬ; ಎನ್ನಂಗೆಣ್ಣ್‌ಚೇಂಗಿ ಎಲ್ಲಾ ಜನಕ್, ಮುಕ್ಯವಾಯಿತ್ ಯೇಸುನ ನಂಬ್‍ನಯಿಂಗಕ್, ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಚ್ಚಿತುಂಡ್.

ಇಬ್ರಿಯ 12:28

ಆನಗುಂಡ್, ಅನ್‌ಂಗವಕ್ ಕಯ್ಯತ ರಾಜ್ಯತ್‍ನ ಪಡೆಯುವಯಿಂಗಳಾಯಿತುಳ್ಳ ನಂಗ, ಪೋಡಿಲ್, ಬಕ್ತಿಲ್ ದೇವಕ್ ಕುಶಿಪಡ್‌ವನೆಕೆ ಆರಾದನೆ ಮಾಡ್‌ವಕ್ ದೇವಡ ಕೃಪೇನ ಪುಡ್‍ಚಂಡ್ ಇಕ್ಕನ.

ಇಬ್ರಿಯ 4:11

ಆನಗುಂಡ್, ನಂಗಡಲ್ಲಿ ಒಬ್ಬನು ಅಯಿಂಗಡನೆಕೆ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋಕತನೆಕೆ, ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು. ಆನಗುಂಡ್, ಅಯಿಂಗ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋನನೆಕೆ, ನಂಗಡಲ್ಲಿ ಒಬ್ಬನು ಬುದ್ದ್‌ ಪೋಕತನೆಕೆ ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು.

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.