7 ನಂಗ ಕಣ್ಣ್‌ಲ್ ಕಂಡಿತ್ ನಡ್‍ಕತೆ, ನಂಬಿಕೇಲ್ ನಡ್ಂದಂಡುಂಡ್.
ಇಕ್ಕ, ನಂಗಡ ಬದ್‍ಕ್‍ನ, ಒರ್ ಕನ್ನಡಿಲ್ ಕಾಂಬನೆಕೆ ನೆಳನ ನೋಟಿಯಂಡುಂಡ್. ಅಕ್ಕ ನಂಗ ಚಾಯಿತೆ ನೇರಾನದ್‌ನ ಕಾಂಬ. ಇಕ್ಕ ನಾನ್ ನೋಟಿಯಂಡುಳ್ಳದ್ ಪರಿಪೂರ್ಣವಾನದ್ ಅಲ್ಲ, ಆಚೇಂಗಿ, ದೇವಕ್ ನನ್ನ ಪೂರ್ತಿ ಗೊತ್ತುಳ್ಳನೆಕೆ, ನಾನು ಎಲ್ಲಾನ ಚಾಯಿ ಅರ್ಥ ಮಾಡ್‌ವಕ್ ಅಕ್ಕ ಕಯ್ಯು.
ನಿಂಗಡ ನಂಬಿಕೇಕ್ ನಂಗ ಅದಿಕಾರ ಉಳ್ಳಯಿಂಗಳಾಯಿತ್ ಇಕ್ಕತೆ, ನಿಂಗಡ ಕುಶೀಕ್ ಸಹಾಯ ಮಾಡ್‌ವಯಿಂಗಳಾಯಿತುಂಡ್; ನಂಬಿಕೇರಗುಂಡ್ ನಿಂಗ ನಿಂದಂಡುಳ್ಳಿರಲ್ಲ.
ನಂಗ ಇಕ್ಕ ಕಣ್ಣ್‌ಕ್ ಕಾಂಬದ್‍ನ ಅಲ್ಲ, ಆಚೇಂಗಿ ಕಾಂಗತದ್‍ನ ನೋಟಿಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ, ಇಕ್ಕ ನಂಗ ಕಾಂಬದ್ ಚೆನ್ನ ಕಾಲ ಮಾತ್ರ ಇಪ್ಪ, ಕಾಂಗತದ್ ನಿತ್ಯ ಕಾಲಕ್ ಇಪ್ಪ.
ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.
ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‍ಕ್‍ವ, ಅದ್‍ನ ಅಂವೊ ಬುಟ್ಟಿತ್ ಪೋಚೇಂಗಿ, ನಾನ್ ಅಂವೊಂಡ ಮೇಲೆ ಕುಶಿಪಡುಲೇಂದ್ ದೇವ ಎಣ್ಣ್‌ಚಿ.
ನಿಂಗ ಅಂವೊನ ಕಂಡಿತಿಲ್ಲೆ, ಆಚೇಂಗಿಯು ನಿಂಗ ಅಂವೊನ ಪ್ರೀತಿ ಮಾಡ್‌ವಿರ; ಇಕ್ಕ ನಿಂಗ ಅಂವೊನ ಕಾಂಗತ ಪೋನಕ ಸಹ, ನಿಂಗ ಅಂವೊನ ನಂಬುವಿರ. ನಿಂಗ ಎಣ್ಣುವಕಯ್ಯತನೆಕೆ, ಮಹಿಮೆಲ್ ದುಂಬ್‍ನ ಅಚ್ಚಕ್ ಕುಶೀಲ್ ಇಪ್ಪಿರ.
ನಂಬಿಕೇಲ್ ದೈರ್ಯವಾಯಿತ್ ಇಂಜಂಡ್, ಅಂವೊಂಗ್ ಎದ್‍ರಾಯಿತ್ ನಿಲ್ಲಿ. ಈ ಲೋಕತ್‍ಲ್ ಉಳ್ಳ ನಿಂಗಡ ಎಲ್ಲಾ ಅಣ್ಣತಮ್ಮಣಂಗ ಇದೇ ತರ ಕಷ್ಟತ್‍ಲ್ ಬದ್‍ಕಿಯಂಡ್ ಉಳ್ಳದ್ ನಿಂಗಕ್ ಗೊತ್ತುಂಡಲ್ಲ!
