2 ಕೊರಿಂಥ 5:4 - ಕೊಡವ ಬೈಬಲ್

⁴ ಈ ಗುಡಾರತ್‍ಲ್ ವಾಸ ಮಾಡಿಯಂಡುಳ್ಳ ನಂಗ ನೆರ್ಂಗಿಯಂಡ್ ಬಾರತ್‍ನ ಪೊರ್‍ತಂಡುಂಡ್; ಚಾವ್ ಜೀವತ್‍ರಗುಂಡ್ ಬದ್‍ಲಾಪಕಾಯಿತ್, ಈ ಬಟ್ಟೇನ ಕಳೆಯುವಕ್ ನಂಗ ಕುಶಿ ಪಡತೆ, ಪರಲೋಕತ್‍ರ ಬಟ್ಟೇನ ಇಡ್‌ವಕ್ ಕುಶಿಪಟ್ಟಂಡುಂಡ್.

2 ಕೊರಿಂಥ 5:4 ပူးပေါင်းရင်းမြစ်များ

ರೋಮ್ 8:23

ಅದ್ ಮಾತ್ರ ಅಲ್ಲತೆ, ಪವಿತ್ರಾತ್ಮತ್‍ರ ಆದ್ಯ ಫಲ ಕ್‍ಟ್ಟ್‌ನ ನಂಗ ಸಹ, ನಂಗಡ ತಡೀರ ವಿಮೋಚನವಾನ ಮಕ್ಕಡ ಹಕ್ಕ್ ಬಪ್ಪಕಾಯಿತ್ ನಂಗಡ ಒಳ್‍ಲ್ ನೆರೆಂಗಿಯಂಡುಂಡ್.

1 ಕೊರಿಂಥ 15:51

ನಿಂಗೆಲ್ಲಾರು ಇಲ್ಲಿ ಎಣ್ಣುವ ಸತ್ಯತ್‍ರ ಗುಟ್ಟ್‌ನ ಕ್‍ೕಳಿ; ನಂಗ ಎಲ್ಲಾರು ಚಾವುಲೆ, ಆಚೇಂಗಿಯು, ಕಡೆ ವಾಲಗತ್‍ರ ಸದ್ದ್ ಕ್‍ೕಪಕ, ಒರ್ ಗಳಿಗೆಲ್, ಕಣ್ಣ್‌ಮುಚ್ಚಿತ್ ತೊರ್‌ಪನೆಕೆ ನಂಗೆಲ್ಲಾರು ಬದ್‍ಲ್ ಆಯಿಪೋಪ.

2 ಕೊರಿಂಥ 5:2

ನಂಗ ಪರಲೋಕತ್‍ರ ಮನೆನ ಇಡಂಡೂಂದ್, ಇಕ್ಕ ದುಂಬ ಏಂಗಿಯಂಡ್ ಈ ಗುಡಾರತ್‍ಲ್ ನೆರ್‍ಂಗಿಯಂಡುಂಡ್.

2 ಕೊರಿಂಥ 5:3

ಎನ್ನಂಗೆಣ್ಣ್‌ಚೇಂಗಿ, ಆ ತಡೀನ ಇಡ್‍ವಕ, ನಂಗ ಬೆತ್ತಲೆಯಾಯಿತ್ ಕಾಂಬುಲೆ.

2 ಪೇತ್ರ 1:13

ನಂಗಡ ಒಡೆಯನಾನ ಯೇಸು ಕ್ರಿಸ್ತ ನಾಕ್ ಕಾಂಬ್‌ಚಿಟ್ಟನೆಕೆ, ನಾನ್ ಬೆರಿಯ ಈ ತಡಿಯಿಂಜ ಪೋಪದ್ ಗೊತ್ತಾನಗುಂಡ್, ನಾನ್ ಈ ತಡೀಲ್ ಬದ್‍ಕಿಯಂಡ್ ಇಪ್ಪಕತ್ತನೆ ನಿಂಗಡ ಗೇನಕ್ ಇದ್‍ನೆಲ್ಲಾ ಎಣ್ಣಿಯಂಡ್ ಇಪ್ಪದ್ ಸರಿಯಾಯಿತ್ ಉಂಡ್‍ೕಂದ್ ಗೇನ ಮಾಡ್‌ವಿ.